24. Yuhana Maŋu Babtazi Yecuŋu
Na tor teḏi Zakariyaŋa Lizbaṯ gi, nuŋu ipeŋe naŋu orɔ kuɽi. Naŋu nani ki yaɽina eṯiŋu ye layu na yama, yeḏi kiyaɽinaŋu na, eṯiŋu kenne yireṯi yidaɽimina yirna yi yeḏi kamla.
Na lizi luru ruuḏa ki uḏerna eḏi niŋnaci Yuhanaŋu. Naŋuzi ilŋidni ŋariŋu, "Urleri rugorlu, kaka magu ŋeleny ŋeḏi Allah ǝdaḏi keṯok!''
Ma lizi luru neŋne ŋiɽaŋali ŋeḏi Yuhana, na luru deŋgen na urlaca ŋikiyaŋlu ŋeŋen ŋodɔŋ, na nezi Yuhana baptazi. Na luru lir ŋuɽa ŋweḏi ḏiin ṯir na ter ter ner ila nezi Yuhana baptazi, Lakin ner ere urlalu kinna rugorlu mac ya eḏi ruweza ŋikiyaŋlu ŋeŋen .
Na Yuhana eca ŋuɽa ŋweḏi ḏiin ŋwu, '' Ŋaŋa lir yimaw yaḏi ŋiya ! urlari lu na urla ŋeḏerelu ŋalu. Kaka inḏir eḏi uɽu kwaɽi kwere nyiḏak kwiti kweṯiriɽi nyoru nyizaw mac er kaṯu ki igǝ na." Nezi Yuhana ṯimazi kworɔ ŋandicazi liɽi ŋari ŋwu ''Izaṯ , nyi kwuza kwizi kwinyi kereny gi kwuŋa, kundurṯa kwinḏi eḏi daɽimaci ŋaŋu ṯay lu.
Na lokɔ lir Yahuuḏ uṯuci Yuhanaŋulu, ner eca ŋu agwuri manuŋ kweni Mezaya.Nezi Yuhana ecaŋu,'' nyi kwiti kwiri kweni Mezaya mac, lakin kwizi ŋga ma kwete kwinḏi eḏi ila kwu kwaḏaḏaḏi nyi. kwir kwuḏi ŋuma na nyi kwiti kuzuɽuna mac eḏi kedi yiḏuwanu yuŋun.''
̧
Ki lamin likwaḏaḏi, na Yecu ila eḏi baptazni nanigu Yuhana. Mindaŋ ma Yuhana eze, naŋu ariŋu, " Izert! tirenya teḏi Allah tinderṯa tinḏi eḏi ǝfi ŋikiyaŋi ŋeḏi ṯurmun kiṯay.''
Na Yuhana eca Yecuŋu, '' Nyi kwiti kufḏana mac eḏi baptazi. ŋaŋu a ŋgu nyiṯa baptazi.'' Lakin na Yecu ecaŋu baptizanyi, kaka ufḏanari gu eḏizi erri.'' Ta na Yuhana baptazi, kaka iti erra Yecu ŋikiyaŋilu ŋere mac.
Mindaŋ ma Yecu baptizni ta naŋu aliḏa ŋaw na, na ṯigɽim ṯeḏi Allah ruwanalu ta naŋu dapiḏalu kaka kwodor naŋu nanalu ŋunduŋla. Kaŋun ṯa wa na ṯogɽɔ ṯeḏi Allah andazi kilerena, ṯariŋu, '' Ŋa kwiri tor tinyi tamɽanyi na nyi kwamina ŋa gi beṯen.''
Na Allah andaci Yuhanaŋu ŋu, "Ṯigɽim Ṯirlinalu Ter ṯinḏi eḏi dapiḏalu ŋunanalu ki kwizi la kwinḏi ŋa eḏi baptazi. kwizi ŋgwa kwiri tor, teḏi Allah.''Na Allah nani wutuput ṯuɽuk. Lakin ma Yuhana baptazi Yecuŋu, naŋu neŋne Allah wir papa wandiza, naŋueze Allah wir tor teni Yecu, na naŋu eze Ṯigɽima Ṯirlinalu Ter.
Matta 3;marguuz 1:9-11;lugga 3:1-23