6. Na Allah Ṯiŋaḏa Kwɔmune Ki lobi Leḏi Izhaag

Kinaŋu ma Ibrahiim orɔ kimǝyǝ kupa, na tor tuŋun, teni Izhaag, upeŋe nuŋu orɔ kwor. ŋuṯaŋu na Ibrahiim uzi kaḏama kete kuŋun ki baleḏ kweḏi lizi leḏi dunuŋ kuŋun eḏi efica toru tuŋun teni Izhaag, kwayo.

Mindaŋ maŋu ele ki ṯay ṯuluna beṯen eḏi ele ki ezir wunanigu lizi eḏi dunuŋ kweḏi Ibrahiimŋa, na Allah mulɔ kaḏama nanigu Ribeka. Tir kugurnǝ kweḏi eŋgen kweḏi Ibrahiimŋa.

Na Ribeka amini eḏi ṯazi lizilu leḏi dunuŋ kuŋun eḏi ele kaḏamagi nanigu dunuŋ kweḏi Izhaag. Maŋuṯa upaḏa na Izhaag agi ŋunduŋu.

Ma ŋumur ṯamḏu ŋuru, ta na Ibrahiim ay na Izhaag murṯi ki ṯikakinala kiḏa tatap teḏi ṯikitḏiza ṯikitica Allah Ibrahiimŋu. Allah weca Ibrahiimŋu ŋwu ŋa kwǝḏi lugurnə luru mindaŋ er ere ŋwuɽoŋa na lakin ni ta kwaw kweḏi Izhaag, kweni Ribeka, ere əḏi nyele mac.

Na Izhaag erici Ribekaŋu kiyiriny, na Allah ǝminici ŋunduŋu eḏi eḏe yuŋori. Na nyor nyir nyiɽen niḏiḏi nana naniri kina karina keḏi Ribeka, na Ribeka uṯici Allahlu nuŋu eca aḏaa kwiri ŋgwu kwarina.

Na Allah andaci Ribekaŋu,'' Lizi nden lir riŋlana ter ter linḏi eḏi ruḏa duŋguŋana. Er ta bubli deŋgena mindaŋ a tor tupa orɔ kaḏama keḏi tor tɔkuɽeny.''

Mindaŋ ma nyele nyeḏi Ribeka elŋeḏine, na tor tupa oɽa turi na teḏi yala aŋna nana, ner eca Izzu. Ta tɔkuɽeny nuŋu uɽa timḏu lara leḏi Izzu, ner enyjici yiriny ner eca Yaguub.

Ṯiŋereŋ Ṯeḏi Kiṯam Kirlinalu Ter: Kəni Ṯikita 24:1-25:26