44.Butruuz ŋa Yuhana gi mer zǝwi ƙwor ŋgwa kwiṯi keteci lizi ṯii lu.
Kilaminla lete nyiḏak, na Butruz ŋa Yuhanna gi ner ele dangana.mer adaci ogur weḏi danga, nerr eze kwor kwir kibɔrkɔn kuṯuṯaci lizilu eḏindada ŋunduŋu ƙiriiza kere.
Na Butruz ece kibɔrƙɔn ŋu nuŋu ece ŋu, '' Nyi kwiti kweḏi kiriiza kere mac eḏindada ŋaŋu. Lakin nyi kwinḏinga ṯinḏada kwɔmne ŋgwa kwiṯinyi eḏi dɔkdɔk. Yiriny yi yeḏi Yecu, diɽi ele!''
Kinṯaŋu, ni Allah zǝwi kibɔrkɔni, ta nuŋu diɽi nuŋu ele nuŋu dindala ezirna wunanuŋ wi, nuŋu iɽezi Allah. Na lizi linanu danga kwɔro ner uraŋni.
Na duŋa leḏi lizi ner ila fitak eḏeze kibɔrkɔn ŋgwa kuzawar. Nezi Butruz eca ŋu, '' Ŋaŋa lariḏa ma ureŋni ŋiɽaŋal ŋi ŋeḏi kworu ŋgu kumize? Nyiŋa lende lir mac lizǝwa ŋunduŋ ŋuma ŋi ŋeri . Ninyi ere erri ŋufḏana ŋi ŋeri tɔk mac. Lakin ninyi erri ŋiɽaŋal ŋu ŋuma ŋi ŋeḏi Yecu na ṯemina ḏi kiḏu ṯiṯi Yecu indada̱ lizilu, ṯindirṯa ṯizǝwa kworu ŋgu.''
''Ŋaŋa lindirṯa landica wurṯa weḏi Romanŋu eḏi ɽenye Yecuŋu. Ŋaŋa limeɽenye ŋgwa kweḏi ŋimiḏa, lakin na Allah diɽazalu ŋiɽeny na. Ŋaŋa liṯi lilŋiḏu mac aḏa kwiri kwraŋa, lakin na Allah amlaḏa ŋoḏɽɔr ŋi ŋalu eḏi kandiza keḏi ŋiɽiya ṯimaḏi, Ŋeni ŋu Mezayaŋu kwinḏi eḏife turfa ŋiɽeny ŋi tɔk. Eta krekrem, duŋgwecari ŋikiyaŋ ŋalu ta aɽaḏi Allah nana mindaŋ ma ŋikiyaŋ ŋalu ŋwinini kiḏey.''
Na lizi lir ŋuɽa leḏi danga ŋwu nezi ŋiɽaŋal ŋeḏi Butruz ŋa Yuhanna gi ŋandizarzi ere tamɽi ŋunduŋuzi mac. Ner zi enji zijina. Lakin lizi luuru ner amini ŋiɽaŋal ŋandizazi Butruz, na lizi liṯemini Yecuŋu igɽaḏi mindaŋ meri orɔ 5,000.
Ma lamin lukwaḏiḏa lamin kila upaḏa, na lizi leḏi yahuudŋu lir ŋuɽa ner mulḏa Butruz ŋa Yuhanna gi nani ŋgu kwizi kupa kweḏi kruu na lizi li lir ŋuɽa leḏi diin. Ner uṯuci Butruz ŋa Yuhanna gi ŋwu, '' Ŋuma ŋeḏi aya ŋinder ŋizǝwaŋa ŋi kibɔrkɔni?''
Na Butruz aŋnici ŋunduŋuzi nuŋuzi eca ŋwu,''Kwor ŋgu kwirlu kiyena yalu kuzǝwina ŋuma ŋi ŋeḏi Yecu kweni Mezaya, ŋaŋa limalazi Yecuŋu ŋuɽila ŋuɽmuḏalu, lakin ni Allah diɽazalu ŋiɽenyna nuŋu miiḏi kwokwony! ŋaŋa lidirna ŋunduŋu, lakin niṯey ere mac ṯere ṯinḏi kileḏi ŋaŋuzi ni ṯey dak rɔ ṯedi ŋumana ŋeḏi Yecuŋu!''
Na lizi lir ŋuɽa urtunana ŋiɽaŋal ŋi ŋenuŋ ŋeḏi Butruz ŋa Yuhanna gi ner andaci lor kilu ŋugula nerzi ani kaka etir elŋiḏir eḏi urti mac. Lakin kinaŋ ṯaŋu ner uḏuŋweni lor kilu linanu lamin lete Yecu gi, ner uṯa Butruz ŋa Yuhanna gi wɔgna, nerzi menyji ner ele.
Ṯiŋereŋ Teḏi Injiil Weni Amaal Alrazuul 3:1-4:22