46. Boliiz Nuŋu Orɔ Kuruztiyan
Zawul nuŋu orɔ kwor kwiti karni lizi kila liɽnyiḏu Izṯifanuzŋu. nuŋu ere ṯemini Yecuŋu mac, nuŋu awɽi lizi yeylu kila liṯemini Yecuŋu. Eṯiŋu ele kiyiŋnana yeḏi lizi linananu Urzaliim eṯiŋu umi lǝw na lor tɔk eṯiŋuzi ili zijiina. Na kwor kwir nda leḏi yiziiz nuŋu uza Zawulŋu eḏi ele Dimazik eḏiŋu umi lukriztiyan linananu kinanaŋu eḏuŋli ila Urzaliimna kwokwony.
Ma Zawul ele kiṯayla ṯinḏi Dimazikŋu, na fori ƙufirli beṯen irṯelu kwinḏu kilerena ŋgi nani ŋgu Zawul, ta ni Zawul idii ki uryelu na Zawul neŋne ṯɔgɽɔ tandiza ṯariŋu, ''Zawul! Zawul! ŋa kwariḏa manyi awɽi yeylu ?'' Ṯa na Zawul uṯulu ŋwu, '' Ŋa kweni eya kweleny ?''na Yecu eŋnici nuŋu ece ŋu, ''Nyi kwiri kweni Yecu, ŋa kwiṯinyi awɽi yeylu. ''
Ma Zawul diɽala, nuŋu ere ṯeze ezirlu mac. Na limeḏen luŋun omlu ner upazi Dimazikna. Zawul nuŋu ere ṯeḏne nuŋu ere ii ŋǝw tɔk mac kinyaminu nyir tɔɽɔl.
Na kumad kweḏi Yecu kweni Ananiya kwinani Dimazikna, na Allah ece ŋunduŋu, '' Inḏu dunu kunani gu Zawulŋu. Akete ṯii nana eḏiŋu iziḏi kwokwony. '' Lakin na Ananiyaŋu ariŋu, ''Kweleny, nyi kwiniŋna ŋiɽaŋal ŋeḏi kwor ŋgu kwiṯi awɽi lizi yeylu liṯemini Yecuŋu.'' Ni Allah aŋnici nuŋu ece ŋu, ''Inḏu ! kwor ŋgwa kuminyi alla eḏiŋu ele adandaci yahuudŋa yiriny yinyi eṯiŋu andaci ŋuduŋlu ŋweḏi lizi liṯaḏu tɔk. Ŋundu kwinḏi aḏife ṯurfa ṯuuru kiyirinyla yinyi.
Na Ananiya ele dunu kweḏi Zawul, nuŋu kete Zawulŋu ṯii nana, nuŋu ece ŋu, ''Yecu, kwizaŋa kiḏeyla inḏiŋa ṯay, ḏi kwindar kuzanyi eḏinyi zǝwici ŋaŋu ŋunduma ta urani ṯigɽimana tirlinalu ter.''Na Zawul iziḏi kwokwony na Ananiya baptizi ŋunduŋu. na Zawul eḏne kwɔkɔ ta na ŋuma ŋuŋun aɽaḏi.
Ki ezir ṯa wa, na Zawul ilŋidini yahuudŋuzi ŋiɽaŋal ŋeḏi injiil Dimazikna nuŋu ariŋu, ''Yecu kwiri tor teḏi Allah!'' Na lizi leḏi yahuudŋu ner liŋɽi ŋiɽaŋal ŋi ŋeḏi kwor ŋgu kwiṯiɽenye lizilu liṯamini Yecuŋu tɔk! Zawul nuŋu upuna kandiza keḏi Yecu yahuud ŋeli ta, nuŋuzilŋiḏni ŋu Yecu kwindǝr kwir Mezayaŋu.
Ma nyamin nyuru ḏamḏu , na yahuud kete kanḏiza eḏiɽenye Yecuŋu ner uzi lizi ki ogur kwiḏi lilii eḏi ece ŋunduŋu eḏirɽenye . Na Zawul neŋne kanḏiza ŋgu keḏi ŋiɽeny ŋuŋun ṯikitari yahuudŋa , ta na limeḏgen meci ŋunduŋu eḏiŋu afri . Kulŋana kete ner keṯe kitiɽemna ner alazi kiliwawirla leḏi lilii . Kinanǝŋ ṯi ni Zawul arṯa Dimazik ŋu, nuŋu ele nuŋu andaci lizi ŋiɽaŋali ŋeḏi Yecu kaka ŋiṯuŋuzi erri.
Na Zawul ele Urzaliim eḏikadiri limeḏgen li, Lakin na limeḏegen ḏenye ŋunduŋu . Ta na kwmina kweḏi Yecu kwete kweni Barnaba nuŋu oḏa Zawulŋu ner ŋgwi ele nani gu yafuur na nuŋzi andaci ŋiɽaŋali ŋeḏi ṯurtuna teḏi Zawul ki ezir wa weni Dimazikŋu . kinaŋ ta, na lumad leḏi Yecuŋu emini ŋunduŋu.
Na lemina leḏi Yecu liḏaḏu kila lwɔkɔ labru larṯaḏu ṯurfa ki Urzaliim na ner ele kililiina lulɔna leni Antakiya ner eliŋiḏni lizi kandiza keni Yecu . Lizi luuru linanu Antakiyanu liṯi liri yahuud ŋu mac , lakin kilamin la kla liŋna lizi luuru beṯen ner orɔ lemina leḏi Yecuŋu . Ta Zawul ŋa Barnaba gi etiri ele ezir wunanir wi lemina leḏi Yecuŋu lir liyaŋ eṯir zi urtuni ŋiɽaŋali ŋuru ŋeni Yecuŋu eṯir ele tɔk eḏifirli kaniizaŋu tɔk . Ki ezir wa weni Antakiya lemina leḏi Yecu linanu kinanaŋu lindǝr liŋna licerzi , ''Lukurztiyan''
Kilamin la lete, ma lukuriztiyan linanu Antakiyaŋu mer aɽaḏi duŋ ṯara ḏi kiyiriny na ṯimḏa owḏa tɔk , nezi Ṯigɽima Ṯirlinalu Ter andaci ŋunduŋzi nuŋzi ece ŋu , ''Duŋgacari Barnaba ŋu Zawul gi eḏir erri ŋɔdɽɔr ŋinyi ŋiḏinyi eḏinḏaḏa ŋunduŋzi .'' Na kaniiza keḏi Antakiya errici Barnaba ŋa Zawul gi kiyiriny likita ŋunduŋzi rii nana . Ta nerzi iḏiŋaḏalu eḏi ele ezir wuḏaḏu adandazi ŋiɽaŋal ŋeḏi Yecuŋu . Na Barnaba ŋa Zawul gi ner ilŋiḏni lizi luuru beṯen lirna terter ,na ni lizi luuru emini Yecuŋu.
Ṯiŋerɔŋ Ṯeḏi Injiil weni Amaal Alrazuul 8:3;9:1-31;11:19-26;13:1-3