10. Jiiza Kwir Wri
Na Muuzaŋa Harungi ele nanigu Faraun. Ner eca ŋwu," Ŋinderi ŋwu ŋandizazi Allah weḏi Izrayiil," Afrinyja lizi linyi er ele!" Na Faraun ere niŋnaci ŋunduŋuzi mac eḏi duŋgaci lizrayiila eḏi ele. Nuŋu kiɽǝci ŋunduŋuzi ŋoḏɽɔr ŋuru ŋirara.
Nata Faraun derne eḏi duŋgaci lizi eḏi ele. Ta na Allah ṯiŋac̱a limezrya Jiiza kwiki beṯen. Jiizagi ṯa ŋgwu, na Allah baŋaci Faraunŋu ŋuma ŋuŋun ŋupa ŋiḏemdu ŋuma la ŋeḏi Faraun na yallah yeḏi lizi leḏi Mezrŋu tatap.
Na Allah urli ŋawlu ŋeḏi Kibirṯa Keni nayil ner orɔ ŋin, lakin nita Faraun derne eḏi duŋgaci lizzrayiila eḏi ele mac.
Na Allah ṯiŋaḏa lurɔ ner urǝni Mezrŋu ezir nana tatap. Na Faraun dedi Muuzaŋu eḏi dima lurɔwa kiṯey. Mindaŋ ma lurɔ ay ndeṯ, Na Faraun firli ṯogɔr ṯuŋun nuŋu derne eḏi duŋgaci lizrayiila eḏi ṯazi Mezrŋu lu.
Ŋuṯaŋu na Allah ṯiŋaḏa jiiza kweḏi nyawaŋ. Na nuŋu ṯiŋaḏa kweḏi limeɽeny. Na Faraun urnuṯi Muuzaŋuzi Harungi nuŋuzi eca ma irli jiiza ta a lizraiil ruu eri ṯazi Mezrŋulu. Mindaŋ ma Muuza ari kiyiriny, na Allah dima limeɽenyi kiṯey Mezrna. Lakin na Faraun firli ṯogɔr ṯuŋun nuŋu derne eḏi duŋgaci lizi eḏi ruu ki ŋwuayna.
ŋikwaḏina, na Allah uza kimǝḏ keḏi ŋirel ta na ŋirel ŋeḏi limezri ŋa tatap ŋinanu ki rigarana ner umi ner ay. Lakin na Faraun ferle ṯogɔri, nuŋu derne eḏi duŋgci lizrayiila eḏi ele.
Ta na Allah eca Muuzaŋu ŋwu kǝṯi yariŋla ki lere ki yeyna yeḏi Faraun. Maŋuzi erri kakata ŋwu,na yǝmǝ ṯirara beṯen aliḏa yaŋna nana yeḏi Limezri, ta ner ere nani yaŋna nana yeḏi lizrayiil mac. Lakin na Faraun firli ṯogɔr ṯuŋun nuŋu derne eḏi duŋgaci lizrayiila eḏi ele.
Mer ṯamḏu ŋa, Na Allah uza kuroni ŋurumŋina nuŋu kirazi kwɔmnelu kweḏi ruruny reḏi Mezrŋu kuru nuŋuzi ɽenye kila tatap lima ruwǝḏalu par. Na Faraun urnuṯi Muuzaŋu na Harunŋu tɔk nuŋuzi eca ŋwu, '' Nyi kuma aki pir. Ŋaŋa inḏiri.'' Ŋuṯaŋu na Muuza ari kiyiriny, na ŋurom irli ner ere irdə ki lere kwokwony mac.
Lakin na Faraun aki pir kwokwony nuŋu firli ṯogɔri. Ṯuŋun nuŋu derne eḏi dunŋgaci lizrayiila eḏi ele lififrina.
Ŋwuṯaŋu na Allah ṯiŋaḏa londɔŋi na yama eḏi nani Mezrŋu nana tatap. Na yama ye ŋwana ŋwa ŋwiti ŋumzi ŋorom kirazalu mac.
Ṯa na Allah ṯiŋaḏa kirimi nuŋu nani nyaminu ṯoɽɔl. Na kirim aɽaḏi mindaŋ na limezri ere ǝḏi ŋuma eḏi ruwaḏalu ki dunuŋna kweŋen mac. Lakin na fori nani ki ezir winanigu lizrayiil.
Ta kijiizana ŋgwa tatap kwir kunaturi, na ta Faraun derne ṯiṯir eḏi duŋgaci lizrayiila eḏi ele. Ma Faraun derne ḏut ̱,na Allah kitaḏa eḏi ṯiŋaḏa jiiza kwete kwigiɽmiḏu. Ṯindu eḏi urlici Faraunŋu ŋaɽinyna ŋuŋun.
Ṯiŋereŋ Ṯeḏi Kiṯam Kirlinalu Ter: Kəni Ṯuruuḏa