9. Allah Wurnuṯu Muuzaŋu
Mindaŋ ma Yuzif ay, na lizi luŋun nani ki Mezrna. Ŋunduŋa na lugurna leŋen ner ta nani yiḏlǝ yi yuru. Ner ǝḏi nyele nyuru. A tir zi eca Lizrayiil.
Ma yiḏlǝ ruɽŋǝna ruru ṯamḏu, na duŋ leḏi Lizrayiil orena nuŋu upoŋe beṯen. Na Limezri ere ṯiŋaini Yuzifŋu kwokwony mac. Na ŋa tatap ŋərǝŋuzi eḏi meci̇ ŋunduŋuzi mac. Ner ṯenye Lizrayiila kaka mergu uri beṯen. Ŋwuṯaŋu na Faraun ŋga kwir kweleny kweḏi Mezrŋu ki ŋumurla ŋwa nuŋu ruzi Lizrayiila luway leḏi Limazri.
Na Limazri akini lizrayiila ŋoḏɽɔr ŋumaŋina eḏi awci yiŋna yuru na ŋwilia minmin. Na ŋimiḏa ŋeŋen ferle beṯen ŋoḏɽɔrŋi ŋirara. Lakin na Allah ortaḏa ŋunduŋuzi. nerta ǝḏi nyele nyuru.
Na Faraun eze Lizrayiila lǝḏi kwele kuru, ŋwuṯaŋwu nuŋu ǝlici lizi luŋun wamira eḏi ɽenye nyele nyeḏi lizraiil nyir nyoŋɔr tatap eḏizi kagṯuṯu ki ŋawna ŋeḏi kibirṯa keni nayil.
Na kwaw kwete kwir izrayiil elŋe toru tir toŋɔr. Ner ŋunduŋa kulengi lucazilu nyaminu nyuru nyimirnyi ǝḏi ŋuma eḏi luci.
Ta na lǝnyin kweḏi torŋa ṯǝrnyiḏi ere ǝḏi ŋuma eḏi ŋeḏŋi lucazilu kwokwony mac. Ner kete ŋunduŋu ki tiɽamna ner kete karwana ŋawla ŋeḏi kibirṯa kǝni keḏi Nayil eḏi kilǝḏini ŋiɽenyna. Na eŋgen kwir tira kupa raŋiḏalu eḏi eze aḏa kwiri kwinḏi eḏi errinci ŋunduŋu.
Na tira teḏi Faraun eze tiɽamu nuŋu izazina. Maŋu eze toru nuŋu dimǝ eḏi ruzi tor teḏi rogɽɔ ruŋun. Nuŋu inḏaḏa kwayu kwir Izrayiil ujra eḏi ruɽinci ŋunduŋu toru. Nata kwaw ŋgwa orɔ lǝnyin kweḏi torŋa. Mindaŋ ma tor upeŋe mer aliḏa ŋan, nuŋu aɽaci tira teḏi Faraun, nuŋu enyjici ŋunduŋu yiriny yǝni Muuza.
Ki laminu lete ma Muuza upeŋe, nuŋu eze kumezriya kwete kwipiḏu kuwaya kwete kwir Izrayiili kweŋen. Na Muuza ṯecini eḏi kilǝḏi eŋgen kwir Izrayiili kweŋen.
Na Muuza ari ŋaɽinyna ŋuŋun ŋwu kwizi kwende kwere kwizanyi mac. Nuŋu eɽnye kumezriya nuŋu aniḏa aŋna wuŋun. Lakin nezi kwizi kwete eze ŋa ŋǝrrəŋuzi Muuza.
Ma Faraun neŋne ŋa ŋǝrrəŋuzi Muuza, nuŋu naŋni eḏi ɽenye ŋunduŋu. Na Muuza afri tuk nuŋu ele ki wuḏerna nuŋu ṯazi Mezirŋulu eḏi kilaḏa wurṯa weḏi Faraun.
Na Muuza orɔ kwaɽa ki wuḏerna nuŋu ṯazi mazirŋulu. Nuŋu agi kwayo kwete ki ezir wa nuŋu elŋe nyele nyir nyoŋɔr nyiɽen.
Ki lamin lete nanigu muuza ŋaɽa yaŋalyi, nuŋu eze igǝŋi wuvudu kwaɽila. Ta na kwaɽi ere dunaḏi mac. Na Muuza ilaḏa kwaɽi nana eḏi eze ŋǝmǝŋ. Maŋu duŋgaḏa nanigu kwaɽi ŋgwa kwudunaḏu, Na ṯogɽɔ ṯeḏi Allah ari ŋwu,'' Muuza, alaḏi yiḏwǝnilu yoŋa ŋa ŋgwa kwirlu ki ezir wirlinalu ter.
Na Allah ari ŋwu,'' Nyi kwuma eze ṯurfa ṯeḏi lizi linyi. Nyi kwiŋa uzi nanigu Faraun mindaŋ ma əḏi ŋuma eḏi ala Lizrayiila ki ŋuwayna ŋeŋen ŋeḏi Mezrŋu. Nyjinḏaḏa urayiŋi weḏi Kanaanŋu, ureyi wa wikitaḏiny eḏi inḏaḏa Ibrahiimŋuzi na Izhaagŋu, na Yaguubŋu tɔk.''
Na Muuza uṯalu,'' Ta ma lizi naŋni eḏi elŋe ǝyǝ kwiri kwuzanyi, nyji eca ḏaa?,'' Na Allah ari ŋwu,'' nyi kwri ṯa kǝni nyi. ecazi ŋwu, nyi kwuzanyi nani ŋagu, tɔk ezi eca ŋwu, nyi kwri kwǝni Yahweh, Allah weḏi lugurnǝ luŋa Ibrahiim, Izhaag, na Yaguub.' yiriny yinyi yiri ṯa kiyu nyaminu ṯuɽok.
Na Muuza ǝḏi ŋiḏenyana nuŋu ere naŋni eḏi ele nanigu Faraun mac Kaka ariŋu nyi kwende kweliŋe eḏi andazi ŋizana mac, Ta na Allah ṯiŋaḏa eŋgen, kweḏi Muuzaŋu kweni Harun, eḏi mǝci ŋunduŋu. Na Allah Muuzaŋuzi Harungi nuŋuzi eca ŋwu Faraun kwinḏi eḏi ǝḏi ŋirŋazana beṯen.
Ṯiŋereŋ Ṯeḏi Kiṯam Kirlinalu Ter: Kəni Ṯuruuḏa 1-4