42. Yecu Kumaɽida Ki Lerena.
Ki lamin kila limli Yecu diɽi ŋiɽenyina, limaḏ li luŋun lir nden lilaḏu liliina. kaka inḏiri gu, ner andazi kanḏiza ga karina keḏi Yecu. ner kiṯinaḏa Yecu kwiri Mezaya, lakin ner ɽenye ŋunduŋwu. taŋu na law ariŋwu kwenḏi eḏi meḏi kwokwony. Ner ere eḏi elŋe aḏa kwiri kwinḏir aḏi amini.
Na Yecu upaḏi nani gu ŋunduŋa ta nuŋu ele ŋunduŋali, lakin ner ere iɽiina ŋunduŋuna mac. Nuŋuzi uticalu aḏa kwiri kwanḏizaŋa, ta ner eca ŋu nyiŋa lanḏiza ŋiɽaŋali ŋa tatap ŋerricari Yecu ki nyaminu kinya nyimḏaḏu. Ner kitinada eḏi ariŋu landica kwiriin ŋgwa kwiṯi kwilŋiḏi aḏa kwiri kwerrina ki Urzaliimna.
Nezi Yecu baŋaci ŋunḏuŋuzi aḏa kwandiza Allah kwaḏi Mezaya. Nuŋwuzi uḏuŋweyini ŋiɽaŋali ŋanḏizazi liɽi kaniŋu Mezaya kwinḏi eḏi fee turfa ta erri ɽenye ŋundŋu tok, lakin kwinḏi ṯidiɽi kwokwoony ki lamin ler tɔɽɔl. Mer upaḏi kililiina ki ezir wa waḏi lor kila lir nden likitaḏu eḏi nani, ta na aŋwun adaḏi eḏi orɔ kirakalu.
Na lor kila lir nden ner naŋni Yecuŋu eḏi ilaḏa ŋunduŋwuzi ŋerrina eḏi nani ŋunduŋali,ta naŋuzi erri. mindaŋ mer neŋeni eḏi eḏene kirakalu, na Yecu dima yafaŋi yeḏi yedere, nuŋwu ariŋwu Allah urtaḏizi, na nuŋwu uɽana. Kwɔkɔ milak, ner elŋe Yecu kwere. Lakin kina ṯaŋu, nuŋu afiri kiyena yeŋen.
Na lor kila lir nden andazi na, ner ariŋu ŋwu kwindi Yecu kwiri ! ŋindirṯa ŋu ŋeni riguri rari kinaŋwu muŋwu baŋaci nyiŋwuzi ŋiɽaŋali ŋeḏi Allah !'' kinaŋwu ṯaŋwu, ner aɽi Urzaliim. Mer upaḏi, ner andaci limaḏ leḏi Yecu, '' Yecu kumi miiḏi! nyiŋa lime eca ŋunduŋwu !''
Kaka andacizi limaḏ, nazi Yecu ruwanicalu ki dunuŋ gwa kwinaner gwu ta nuŋwuzi aca ŋwu, ''Ŋaŋa lizawa!'' Ni limaḏ kitinaḏa ŋwunduŋ kwer kuziŋɔr, lakin nezi Yecu, aja ŋwu ŋaŋa lariḏa tinyaŋa ta urtuna ŋa na? ezari rii rinyi na yagana tok. luziŋɔr liti leḏi aŋana wir kaka wiḏinyi mac.''eḏi elŋe kwanda wer kuziŋɔr mac, nuŋwuzi uticalu kwemeni gi weri eḏi ŋwu iye. ner eḏada kwundu ŋwu kumi kumanu ta nuŋwu iye.
Nezi Yecu eca ŋwu, ''Nyi kwandicaŋazi ŋiɽaŋal ŋa tatap ŋoluḏuna kwani nyi ki ŋiɽaŋali na ŋeḏi Allah ŋenḏi eḏi ṯimaḏi.'' Ta nuŋu kitici ŋaɽinyi ŋeŋen eḏi elŋe ŋiɽaŋali ŋeḏi Allah. Nuŋwuzi eca ŋwu,'' ŋuluḏuna ki kidilana yolana yimḏamḏu ŋeni ŋwu Mezaya kwinḏi eḏi fe turfa, ŋwu ay, ta ŋuḏiɽi ki ŋiɽenyna ki lamin la lir toɽɔl.''
'' Ŋoluḏuna tɔk yiṯamna ŋeni ŋwu lumad ̱linyi linḏi tilŋedini lizi ari uraci ŋekiyana eḏi enda ṯiɽinyacalu teḏi ŋekiya ŋeŋen. Ŋiṯirzi erri ŋwu urzaliim na, ta er ele naniŋwu lizi ŋwuḏuna ezir nana tatap. Ŋaŋa liri zuhuud kweḏi ŋiɽaŋal ŋwu.''
Ki nyamin nyir ruɽi ŋa riɽen nyikwaḏaḏu, ni Yecu uruwanaci limeḏegenlu luŋwun kinyamin na nyuruu. Kwokwony, nuŋwu ruwanica lizilu lir 500 wakitna wutuput ! ŋwu elŋeḏni limeḏegen li luŋun reyina ruruu kuma miiḏi, ta ŋuŋuzi urtini ŋunḏuŋwuzi ŋelenyŋi ŋeḏi Allah.
Na Yecu eca limeḏegen ŋwu, '' Limenyi inḏaḏa ŋelenyi tatap ŋeḏi ki lerena na ŋeḏi turmon tɔk. Inḏiri ezi andaci lizi tatap ŋunḏuŋi ezi baptizi kunḏu yirin yi yeḏi papa, na tor, na Ṯigɽim Ṯirnelu Ter, ta ezi urtuni eḏi inyici ŋiɽaŋali tatap ŋandicaŋuzi ŋaŋazi eḏizi erri. Ṯuŋwener, nyi kwenḏi eḏi nani ŋaŋali dɔkdɔk.
Ki nyamin nyir ruɽiŋa riɽen mer ḏamuḏu ma Yecu diɽa ŋeɽenyna, nuŋu andaci limedegen luŋun ŋwu,'' Naniri urzaliim mindaŋ ma papa kwinyi inḏaḏa ŋaŋwuzi ŋuma ŋeḏi Ṯigɽim Ṯirlinelu Ter eḏi oɽi ŋaŋwuzina.'' Ma Yecu ele ki lerena, ta na lebelet lucada ŋwunḏuŋuzi Yecuŋu. Na Yecu nanalu gi ḏinyla ŋama teḏi Allah eḏiŋu hakumi kwɔmne tatap.
Tiŋerɔŋ Teḏi Injiil Matta 28:16-20; Marguuz 16:12-20; Lugga 24:13-53; Yahana 20: 19-23; Amaal Alrazuul 1:1-11