40. Yecu Kiŋuɽila Ŋuɽmuḏalu
Ma urta olɔ Yecuŋu kaḏri, ner ili ŋunduŋu kiḏey eḏiri ɽenye. Ner ufini ŋuɽi eḏiŋu ay la.
Na urṯa mulɔḏa Yecuŋu ki ezir wa wǝni ''Korkuny'' Ta ner ipici relme ki yergena na ŋwaralu tɔk ki ŋuɽi nana ŋuɽmuḏalu. Lakin na Yecu ariŋwu, ''Papa, iɽnyicazilu ŋunḏuŋuzi, kaka eṯir elŋedirzi aḏa kwiri kwerari mac.'' Na Bilatuz alla awamira mani ŋwu eḏiri lɔ,'' Kweleny kweḏi yahuuḏ'' kiyafta nana ta erri keteci Yecuŋulu kindala ki ŋuɽila ŋuɽumuḏalu.
Na urta wri tuuɽi ki yireṯla yeḏi Yecu. Mer zi erriŋu, ner timazi ŋiɽeya ŋi ŋariŋwu,'' Ner zi kani, ner tuuɽi yeriṯ la yinyi.''
Yecu kwiɽnyidir kelgenyna kweḏi loɽmina lir nden kiŋuɽila ŋuɽmuḏalu. Kwete nuŋu olɔ Yecuŋu kadri, Lakin ŋgwa kuḏadu nuŋu aceŋu, '' Ŋa kwiṯi kwedi ŋeḏenya ŋeḏi Allah mac a ? Nyiŋa liri lizi liki, lakin kwor ŋgwu kuzuɽuna.'' Ta nuŋu eca Yecuŋu, '' Eḏuŋwenenyi ŋelenyina ŋuŋa. ''Na Yecu ecaŋu aŋunu gu, ŋa kwinḏi eḏi nani nyigi fardozna.
Na ŋuɽa ŋweḏi lijawiḏ na lizi li kila liḏaḏu ŋudugi ner olɔ Yecuŋu kaḏri. Ner ecaŋwu, '' Ma orɔ tor teḏi Allah, babaṯi ki ŋuɽila igilaḏi rogɔɽɔ ruŋa ! ta ma nyiŋa aḏi temina ŋaŋuna.''
Ta na kiriim kuɽbaḏa lereya ta na ezir wa nana tatap, kaka ṯaŋu ruḏuŋu kelgenyna kweḏi kaŋuna. Na ezir ruḏuni kiriim ta nuŋu nani kiriim gi zaa kwir toɽɔl.
Ta na Yecu ari ," Ŋimere !papa, nyi kwinḏaḏiŋa ṯigɽima ṯinyi ki riina ruŋa ." Ta naŋu irazi ndalu na naŋu inḏaḏa ṯigɽima ṯuŋun. Mindaŋ maŋu ay, na urey rigini na kireṯ ŋga kupa keḏi daŋga keṯi uɽaḏa lizina na ṯorwanalu ṯeḏi Allah ofdenena yiḏirḏu yiɽen, kindala mindaŋ kuṯalu .
Ŋiɽeny ŋi ŋuŋun, na Yecu kitici lizi ṯaylu eḏi ele nani gu Allah. Ma urṯa karni Yecuŋu ner eca kumini gwa tatap kwerrina, nuŋu ariŋu, '' Ṯaŋu, kwor gwu kuzuɽuna. Ŋundu kwiri tor teḏi Allah.''
Ma Yuzif ŋa Nikuḏumuz gi, ta na lizi nden lir ŋuɽa ŋweḏi lijawiḏ kila lamina Yecuŋu kwir Mezayaŋu, ner utaci Bilatuzŋu aŋna wi kweḏi Yecu, ner ipada kereti aŋna wuŋun nana ta ner uɽwazi ki ṯumamuna tir liiɽi ta ner tertiɽi kiɽibini, kupak ner kuɽubaḏa aguri wedi timamu eḏi niŋni na
Ṯiŋereŋ Ṯeḏi Injiil :Matta 27:̀27-61; Marguuz 15:16-47; Lugga 2̂3:26-56; Yuhana19:17-42