16. Ligilǝḏa
Mindaŋ ma Jazzuwa ay, na lizi leḏi izrayiil ere nii Allah na mac na ner ere ru lizi leḏi kanaanŋu kla lǝɽina mac na ner ere iɽi kruuna keḏi Allah mac. Na izrayiil ənḏi eḏi kwɔce yallahlu yeḏi lizi leḏi kanaanŋu ki lobi leḏi Yahweh, kwir Allah wir rerem. Na izrayiil ere ǝḏi kweleny mac, ŋwutaŋu kwete nyiḏak aṯiŋuzi ərri tatap ŋa ŋimuŋuzi eze ŋizaw ki yeyna yeŋen.
Kaka magu lizrayiil nani liti liɽǝ Allahna mac, nuŋu inḏeḏa ŋunduŋuzi jiiza eḏi ṯuwǝn ṯeŋen ilazi ŋunduŋuzi kii. eṯi ṯuwǝn kiḏa nyimǝḏa izrayiilŋuzi kwɔmne, nerzi kiici kwɔmnena kweŋen kwǝḏiri tatap, na nerzi ɽenye luru. Mindaŋ ma yiḏlǝ ṯamḏu yuru kiya yiti yiɽǝryi Allahna mac na naniri ki ṯrǝmbilna na ṯeḏi ṯuwǝn ṯeŋen, na lizi leḏi izrayill urlǝ rugwɔri lu ner uṯici Allahlu edi̱zi iɽnyaci ŋikiyaŋi lu na eḏi kilǝḏi ŋunduŋuzi.
Ṯaŋwu na Allah inḏeḏa ŋunduŋazi kwigilǝḏa kuma kilǝḏi ŋunduŋazi ki ṯuwǝn na ṯeŋen na nuŋu kete ŋimiɽiya ki ureyila weŋen. Lakin ta na lizi ṯuḏina Allahwi ner kwɔce libaiila lu kwokwony. Ŋwuṯaŋu na Allah afrinyja limidiyan na kla lir ṯuwǝn ṯeŋen ṯinaniza ŋunduŋuzi kibir, eḏi ilazi ŋunduŋuzi kii.
Na limidiyan dimǝḏa lizrayiila kwɔmne ŋgwa ndet kwiṯir agi ŋuruŋ ki yiḏlǝna yir dufa kwuɽeny. Na Lizi leḏi izrayiil ṯenye; ner lucuni ki yibaŋna eḏizi limidiyan ere inḏa mac. Ŋirmiḏu, ner araḏa Allah eḏi kilǝḏi ŋunduŋuzi .
Ki lamin lete, na kur kwete kwir izarayil kwǝni Jaḏuun nuŋu ipi ŋwana nyetej eḏizi Limiḏyani ere nyimi mac. Na melayka kweḏi Yaweh ila nanigu Jaḏauun ta nuŋu ari ŋu. "Allah wunani ŋa gi, ŋa kwri kwete kwǝḏi ŋuma ŋupa ŋeḏi ŋǝryǝ. Inḏu a kilǝḏi lizi leḏi Izrayiil ki riina reḏi limidiyan.''
Ṯernyin ṯeḏi Jaḏuun ŋa nuŋu ǝḏi ŋwǝḏguna̱ ŋweḏi bayiil ŋwirlincaŋuzi lu ter. Ta na Allah andaci Jaḏuun ŋu eḏizi kii ŋwǝḏguna ŋwa kiḏay. Lakin na Jaḏauun ṯenye lizi, ŋwuṯaŋu nuŋu nani mindaŋ ma kilikǝlu orɔ. Ta ŋu nuŋu kii ŋwǝḏguna ŋwere ŋwere. Ta nuŋu awcici Allah ŋweḏile kwiyaŋ nanigu ezir ŋwǝḏgun ŋweḏi bayiil ta nuŋuŋi kitici Allah kramala.
Ma ŋurpana orɔ ni lizi inḏa kwizi kwete kuma kii ŋwǝḏgunana paḏ paḏ, ta ner apiri ŋariny beṯen. Ner elaḏa Jaḏauun ŋu dunuŋ eḏi ɽenye ŋunduŋu, lakin nezi ṯernyin ṯeḏi Jaḏauun ŋa eca ŋunduŋuzi ŋwu, "Ŋaŋa lɔḏo linaŋna eḏi meci allah walu? muŋu orɔ allah wir rerem afrinyjari ŋwa aŋraci rɔgɽɔ ruŋun!'' kaka ariŋu ŋwu, na lizi ere ɽenye Jaḏauun ŋu mac.
Ta na limidian aɽa kwokwony eḏi nyimaḏa lizi leḏi Izrayiil ŋuzi. Ner ila luru beṯen lira ṯiɽyǝna na. Na Jadaon aɽazi lizi leḏi Izrayiil duŋ eḏi ṯuguḏi ŋunduŋazi. Ta ni Jadaon uṯuci Allah lu kwɔmne gi kuɽǝn eḏigi elŋe rerm Allah winḏi tigileḏi lizi leḏi Izrayiil ŋunduŋgi.
Ki alama wiŋina, na Jaḏauun kurbi kirna keḏi kaŋal ki ureylu ta nuŋu utuci Allah lu eḏi ŋuju iidi kirna nana keḏi kaŋal dak er ere iidi ki ureylu mac. Nezi Allah ǝrri ŋa. Kulŋǝna ki kwaḏaḏu, nuŋu uṯuci Allah eḏi urey iglilu ta eḏi kirna ŋga keḏi kaŋal nani kunḏu. Nizi Allah ǝrrici ŋa tɔk. Alama wi wu wir wuɽǝn duŋaci Jaḏauun ŋu eḏi ari ŋwu Allah winḏi ṯinani nyigi eḏi kilǝḏi lizi leḏi Izrayiil ŋu kirinyna reḏi Limiḏiyani.
