30. Yecu Maŋu Iḏni Lizi Lir Kaka Elif Ṯuḏni (5000)
Na Yecu uzi yafuura yuŋun ǝdi ilŋiḏni na ǝḏi urtuni lizi ki ŋillina ŋuru ŋwirna terter. Mindaŋ mer aɽa nanigu Yecu ner andaci ŋiɽaŋali ŋa ŋimerzi erra . Ta nezi Yecu urnuṯi eḏi li ele ki ezir wunani cugu cugop ṯujuli kenni eḏi kaṯu wɔŋ kokɔ. Ta, ner ǝnḏi ki falukana na ner ele ǝḏi ṯamḏu ṯujuli par ŋgila.
Lakin na lizi nani luru liza Yecuŋu na limeḏgen ǝnḏi ki falukana .nna lizi kilo ner ǝfri ner rikaḏa ṯujulalu ǝḏi ele kereny. Ma Yecuŋa limeḏgen li upaḏi, na ŋuduŋ ŋwa ŋupa ner nani kinaŋ, ŋwirlica ŋuduŋuzi.
Ŋuduŋ ŋwa ner orɔ kaka 5,000 lir lor , ta nerzi ere iɽiyaḏa lir law na kwele mac. Mezi Yecu eze kaka ṯaŋu na ṯogɔr iyena beṯen. Nani gu Yecu, na lizi kulu orɔ kaka yaŋal yira taɽana. Ŋuṯaŋu nezi Yecu urtuni naŋuzi zawi kila luuma deŋgena.
Ma aŋun ṯamḏu kerreny gi na limeḏgen andaci Yecuŋu ner ǝca ŋwu," Aŋun wuma ere na maḏina ere kwere kunanjanji keṯɔk, na uza lizi eḏi ele eḏi ica komnelu kwere eḏirzi ye."
Lakin na Yecu eca limeḏgen ŋwu, " Inḏǝḏerzi pa komne kwere ǝḏi ye! " Ner ǝŋnici ner ǝca ŋwu, " Ŋenji erri ŋu aŋguru? Nyiŋa leḏi ṯa yafaŋi ṯudni na lɔm nden dak."
Na Yecu andaci limeḏgen ǝḏi andaci lizi linanu ki ŋuduŋna ǝḏi nanalu karwala, ŋuduŋ ŋudɔuŋ ŋwir kaka ruɽi ŋana riɽen na wri .
Ta na Yecu dima yafaŋi yir kaka ṯudni na lum, nden naŋu baŋaḏa leryala, naŋu urtaḏa Allah eḏneya yi.
Ta na Yecu undaḏa yafaŋna yekuɽeny yakuɽeny . Nuŋuzi inḏaḏa limeḏgen ǝḏizi kanaci lizilu. Na limeḏgen kanni eḏneya , na naŋu ere amɽaṯi mac ! na lizi tatap eḏne mindaŋ ner be tɔk.
Mer ṯimazi, na limeḏgen uṯi eḏneya wa witi wumer ye mac ner urazi nyiɽam kaka wri kuɽen! na eḏne wa tatap nir orɔ weḏi yafaŋ yir ṯuḏni na lum nden.
Ṯiŋereŋ kiṯam kirlinalu ter ṯinani kiṯamna keḏi matta 14:13-2́1;marguuz 6: 31-44;lugga 9:10-17;yuhana 6:5-15