14. Kilya ki wuḏerna
Kwokwony ma Allah andaci izrayiilŋuzi zariya ŋgwa kunaŋnaŋuzi eḏi iɽiina kaka ǝḏir gu ṯikakina ŋunduŋali, ner tazi ayinlu weḏi Ziinaŋu. Na Allah ili ŋunduŋuzi ki ureyna weḏi ṯikitaḏiza weni Kanaan. Ṯimen ṯeḏi leblet iŋnaci ŋunduŋuzi kereny eḏi ele Kanaan ta ner rumi.
Na Allah kete Ṯikitaḏiẕa Ibrahiim gi, Izhaag, na yaguub tɔk kaka inḏiŋugu eḏi inḏeḏa lugurnǝ leŋen ureyŋi weḏi ṯikitaḏiza, Lakin kirem na lizi nani luru ŋuduŋ na linani ki ezir wa. Nerzi eca likanaan. Lizi lir likanaan ner ere kwɔce ya eḏi iɽii Allah na tɔk mac. Ner kwɔce yallalu yiti yir rerem mac na nerzi ǝrri ŋuru ŋiki.
Na Allah andaci lizi leḏi Izrayiilŋuzi, ''Ŋufḏana eḏi ŋaŋa kaṯu wǝŋ ŋiɽaŋalŋi ŋeḏi likanaan linani ki ureyna weḏi ṯikitadiza. Eṯi ere ǝḏi ŋimiɽiya ŋunduŋali mac na eṯi ere agiḏi ŋunduŋali mac. Ŋufḏana eḏi kii libayilana leŋen tatap. Mer nyi ere iɽina mac, ŋaŋa lenḏi eḏi kwɔce libayilalu leŋen ki lobi linyi.''
Mindaŋ ma lizi leḏi izrayiil upaḏi kiṯiɽiny teḏi Kanaanŋu, ta na Muuza ece loruna lir wri kuɽen, lir yabbilana terter leḏi izrayiil. Naŋuzi ici ŋejmeḏi eḏi ele eḏi icaza ezirna wiri kaka aḏa. Eḏi ŋuduŋa tɔk iza lizi leḏi kanaanŋu lifirili yaŋna ya lajla yaŋna.
Lor lir wri kuɽen ner ele Kanaan ner nana nyaminu ruɽi_riɽen ta ner aɽa. Ner eca lizi ŋwu, '' Urey wala wizaw beṯen weḏiwi aagi ŋwuruŋ na weḏi kwɔmne kuru beṯen!'' Lakin kla lir wri luzarzi eḏi irǝza yeylu ner ari ŋwu, '' Madina kufirli beṯen na lizi linanigina lǝḏi yaŋna yupa yifirli beṯen! mirizi ǝnḏiḏana ŋǝryaŋi lenyji ilazi kii na ernyji ɽenye.
Kinaŋuta na Kalibŋa Jazzuwagi, lijazuz lir nden ari ŋwu, '' Ŋǝḏi yeyna lizi leḏi kanaanŋu lulala na lifirli tɔk, lakin lerzi rerem lilazi ŋunduŋuzi kii! Allah winḏi eḏi ṯugudi̱zi nyiŋuzi!''
lakin na zi lizi ere niŋinaci ŋeḏi Kalibŋa Jazuuwagi mac. ner ǝḏiḏa Muuzaŋuzi Harungi ŋariny nana ner ari ŋwu, ''kwɔḏɔ kwafanji kiezir wu wǝḏi ŋiḏenyna? Ŋufḏana eḏi nyiŋa nani Mazir ki lubi leḏili ay ki ŋǝryana a law lǝri na nyele nyǝri tɔk orɔ luway.'' Na lizi naŋni eḏi ecena kwete eḏi orɔ nda leŋen eḏizi mulɔ ṯaɽi Mazir.
Na Allah ǝḏi ŋarnyna beṯen nuŋu ila ki kǝlwǝna keṯirgi aɽaḏi duŋ. Na Allah ari ŋwu, ''Kaka ma orɔ tuwǝn tinyi, lizi tatap linḏi eḏi ṯuḏaḏalu ki wuḏerna. Jazuuwaŋa kalibgi dak, na kwete nyiḏak kwir yiḏlǝy ṯuɽi na yiṯǝmḏilu er ayḏalu er ere ǝnḏi ki ureyina weḏi ṯikitadiza mac.
kaka mer zi neŋene ŋwu, ner urtinina kaka mer ǝrri ŋikiyaŋi .Ner dima yeḏreŋi yeŋen ner ele eḏi ṯuguḏa lizili leḏi kanaanŋu. Ta nezi Muuza ǝrmici eḏi ere ele mac kaka iti nanigu Allah deŋgena mac, lakin ner ere niŋnaci ŋunduŋu mac.
