48. Yecu Kwiri Mezaya Kwikitadir gi.
Ma Allah kete turmuna, ni kwɔmne tatap orɔ kuḏimaḏu. Na ŋikiya ere nani mac, Adam ŋa Hawa gi ner amɽadizina ner amɽi Allah tɔk. Ni kimad ŋa ŋiɽeny ŋi nir ere nani mac. Ner ta orɔ ŋinaŋnazi Allah aḏi turmun orɔ ŋu.
Na zitan andazi kikimǝwna karṯinyna aḏi keɽinyjalu Hawaŋu. Ta ŋunduŋa Adam gi erreri ŋikiyaŋ kiyenǝ yeḏi Allah. Kaka mer zi lizi erri ŋiki, eta na lizi tatap kiturmuna ner inḏa kimad ner ay tɔk.
Kaka ma Adam ŋa Hawa gi erri ŋikiyaŋi, na ŋiɽaŋal errini ŋibirli beṯen. Ner orɔ ṯuwan ṯeḏi Allah. kaka erriner ṯa ŋu, ta ni lizi tatap lilŋidirzi ner alŋeḏini ŋikiya ŋi ner orɔ ruwan reḏi Allah tɔk. Ṯikakina ṯedi lizi ŋa Allah gi nuŋu ke ŋikiya ŋi. Lakin na Allah kitaḏa eḏi aɽazi ṯikakina ṯiyaŋ.
Ṯikitaḏiza teḏi Allah ŋeni ŋu kwete kiligurnana leḏi Hawaŋu , kwinḏi aḏi anazi nda leḏi zitan , na zitan ŋwelici kamǝŋ kaga nana . Ner ta orɔ ŋu zitan kwinḏi eḏiɽenye mezayaŋu , lakin Allah kwinḏi tidiɽaza ŋunduŋlu eḏi ŋumiḏi kwokwony . Ta mezaya ŋukirazi ŋuma ŋeḏi zitan tuc . Kiyiḏileyuna yikwaḏaḏu , ni Allah ruzi Yecuŋu mezaya .
Ta ma Allah kirazi lizilu tatap kiiru gi, nuŋuzi inḏeḏa faluka kila linḏi ademini ŋunduŋu. Eḏi kileḏi kiṯeyla kiḏa ta, na lizi tatap ufḏani aḏi kiraḏi kiḏey kaka erreri ŋikiyaŋ, lakin nazi Allah inḏeḏa Yecuŋu ŋuzi kileḏi tatap linḏi eḏi emini ŋunduŋu.
Yeḏileyuna yirna ruɽiŋa ṯuḏuni, eṯi lijuwit dɔkdɔk ɽenyji Allah lu ŋeniŋu lizi lufḏana eḏinḏa turfa kaka erreri ŋikiyaŋ . Lakin ṯiɽnyaḏa kiḏa ŋwere dimada ŋikiyaŋlu ŋeŋen kiḏey mac . Yecu kwiri kujuwit kupa kudemdu lijewit liḏaḏu , nuŋu indada aŋna wuŋun eḏi ŋorɔ ṯiɽinyaḏa tutuput tinḏi aḏi iɽinyaci lizi tatap ŋikiyaŋlu ŋeŋen kila linanu kiturmuna . Yecu kwiri kujuwit kufḏana kaka dimaŋu tufi teḏi ŋikiya ŋeḏi lizi tatap ŋerrerzi .
Ni Allah andaci Ibrahiimŋu, " Lizi tatap leḏi turmun lortana ŋaŋu ŋgi." Yecu nuŋu orɔ kugurna kweḏi Ibrahiimŋu. Na lizi tatap ortani ŋunduŋ ŋgi, kaka mau kwete emini Yecuŋu kwinḏi eḏi kileḏini ŋikiyaŋna ŋuŋun, ta ŋu orɔ kugurna kwaḏi ṯigɽimana teḏi Ibrahiimŋu.
Kinaŋ aca Allah Ibrahiimŋu eḏiŋuɽenyji ŋunduŋ tor tuŋun , Izhaag , kaka tiɽinyaḏa , na Allah indada ŋunduŋu taŋali kitorla tuŋun eḏiŋuɽenyji Allah , Izhaag . Nyiŋa lufḏana ndet aḏi ayi ŋikiya ŋi ŋererzi , lakin nezi Allah inḏaḏa ŋunduŋuzi Yecuŋu , kwir taŋal teḏi Allah , eḏi ŋorɔ tiɽinyaḏa tinḏi tayici nyuŋuzi kiezirna weri .
Ta ma Allah uza ṯapa ṯuŋun kimazrna , nuŋu andaci lurna terter leḏi izrayiil leḏi dunu eḏiɽenye taŋal tufḏana ta erimiɽinyada ŋin yogur nana na yogura kindala . Ma Allah eze ŋinalu , eṯiŋu burlaḏa yiŋinalu yeŋen ta eṯiŋu ere ɽenyeci ŋunduŋuzi nyele nyir ŋoɽa nyeŋen mac . Ta na ŋiɽaŋal ŋu eni tirǝrǝlu .
Ni Yecu orɔ taŋal teri teni teḏi tiraralu . Ŋundu kwiri kufḏana nuŋu ere ŋikiyaŋna tɔk nerɽenye kilaminla leḏi zibir kweḏi tiraralu . Ta kwere kumemini Yecuŋu , ta ŋin ŋeḏi Yecu ŋuici kwizi ŋgwa ŋikiya ŋuŋun . Ta kwizi ŋgwa ŋwere tinḏa turfa teḏi Allah mac .
Na Allah daɽimiḏa ṯikakina izrayiil li lir luŋun licaŋuzina . Lakin ni Allah daɽimiḏa ṯikakina ṯiyaŋ ṯuru tinḏi aḏi lizi inda tatap . Kaka taŋu ṯikakina ḏi ṯiyaŋ , kwere kilizina lirna terter lindi eḏorɔ lizi leḏi Allah mer eḏi ṯemina ki Yecuna .
Na Muuza orɔ kuɽi kupa kwandiza ŋiɽaŋal ŋi ŋeḏi Allah. Lakin na Yecu orɔ kuɽi kupa beṯen kuḏamḏu liɽi tatap . Ŋundu kwiri Allah , ta kwɔmne tatap kwareŋu ŋiɽaŋal ŋi ŋandizaŋuzi nir orɔ ŋɔdɽɔr ŋeḏi Allah . Ŋindrta ŋeni ŋu Yecu kwiri kandiza keḏi Allah .
Tikitaḏiza teḏi Allah ŋa kweleny gi kweni Dawud ŋeniŋu kugurna kwete kweḏi Dawud kwinḏi eḏi orɔ kweleny kweḏi lizi leḏi Allah lur . Kaka ma Yecu orɔ tor teḏi Allah na kwir Mezaya tɔk , ŋundu kufḏana kwir kugurna kweḏi Dawud kwinḏi aḏi nani ŋelenyna dɔkdɔk .
Na Dawud orɔ kweleny kweḏi izrayiilŋu , lakin na Yecu orɔ kweleny kweḏi turmun tatap ! kwinḏi adaɽa kwokẇny eḏiŋu hakumi ŋelenyna ŋuŋun ṯirlinalu ṯi na ṯiɽana ḏi dɔkdɔk .
Ṯiŋereŋ Teḏi Injiil Weni Takwin 1-3,6,14,22 ; Kuruuj 12,20;2 Zamwel 7; Libranin 3:1-6 ,4:14-5: 10,7:1-8:13,9:11-10,18; Ruuya 21