49. Tikitaḏiza Ṯiyaŋ Teḏi Allah

Na malayeka andaci kiŋaɽa kweni Maryamŋu kwinḏi aḏorɔ lenyin kweḏi tor teḏi Allah , ruḏuŋu kiŋaɽa ta na Ṯigɽim Ṯirlinalu Ter kuɽubaḏalu ta nuŋu eḏe. nuŋu elŋe tɔŋor nuŋu enyjici yiriny yeniŋu Yecu. Ta Yecu kweni Allah nuŋu orɔ kwizigwunaŋ tɔk .

Na Yecu erri ŋiɽaŋal ŋitezir ŋir ŋilim ŋiṯi urwani ŋunduŋu kwiri Allah . Nuŋu ele ŋawla , nuŋu irli kɔrun , nuŋu zǝwi lizi luru luuma , nuŋu urti zitan kiḏey , nuŋu diɽaza kila layu ŋiɽenyna eḏir miidi , nuŋu iḏini lizi lir5,000 lum li nden na yafaŋ tuduni tɔk .

Yecu kwiri lefendi lupa , ta nuŋu andazi ŋuma ŋi kaka ruḏuŋu tor teḏi Allah . Nuŋu urtuni lizi ŋwu amɽari ŋaŋa lizi liḏaḏu kaka eṯir ŋgu amɽi rɔgɽɔ ralu.

Nuŋuzi ilŋiḏini tɔk eḏiri amɽi Allah beṯen ŋiḏamdu tamɽa teḏi kwɔmne kuḏaḏu tatap , ŋidamḏu ŋurṯu ŋalu tɔk .

Na Yecu ariŋu ŋeleny ŋeḏi Allah ŋufḏana aḏi kɔmnela tatap kunani kiṯurmuna . Ŋiɽaŋal ŋizǝw eḏiŋu errini ŋindir ŋeni a kwizi ŋwɔrɔ kweḏi ŋeleny ŋeḏi Allah . Eḏiŋu endi ŋelenyna ŋeḏi Allah , mindaŋ ma kileḏini yiŋana yalu.

Na Yecu ilŋiḏini nuŋu ari ŋu , lizi lwɔkɔ linḏi eḏamini ŋunduŋu ta erri kileḏini , lakin lwɔkɔ lende linḏi eḏi kileḏini mac . Nuŋu ari ŋu lizi lwɔkɔ laɽina urey wizǝw . Liṯi imḏa kandiza kizǝw keḏi Yecu eṯir kileḏini tɔk . Na lizi liḏaḏu ner aɽani ureylu wufirli weḏi kiḏeylu , ezir wa wiṯi wi ŋula ŋweḏi ŋiɽaŋal ŋeḏi Allah eṯiŋu ere enḏi kiruŋgɔrna mac ta tuŋu ere ava ṯonna tere mac tɔk. Lizi kila lidirna kandiza keni Yecuŋu lende linḏi adendi ŋelenyna ŋeḏi Allah mac .

Na Yecu ortuni ŋu , Allah wamɽa lizi kila liṯi erri ŋikiyaŋi beṯen . Nuŋu naŋni eḏiŋu iɽinyaci ŋunduŋuzi ŋikiyaŋlu ŋeŋen ta ŋuruzi ŋunduŋuzi nyele nyuŋun .

Na Yecu eca nyuŋuzi tɔk Allah wifraza ŋikiyaŋlu . Kinaŋu ma Adam ŋa Hawa gi ,mer erri ŋikiyaŋi , na murta̱za lugurna leŋen tatap.kaka natiija ta ŋgwa , lizi tatap kiturumuna arri ŋiki na nir uɽanina Allah wi. kaka taŋu, na lizi ratap orɔ ruwan reḏi Allah .

Lakin na Allah amɽi lizi tatap kiṯurmuna beṯen nuŋuzi indada torɔ tuŋun tutuput ma kwere amini Yecuŋu ŋwere tinda tapa teḏi ŋikiyaŋlu ŋuŋun , lakin ŋunani Allah gi tuc .

ŋikiya ŋi ŋalu, nuŋuruzi ŋaŋuzi liki lufdana aḏi ayi . Allah winḏi aḏi apiri ŋariny naniŋgu ŋaŋa , lakin nuŋu ruwaza ŋarinylu ŋuŋun naniŋgu Yecu ŋindiŋuzi eḏi ruwazalu ŋaŋuzi nana . Ma Yecu ayi ŋuɽila ŋuɽumuḏalu nuŋu dima turva talu .