Na Allah ere ele ŋunduŋa li ki ŋǝriyana mac, ŋwuṯaŋu nerzi ilaza kii na nerzi ɽenye luru. Ṯaŋwu na lizi leḏi irayiil aɽa lafru lizi leḏi kanaanŋu ner irǝrǝlu kiwuḏerna yiḏǝly ruɽi_riɽen.
Ki yidlǝna kiya yir ruɽi riɽen, lizi leḏi irayiil irǝrilu ki yaɽina, na Allah inḏeḏa ŋunduŋuzi kwɔmne kwiṯir naŋni. Nuŋuzi inḏeḏa yafaŋi ki lere, yeṯirzi eca "mana.'' Nuŋuzi tɔk uzica ŋuduŋ ŋweḏi ŋufifriny (ŋwir ŋwɔkuɽeny nana ki nyiɽǝwla) kiezir wunanirgu eḏi ǝḏi yiiḏi eḏizi ye. Ki ŋumurla ŋwa tatap, na Allah aŋraci yirṯi na yiḏwǝn eḏi ere ke mac.
Na Allah inḏeḏa ŋunduŋuzi ki liiɽina ŋilimŋi. Lakin ŋa tatap ŋǝrrina, nita lizi leḏi izrayiil ǝrum na ner andazi kandiza kiki Allah nana na Muuzaŋu tɔk. Kaka taŋwu, nita Allah ǝḏi ṯirlalu na ṯeḏi tikitaḏiza ṯeḏi Ibrahim, .Izzhag, na Yaguub.
Ki lumur limli lizi ere ǝḏi ŋawu ŋire mac, na Allah andaci Muuzaŋu, "Andca liɽiiya, ta a ŋaw ufa duŋun na.'' Lakin na Muuza ere nii Allah na mac ki yeyna yeḏi lizi nuŋu ipi liɽiiya nyaminu nyiɽen lumurli ki lubi leḏili andaci dɔme. Na ŋaw uufa liɽiya nana ŋeḏizi lizi yii tatap, Lakin na Allah apriḏa Muuzaŋu ŋariny nana Muuza nuŋu ari ŋwu, '' Ŋa kwiti kwǝnḏi ki ureyina weḏi tikitaḏiza mac.
Mindaŋ ma lizi leḏi izrayiil elelu ki wuḏerna yiḏlǝly yir ruɽi_riɽen, kla tatap liṯǝnica Allahna ner ay. Ta na Allah mulɔ lizi ki ṯiɽeny ṯeḏi urey wa weḏi ṯikitadiẕa kwokwony. Na Muuza kinaŋu orɔ kimǝyǝŋ, Ŋwuṯaŋu na Allah eca Jazzuwaŋu na eḏi maci ŋunduŋu eḏi mulɔ lizi. Na Allah kitici Muuzaŋu ṯikitaḏiza ki lamin lete, kwinḏi eḏi uza kwiɽiiya kwir ter kwaɽina Muuzaŋu.
Ta na Allah eca Muuzaŋu ŋwu eḏi dalu ki ayiinla kindala kider eḏi izazi ureyiŋlu weḏi ṯikitaḏiza. Na Muuza eze ureyiŋ weḏi ṯikitaḏiza lakin na Allah ere aminci eḏiyi ǝnḏina mac. Ṯaŋwu na Muuza ay, na lizrayiil jiɽmini nyaminu ṯuɽi wri. Na Jazzuwa orɔ nda leŋen liyaŋ. Na Jazzuwa orɔ nda leŋen lizaw beṯen kaka ruḏuŋgu kwete kwalaḏi Allah ṯugwɔri nana na ṯiŋu iɽiina tɔk.
Ṯiŋereŋ Ṯeḏi Kiṯam Kǝni :Tu̱ruuḏa10_17;Aḏaḏ :10_14;20;27;Tezinya:34