27.Ṯiŋereŋ ṯeḏi kuzamra kwizaw

Lamin lete, na kwor kulŋiḏi kruuna kwir yahuud nuŋu ila nanigu Yecu eḏiŋu mɔmi, naŋu eca ŋwu, " Lefenḏi, ǝḏa kwiri manoŋ kwinyi erri mindaŋ anyi ma inḏa ŋimiḏa ŋiṯi naniḏa dɔk?" Na Yecu eŋnici, " Aḏa kwiri kuluḏina kruuna keḏi Allah?"

Na kwor kwilŋiḏi kruuna eŋnici naŋu ecaŋu kruu keḏi Allah kariŋu, " Eṯi amɽi kweleny kwir Allah wuŋa ṯogɔr ṯi minmin, fikir gi tɔk, ŋuma ŋi tɔk, na ŋaɽiny ŋi tɔk. Na eṯi amɽi lizi leḏi yeni lu kaka eṯi amɽi rogɽɔ ruŋa." Na Yecu eŋnici, " Ŋa ŋgu kweḏi yeyna! errazi ṯaŋu na ŋa kugilaw."

Lakin na kwor kwilŋiḏi kruuna nuŋu naŋni eḏi ruzi rogɽɔ ruŋun kuzuɽu, ta naŋu uṯalu, " Aya kwiri kwiri kwir jirana kwinyi?"

Na Yecu eŋnici kwor kwilŋiḏi kruuna naŋu andaci ṯiŋeroŋwa." Kwur kunani kwete kwir yahuud kwinḏi kiṯayla Urzaliimŋgi eḏi ele Ariha.''

''Kinaŋu ṯa na kwor ilaḏuŋula, na ŋuduŋ ŋweḏi luɽumi anḏiḏa ŋunduŋna ner agiḏa komne tatap ŋgwa kweḏiŋu ta ner ipi mindaŋ ner tazalu kwadaḏi keṯɔk eḏayi, ta ner ele kiṯay."

" Kokɔ ta, na kujawiḏ kwir yahuud ilada kiṯayla kiḏa. mindaŋ ma kwor ŋgwa kwir nda leḏi ḏiin, izaŋu kworu ŋgwa kumer dimaḏa komnelu nŋu ipini tɔk, naŋu ele kiṯay ṯiḏi ṯir ter, najilizaŋu gu kworu ŋgwa kunaŋna ṯimaca naŋu ele kiṯay tuc."

"Ŋiti ŋoluna mac ŋa ŋerrina, na laawi ila ṯay ṯi la . ( Lilaawi liri kabilana keḏi yahuud kila leṯi meci lijawiḏi ki daŋgana ) na laawi uɽaḏa ṯayna ṯir ter . ta naŋu ajalazi kworu ŋgwa kumer dimaḏa komne na kupina tɔk."

"Na kwizi kuḏaḏu kwindi eḏi ila kiṯayla kiḏa na kwor orɔ kwir kuzamiri. ( Lizamiri liri lugurna leḏi yahuuda kila lima ǝgi lizi lir umama. wuḏaḏu na lizamira na yahuud fraḏaḏizina wuɽe wuɽen.) Lakin ma kuzamiri eze kworu kwir yahuud, na ṯogɔr iyaḏa ŋunduŋu beṯen. ta naŋu aŋraci na naŋu kekici yamaŋi tɔk ."

"Ta na kuzamiri alazi ki ṯaɽŋgala ṯuŋun naŋu ŋgi ele ki lokondana linani ṯay korɔ keṯɔk ki ezir wumaŋ yi aŋraci ŋunḏuŋu."

"Ki lamin likwadadi, na kusamiri naŋni eḏi ṯimazi kilya kuŋun. naŋu inḏaḏa kworu kweḏi lakonda kila kiriiza kokɔ na naŋu eca ŋwu, "Aŋraca ŋunḏuŋu, na ma kete kiriiz kere kwɔkwɔ ta, ma nyi aɽa ta ŋimi aɽa ci kiriiza."'

Ṯa na Yecu uṯuci kworu kulŋiḏi kruuna, "A kwari ḏa? aya kwiri ki lorna ṯoɽɔl kwiri yeni lu kweḏi kwor ŋgwa kumer ḏimaḏa kumne ner ipi ṯok?" Naŋu eŋnici, "Ŋgwa kweḏi ŋimɽiana. " Na Yecu eca ŋwu, "Inḏi ezi erri kaka ṯaŋu."

Ṯiŋereŋ ṯeḏi injiil ṯinani kiṯamna keḏi lugga 10:25-37