Yecu nuŋu ere erri ŋikiyaŋlu ŋere mac ,lakin nuŋu amini eḏiŋu ayi kaka tiɽinya tufḏana eḏiŋu iniici ŋaŋuzi ŋikiyaŋlu ŋalu na ŋikiyaŋ ratap reḏi lizi leḏi turumunŋu . Kaka amina Yecuŋu eḏirɽenye ŋunduŋu , Allah winḏi tiɽnyaḏa ŋikiyaŋlu ratap , ta kwinḏi aḏiɽnyaḏa ŋikiyaŋlu ŋiki beṯen tɔk .

Ŋɔdɽɔr ŋizǝw ŋende ŋinḏi eḏi kileḏi ŋaŋu mac . Ŋende ŋere mac ŋinḏi ŋaŋu edizi erri mac mindaŋ aḏi eḏi ŋedre ŋizǝw Allah gi . Yecu kwindirta tuɽɔk kwindi aḏi icii ŋaŋuzi ŋikiyanlu ŋalu kiḏey . Eminar Yecu kwir tor teḏi Allah , kuma ayicii ŋaŋuzi ŋuɽila ŋuɽumuḏalu ta na Allah miidi ŋunduŋu kwokwony.

Allah kwinḏi eḏi kileḏi lizi kila linḏi tamini Yecuŋu na kila linḏi teze ŋunduŋu kaka kwir kweleny kweŋen . Lakin kwende kwinḏi eḏi kileḏi kwere mac kwidirna temini kiŋunduna . Ŋende ŋeni ŋa kwiri kurṯu aw kwey , kor aw kǝw , kupa aw kwɔkuleny aw ezir were winanaŋa wi . Allah wamɽa ŋaŋu eta nuŋu naŋni ŋaŋu aḏi emini Yecu ta eḏi ŋedre ŋizǝw ŋundu gi .

Yecu kurnuṯu ŋaŋu aḏi emini ŋunduŋu ta abaptizini tɔk . Ŋa kwemina aḏi ariŋu Yecu kwiri mezayaŋu , kwir tor tutuput teḏi Allah a ? Ŋa kwemina aḏariŋu ŋa kwiṯi erri ŋikiyaŋ eṯi emini aḏi Allah fiini ŋaŋuzi turfa a ? Ŋa kweḏi temina aḏariŋu kwayu ŋuɽila ŋuɽumuḏalu eḏiŋu icii ŋaŋu ŋikiyalu ŋuŋa tɔk a ?

Ma amini Yecuŋu na ŋɔḏɽor ŋerricaŋuzi ŋaŋu, ŋa kwiri kukuruzṯiyan! Allah wuma ruwaza ŋaŋu ŋelenyna ŋeḏi zitan ŋir kirim ta nuŋu kete ŋaŋu ŋelenyna ŋeḏi Allah ŋir fori. Allah widimaḏa ŋaŋu reyna ruŋa rir ruɽun, reyna riki riṯiŋa ri damiḏa ŋɔdɽɔrlu, ta nuŋu inḏaḏa ŋaŋu reyna riyaŋ rufḏana riṯiŋa ri aagi ŋɔdɽɔr ŋeḏi kwɔmne ratap.

Ma orɔ kuruztiyan, Allah wuɽinyaca ŋaŋu ŋikiyaŋlu ŋuŋa kaka ŋimizi Yecu erri. Ŋuta ŋu, Allah wuruza ŋaŋu meḏŋgen kuŋun ni ere orɔ ṯuwan ṯuŋun mac .

Ŋa ma orɔ kumad kweḏi Allah na kaḏam kweḏi kweleny kweni Yecu , ŋa kwindi tinyici yecuŋu turtuna ṯi ṯuŋun ŋandicaŋuzi ŋaŋuzi . Kaka ruḏuŋu kuruztiyan, ŋa kwindi aḏinḏa tumuma teḏi ŋikiyaŋ .lakin na Allah wiri amiin ta nuŋu ariŋu ma ruwaza ŋikiya ŋalu ta , kwindi aḏi iɽinyaci ŋaŋu . Kwindi aḏi inḏaḏa ŋaŋu ŋuma aḏi efrici ŋikiyaŋlu ŋalu .

Allah weca ŋaŋu aḏi ari kiyiriny , aḏi orti ŋiɽaŋal ŋuŋun , aḏi kweci ŋunduŋulu luƙuruztiyan li liḏaḏu , ta andaci liḏaḏu aḏa kwiri kwericaŋa ŋundu .Kwɔmne gu ratap kwindiŋa ṯimaci eḏi aḏi ŋeḏre ŋizǝw ŋundugi .

Riŋereŋ Reḏi Injiil Weni Romiya 3:21-26,5:1-11;Yuhana 3:16; Marguuz 16:16 ; Kuluuzi1:13-14;2 kurunṯuuz 5:17-21;1 Yuhana 1:5-10