45. Izṯifanuz ŋa Filiibi gi
Kwor kwete kunani kweni Izṯifanuz kwiri kwete kwir nda leḏi kaniiza keḏi kiḏlaŋu. Nuŋu eḏi yiriny yizǝw kilizina, nuŋu eḏi Ṯigɽimana Ṯirlinalu Ter, nuŋu orɔ kwor kwaḏi yeyna tɔk. Izṯifanuz nuŋuzi erri ŋiɽaŋal ŋitezir ŋir ŋilim na Izṯifanuz naŋni lizi eḏi aḏi ṯemina ki Yecuna.
Kilaminla lete, ma Izṯifanuz iliŋiḏini lizi ŋiɽaŋali ŋeḏi Yecu, na yahuud lwɔkɔ kila liṯi ere emini Yecuŋu mac ner uraḏa Izṯifanuz gi. Ner apri ŋariny ner kekici lizi leḏi yahuudŋu ŋɔluŋ ŋeni ŋwu.na arri ŋu,'' kwuniŋina nyi kwandiza ŋiɽaŋal ŋiki ki Muuza la na Allah tɔk!' ŋuṯaŋu na lizi lir ŋuɽa leḏi diin ner enyji Izti̱fanuzŋu zijina ner mulḏa nani gu kwor kupa kweḏi kruu ki yena yeḏi lizi lir ŋuɽa leḏi yahuudŋu, ner kaṯa lɔma nana ṯuuru ki ezir ṯa wa.
Ni kwor kupa kweḏi yahuudŋu nuŋu uṯuci Izṯifanuz ŋwu, ''Ŋiɽaŋal ŋandina ŋeḏi yena a?'' Ni Izṯifanuz eŋenici nuŋuzi uḏuŋwenizi ŋunduŋa ŋiɽaŋal ŋi ŋerrina ŋupa beṯen ŋarrezi Allah kiyeḏleyuna yeḏi Ibrahiimŋu mindaŋ ma yeḏleyu yaḏi Yecu ila, na ŋiri aŋguru ma lizi leḏi Allah derne ṯineŋneci ŋunduŋu. Nezi Izṯifanuz iŋnici ŋunduŋzi kwokwony nuŋuzi ece ŋwu, '' Ŋaŋa liri lubuŋuḏa ni orɔ liṯi derne Ṯigɽima Ṯirlinalu Ter, kaka lizi lalu leḏi kiḏlaŋu liṯi derne Allah eṯir ɽenye liɽi tɔk. Lakin ŋaŋa ŋimzi dama ŋiki beṯen ŋiḏamḏu ŋa ŋarerzi ŋunduŋa!, ŋaŋa limeɽenye Mezayaŋu.''
Ma lizi lir ŋuɽa leḏi diin merzi neŋne kandiza ŋgu, ner apri ŋariny ner ari kola ŋuma ŋi lilaŋḏaḏu yǝni. Ner omlɔ Izṯifanuz ŋu pargina kweḏi liliina na ner aci yawili yi eḏiɽenye ŋunduŋu.
Ma Izṯifanuz adaḏi aḏ ay nuŋu ari kola ŋumaŋi nuŋu ari ŋu, ''Yecu, dima ṯigɽima ṯinyi.'' Nuŋu idii ŋurgu ŋi nuŋu ari ƙola kwokwony, ''Kweleny, eṯi ere ṯiɽiyeci ŋunduŋzi ŋikiya ŋu mac.'' Eta nuŋu ayi.
Na tamal nani tete teni zawul nuŋu imazi kandiza lizi li liɽinyiḏu Izṯifanuzŋu ligarna mujriminalu leŋen mer aci ŋunduŋu yawili yi. Kilaminla kla, na lizi leḏi Urzaliimŋu awɽi yeylu kla liṯi kwaḏaḏaYecuŋu, na lizi liṯemni Yecuŋu afri ezir wir ter, lakin ma kandiza erini ŋu tatap ni kandiza keḏi Yecu ere ṯirli mac,ner andazi ŋiɽaŋal ŋeḏi Yecu ezirna tatap wa wumir yi ele.
Na meḏegen kweḏi Yecu kweṯe kweni Filiibi gwa kwir kweṯe ki lizina kila liṯemni Yecuŋu, nŋu r ɔ kweṯe tɔk kwabru nuŋu arṯaḏa Urzaliim kilamin kla limerzi awɽi yeylu. Nuŋu ele Zamra ezir wa wubaŋucaŋuzi lizi ŋiɽaŋal ŋeḏi Yecu, na lizi luru kileḏi. Lamin la lete leḏi malayeka kwḏi Allah andaci Filiibi ŋu nuŋu ece ŋu inḏu kiṯey ṯinani ezir wir kuḏerna. Ma Filiibi ele nuŋu eze kor kwir wɔrta kwir Eziyupi kuḏeliḏu murṯala kweḏi karo. Na Ṯigɽim Ṯirlinalu Ter ecena Filiibi ŋu eḏiŋu andaci kwor ŋgwa kwir wurṯa.
Ma Filiibi adaci karo lu kiṯɔk, nuŋu neŋneci ŋgwa kwir eziyupi kurtu kiṯamna kweḏi kwiɽi kuluḏu Izaya ŋu. ŋari ŋu , '' Ner omlɔ kaka taŋal ṯinḏir eḏir ɽenye ŋunduŋu, na kaka kaŋal kiṯinani tugup, nuŋu ere andazi ŋere mac. Ner owɽi yeylu ner ere iɽi tɔk mac., ner eɽnye.''
Ta na Filiibi uṯuci eziyupi ŋu nuŋu ece ŋu, ''Ŋa kwiliŋiḏu aḏa kwiri kurtuŋa a ?'' Na kwor ŋgwa aŋnici nuŋu eca ŋu, '' Bǝrri, ŋiti ŋilŋiḏinyi mac nyi kunaŋna kwizi kunyandaci, ilaṯi nani ŋgu nyiŋu ananalu keṯɔk. Izayaŋu eḏilŋiḏni rɔgɽɔ ruŋun ama kwizi kwir ter kwiri?''
Na Filiibi eŋnici nuŋu ece ŋu ŋiɽaŋal ŋeḏi Izaya ŋinḏir ŋeni Yecuŋu. Na Filiibi andaci ŋuɽuju ŋuḏaḏu ŋuzǝw ŋeḏi Yecu.
Ma kwor kwir Eziyupi Filiib gi mer ele lelutuk ner inḏa ŋaw eṯa. na kwor ŋgwa kwir Eziyupi arri ŋwu,'' iza! na ŋaw nani ŋakɔ! ŋufḏana eḏinyi bapizni a?''Nuŋu eca kworu ŋgwa kwavra aribiya eḏi ŋu irli.
Ta na Eziyupi uɽi ŋawna Filiibi gi, ni Filiibi baptizi ŋunduŋu. Mer ruwaḏa ŋawna parlu, na Ṯigɽim Ṯirlinalu Ter ilii Filiibi ŋu ki ezir wir ter nuŋu andaci lizi ŋiɽaŋal ŋeḏi Yecu ki ezir wa tɔk.
Na kwor kwir Eziyupi nuŋu ele dunu, kwamina kumeleŋe Yecuŋu.
Ṯiŋereŋ Ṯeḏi Kitam Keni Amaal Alrazuul 6:8;8:5;.8:26-40