22. Ŋelŋe Ŋeḏi Yuhanna
Ki yiḏleyna yima ṯamḏu na Allah andaci lizi lemleyka li na liɽi li tɔk. Lakin na yiḏla ṯamḏu kaka 400 yiti yimaŋu yi andaci ŋunduŋuzi ŋere mac. Kokɔ na maleyka ila kandizagi keḏi Allah nani gu kwor kwete kupa kwir kujawiḏ kweni Zakariya. Na Zakariya ŋa kwaw gi kuŋun, kweni Lizbaṯ, ner orɔ lizi leḏi Allah, lakin na lizbaṯ ere aḏi ŋuma mac eḏi adi kwelle kwere.
Na maleyka eca Zakariyaŋu, ''Izaṯi kwaw kuŋa kwinḏi eḏi aḏi toŋɔr. Ama enjici yiriny eca yuhana. Ŋwu urəzina Ṯigɽimna ṯi Ṯirlinalu Ter, na ŋwu kete lizilu biɽeṯ leḏi Mezzaya!'' na Zakariya eŋnici, '' Nyiŋa kwawi kwinyi limi peŋe eḏi elŋe kwele! ta ŋinyji elŋe aŋguru ŋinḏi eḏi errini?''
Na maleyka aŋnici Zakariya ŋu, ''nuŋu eca ŋwu Allah wiri wuzanyi eḏiŋa afica ŋiɽaŋali ŋu ŋizaw. kaka magu ere amini nyiŋu mac, ŋa kwiti kwǝḏi ŋuma eḏi andazi mac mindaŋ a tor elŋeḏne kaka iti aminaŋa gu ŋiɽaŋali ŋandicaŋezi mac.'' Kinuŋu ta, na Zakariya ere ǝḏi ŋuma eḏi andazi mac ṯa na maleyka ṯazalu. mer ṯamḏu ŋwu, na Zakariya orle dunuŋ na kwaw kuŋun eḏe.
Ma yewa yir nyerlil ṯamḏu ki nyamin nyima nyi lizbaṯ eḏe,na maleyka ŋgwa ṯa ṯermici tiralu tete tir kiŋaɽu teni Maryam turuthur ki dunu kutuput lizabṯ gi tikamtina tinḏi Yuuzif eḏagu. Na Maleyka eca ŋwu,'' Ŋa kwindi eḏi elŋe toŋɔra. Enyjici yiriny ecaŋu Yecu. Ṯinḏi eḏi orɔ tor teḏi Allah wupa weṯi nani kindala kider ŋunani ŋelenyna luur.''
Na Maryam eŋnici naŋu eca ŋwu,'' Ŋinḏi eḏi orɔ aŋguru nyi kwir kiŋaɽu?'' Nezi ṯa maleyka upicina naŋu eca ŋwu,''Ṯigɽim Ṯirlinalu Ter ṯinḏiŋa ṯa oɽina na ŋuma ŋeḏi kindalaŋu er ŋa kuɽubaḏalu. Eta tor eni tirlinalu ter, tor teḏi Allah.'' ṯaŋwu na Maryam amini ta naŋu amɽi tɔk ŋiɽaŋali ŋandicazi maleyka.
Kinaŋ ta ma maleyka andaci Maryaŋu, naŋu ele eḏi raŋiḏa lizbaṯŋu. mindaŋ ma Lizbaṯ neŋne ṯagina ṯeḏi Maryamŋu, na tor upuḏi karina kuŋun. Ta na kwaw amina kundugi beṯen kwumne gi ŋgwa kumezi Allah errici. Na Maryam raŋiḏa Lizbaṯŋu yewa yi yir tɔɽɔl, ta nuŋu aɽa dunu kuŋun.
Mindaŋ ma Lizbaṯ elŋe toru tuŋun tir toŋɔr, na Zakariya ŋa Lizbaṯ gi enyjici yiriny ner eca Yuhana, kaka andicazi gu maleyka. Na Allah duŋgaci Zakariyaŋu eḏi andazi kwɔkwac. Na Zakariya ariŋu,'' eḏi Allah ortani, kaka maŋu gu tuŋayini lizi luŋun! ŋa, kwir tor tinyi, er ŋa eca kuɽi kweḏi Allah weṯi nani kindala kider kwinḏi eḏi ilŋiḏini lizi ṯay ṯeḏi afi ṯififrina ṯeḏi ŋikiya ŋeŋen!''
Ṯiŋereŋ ṯeḏi injiil ṯinani : Lugga 1