32,000 urṯa weḏi Izrayiil ner ila nanigu Jaḏauun, lakin ni Allah eca ŋunduŋu ŋwu kila luru beṯen. Ta nazi Jaḏauun aɽazi 22,000 duǝnuŋ kila liḏinya eḏi ṯoguḏi. Na Allah eca Jaḏauunŋu ŋwu, ŋgwa ta kweḏi loru luru. Ŋwuṯaŋu nezi Jadaon aɽazi lizi ndeṯ dunuŋ nuŋu ǝɽi urṯa wir 300 dǝk.
Kulŋǝna ŋga, na Allah eca Jaḏauunŋu, "Dapu ele ki yiŋinana yeḏi Limiḏiyani, ta mazi neŋne ŋandizarzi, ta ŋa kwiti kweḏenye kwokwony mac." Ŋwuṯaŋu kulŋana ṯa ŋga, ni Jaḏauun ele nanigu yiŋina yeḏi Limiḏiyani ta nuŋu niŋnaci urṯa kwete kwandica meḏegen ŋiɽaŋali ŋeḏi ṯiŋliṯ ṯuŋun ṯindiriŋu. Na meḏgen kweḏi korŋa ŋgwa ari ŋwu, "Ṯiŋiliṯ kiḏu ṯǝni ŋwu urṯa weḏi Jaḏauun winḏi eḏi kitici urṯa weḏi Limiḏiyani ŋoru!" Ma Jaḏauun neŋne ŋiɽaŋali ŋwu, nuŋu kwɔce Allahlu.
Ta na Jaḏauunn aɽaḏa urṯa uŋun nana ta nuŋuzi inḏeḏa tatap ril rere rere, na nyii nyi nyeḏi kulu, na ŋɔmbɔ tɔk. Ner rikaḏa ezirlu winḏiri wi urṯa weḏi Limiḏiyani. Urṯa weḏi Jaḏauun wir 300 ǝḏi ŋɔmbɔ ki nyiina nyeŋen nyaparzi ŋwuṯaŋu na Limiḏiyani ere eḏi eze fuuri kweḏi ŋɔmbɔ mac.
Ta, kwɔkwɔ ŋwu na urṯa tatap weḏi Jaḏauun ner kii nyii nyeŋen ki wakiṯ wutuput, kwɔkwɔ ta na igǝ weḏi ŋɔmba ŋweŋen izini. Ner ǝrni rill reŋen na ner ufina, "Kalal keḏi Yaweh, na keḏi Jaḏauun!"
Na Allah kaɽkar Limiḏiyana ŋuɽa, ta ner ṯuguḏiḏjina deŋgena ner ɽenye rɔgɽɔ reŋen wuɽen. kinaŋṯalu, ner urnuṯa Lizrayiila kla linanu dunuŋ eḏi maci ŋunduŋuzi eḏi ruti Limiḏiyana. Nerzi ɽenye luru na lǝɽina nerzi ruti nerzi ru par ki ureyna weḏi lizi leḏi Izrayiil. Ki lamin kla ni Limiḏiyan lir 120,000 ner ay. Ni Allah kilǝḏi Izrayiilŋu.
Na lizi naŋni eḏi ruzi Jaḏauun ŋu kweleny kweŋen. Na Jaḏauun ere ǝminci ŋunduŋuzi eḏi ruzi mac, lakin nuŋuzi naŋnaḏa nyuɽoŋa nyokɔ nyeḏi ḏahaba nyimerzi nyidimaḏir zi Limiḏiyana. Na lizi ǝfica Jaḏauunŋu ḏahaba ṯuru beṯen.
Na Jaḏauun daɽmaḏa ḏahabaḏi yireṯ yir kaka yeṯizi kujawit kupa kene. Lakin nezi lizi kwɔcelu kaka ṯir orɔ bayiil. Ŋwuṯaŋu ni Allah inḏeḏa lizi leḏi Izrayiil jiiza kwokwony kaka mer kwɔce libayiil lu. Na Allah duŋgwaci ṯuwǝn ṯeŋen eḏizi ilazi ŋunduŋuzi kii. Kwaḏḏan ner uṯici Allahlu kwokwony eḏizi maci, ta nezi Allah uzica kwigilǝḏa kwete kwokwony.
Ner ǝrrini ŋwu nyaminu nyuru: lizi leḏi Izrayiil linḏi eḏi ǝrri ŋikiyaŋi, Allah winḏi eḏi inḏǝ ŋunduŋuzi ṯurfa, linḏi eḏi orlaca ŋikiyaŋi ŋudɔŋ, ta Allah kwinḏi eḏi ṯiŋaḏa kwigilǝḏa eḏi kilǝḏi ŋuduŋuzi, lma yidlǝ ṯamḏu yuru, ni Allah ṯiŋaḏa ligilǝḏa luru ner kilǝḏi lizi leḏi Izrayiil ṯuwǝni nana ṯeŋen.
Ŋirmiḏu, na lizi uṯici Allah lu kelenygi kaka lizi liḏaḏu tatap lir riŋla ter. Ner naŋni kweleny kulala na kwifirli tɔk, kwindi eḏi iŋnaci ŋunduŋuzi kerreny ki ŋǝriyǝ na. Ni Allah ere amɽi ŋiɽaŋali ŋeŋen ŋwu mac, lakin nuŋuzi ta inḏeḏa kweleny kaka mergu uṯici lu.
Ṯiŋereŋ Ṯeḏi Kiṯam Keni : Guḏaa 1-3;6-8