31.Yecu Kwinḏi Ŋawla

Na Yecu andaci limeḏgen ǝḏi ǝnḏi ki falukana na ǝri ṯamḏu ṯujuli kenni ta kaka maŋu ṯiŋaḏaḏa ŋuduŋ kiṯay . Ma Yecu ṯiŋa ŋuduŋ ŋwa kiṯay ta, naŋu dalu ki ayinla ǝḏi ari ki yiriny. na Yecu nani kinaŋ kutuput , naŋu ari ki yiriny mindaŋ na kulŋana orɔ.

Kokɔ ta na limeḏgen mulɔ faluka kweŋen, lakin ma kulŋana orɔ, ner ṯa upaḏi kelgenyna keḏi ṯujul. Ner inḏa ṯurfa tete ṯupa beṯen kaka lakaḏi gu kuronlu ŋga kapaza ŋunduŋuzi.

Ta na Yecu ṯimazi ṯara ki yiriny na naŋu diɽi naŋu ele nani gu limeḏgen. Naŋu ele ŋawla eḏi uɽaḏa ṯujulina ilaḏuŋgu faluka nana!

Na ŋiḏeny imḏa limeḏgen leḏi Yecu beṯen kaka mer gu eze Yecuŋu, kaka urtunar gu na ǝḏǝriŋ kilu liza kiɽilaŋi. Mezi Yecu elŋece kilu liṯinya naŋuzi urnuṯi naŋuzi ecaŋu, " Eṯi ṯinyar mac. Na nyi kwiri !"

Na Buṯruuz ǝca Yecu, ''mwalim, ma orɔ, alicanyi amura ǝḏi ila ŋawla nanigu ŋa. " Na Yecu eca Buṯruuz ŋu, ''ila !"

Ŋu ṯaŋu, na Buṯruuz ruḏa ki falukana naŋu ele ŋawla nani gu Yecu. Lakin maŋu ele ki ezir wublana keṯɔk, naŋu rwuci Yecuŋu yeyna tuk na naŋu ece ŋaw ŋilakaḏina naŋu icini kuron gi kifirli beṯen .

Ta na Butruuz ṯenye beṯen naŋu oɽi ŋawna tɔk. naŋu ari kwula, " Mwalim, kilaḏanyi !" Kinaŋ ṯa na Yecu ǝlazi naŋu miḏa. Ta naŋu eca Buṯruuzŋu, " Ŋa kwiri kwor kweḏi ṯamina ṯokɽɔc, ŋa kwaḏa kweḏi rogɔrna riɽen ?"

Mindaŋ ma Buṯruuz ŋa Yecu gi ǝnḏi ki falukana, na ta kuron irli fitak na ŋaw biɽaḏalu pet. Na limeḏgen liŋɽi beṯen. Ner kweci Yecuŋulu, ner eca ŋwu, " Rerem, ŋa kwiri tor teḏi Allah."

Ṯiŋereŋ Ṯeḏi injiil ṯinani kiṯamna keḏi matta 14: 22-33;marguuz 6:45-52;yuhana 6:16-21