7.Na Allah Ortaḏa Yaguubŋu
Ma nyele upeŋe, eṯi Yaguub amɽi ŋundu eḏi nani dunuŋ, Na Izzu amɽi ŋundu kiina. Na Rebeka amɽi Yaguubŋu, ta na Izhaag amɽi Izzuŋu.
Ki lamin leṯe, ma Izzu aɽa naniŋu kiina, na yaŋu ye ŋunduŋu beṯen. Na Izzu eca Yaguubŋu ŋwu, '' Inḏeḏanyi eḏneya wɔkwɔ wa wumaniŋa.'' Na Yaguub eɽici kandiza,'' Nuŋu eca ŋwu kereny, inḏedinyi ṯortana ṯuŋa ṯeḏi tor tir nda.'' Ŋuṯaŋu na Izzu inḏeḏa Yaguubŋu ṯortaḏa ṯeḏi tor tir nda.Ta na Yaguub inḏeḏa ŋunduŋu eḏneya wɔkwɔ.
Ta na Izhaag naŋni eḏi inḏeḏa Izzuŋu ṯortana ṯuŋun. Lakin maŋuta ere kina inḏeḏa mac, na Rebekaŋa Yaguubgi kiɽǝji ŋunduŋulu na Yaguub mumuni eḏi eni Izzu. Kaka magu Izhaag orɔ kimǝyǝ nuŋu ere ǝḏi ŋuma eḏi iziḏi mac. Ŋutaŋu na Yaguub kenne yireṯ yeḏi Izzu nuŋu kenne yirna yeḏi ŋiɽu ki rɔgɽɔ na rii nana.
Na Yaguub ila nanigu Izhaag nuŋu ari ŋwu, ''Nyi kwiri kweni Izzu. Nyi ŋgwu kumila nani ŋa eḏi ortaḏa nyiŋu.'' Ma Izhaag mumi yala yeḏi ŋiɽu na maŋu aki yireṯi wǝŋ, nuŋu ari ŋaɽinyna ŋwu Izzu kwiri nuŋu ortaḏa ŋunduŋu.
Na Izzu wǝzi Yaguubŋu kaka magu Yaguub nyimǝḏa ṯortaḏa ṯuŋun ṯeḏi tor tir nda na kwokwony ṯortaḏa ṯuŋun. Ŋwutaŋu nuŋu kitaḏa eḏi ɽenye Yaguubŋu ma ṯernyin teŋen ay.
Lakin na Rebeka neŋne ṯikitaḏa ḏi ṯeḏi Izzu. Ŋwutaŋu ŋunduŋa Izhaag gi ner ṯiŋaḏa Yaguubŋu tuk eḏi ele eḏi nani lizili leḏi dunuŋ kuŋun.
Na Yaguub nani lizili leḏi Rebekaŋa yiḏlǝy yuru. Ki ŋumorla ŋwa nuŋu agiḏi na nuŋu ǝḏi nyele wri kuɽen nyir nyoŋɔr na tira. Na Allah ruzi ŋunduŋu kurṯu beṯen.
Mindaŋ ma yiḏlǝ ṯamḏu yir ṯuɽi kwiti kwunanu dunuŋ kweḏi ṯernyinŋa kanaan mac, Na Yaguub aɽa dunuŋgi kuŋun, yaḏamayi yuŋun, na ŋuduŋa ŋweḏi ŋirel ŋuŋun.
Na Yaguub ǝdi ŋiḏenyina beṯen kaka maŋgu ari ŋaɽinyna ŋuŋun ŋwu, Izzu kwinḏi eḏi ɽenye ŋunduŋu. Ŋwutaŋu nuŋu ṯiŋaḏa ŋwuɽa ŋweḏi ŋirel ŋuru eḏizi inḏeḏa Izzuŋu haḏiya. Yaḏama kiya yafa ŋirela ner eca Izzuŋu ŋwu, '' Kaḏama kuŋa kǝni Yaguub, kwinḏeḏaŋa ŋirela ŋu. Ta ŋgwa kwinḏu eḏi ila ki nyaminla kinyu.''
Lakin na Izzu iɽnyaci Yaguubŋulu kereny tuk,na ner amina beṯen eḏi kadriḏi kwokwony. Na Yaguub nani Kanaan kwira ŋiḏenyna. Ta na Izhaag ay, na Yaguubŋa Izzugi aniḏa ŋunduŋu. Na ta ṯikitaḏiza ṯeḏi Allah ṯuɽicaŋu Ibrahiimŋu nuŋu mumri Izhaagŋu nuŋu ele nanigu Yaguub.
Ṯiŋereŋ Ṯeḏi Kiṯam Kirlinalu Ter: Kəni Ṯikita 25:27-33:20