13.Ṯikitaḏiza Ṯeḏi Allah lizili leḏi Izrayiil
Ma Allah mulɔ Lizrayiila ṯujulḏina ṯori, Nuŋuzi mulɔ ki wuḏerna eḏi ele ki ayii wǝni Ziina. Ki ayiinla ta wa wumi wi Muuza eze igǝŋi wufodu kwaɽila kudunu. Na lizi kete yǝtulu yeŋen ayiina kuṯu.
Na Allah eca Muuzaŋu na lizi leḏi Izrayiil, ''Mernyi iɽina na ma muḏa ṯikiṯaḏiza ṯinyi, ta ŋaŋa lorɔ ṯawina teḏi ṯugwɔr ṯinyi, ŋeleny ŋeḏi lijawiṯ, na lizi lirlinalu ter.
Ma nyamin ṯɔɽɔl ṯamḏu, ma ta lizi daɽmani ki rɔgɽɔ ṯigɽimṯi, na Allah dapiḏalu ki ayiinla weḏi Zinaa ŋu lereli lupuna, na leblet, na fɽyargi kweḏi kuulu, na ŋwalŋig ŋweḏi buruuz kupa beṯen. Na Muuza orɔ dak kufḏana eḏi ŋele ki ayiinla.
Ta nazi Allah inḏeḏa ŋunduŋuzi ṯikitaḏiza nuŋu ari ŋwu, ''Nyi kwiri kǝni Yaweh, kwir Allah walu, kwiglǝḏŋzi ŋuwayna Mazir. Eṯi ere kwɔne yallalu yere kwokwony mac.''
'' Eṯi daɽmaḏir yallah yir libayiil na eṯizi ere kwecalu tɔk mac, na nyi kǝni Yaweh, nyi kwiri Allah weṯi upoŋe ṯugwɔrina. Izar ŋaŋa lurnuṯi yirny yinyi ṯay ḏi ṯiti ṯufḏana mac. Eleŋe ŋindiny eḏi aŋraci lamin lǝni zabbiṯ lirlinalu ter. Ŋoɽjuŋi ŋuḏaḏu, ǝrrǝri ŋɔḏɽɔr ŋalu tatap ki nyaminla nyir nyirlil, na lamin lir dufakwuɽeny lalu lru leḏli kaṯu wǝŋ na eḏi ṯiŋayni nyiŋu.''
"Eṯi iɽi ṯarnyaluŋa lanyalu gi. Eṯi ere ɽenye mac. Eṯizi ere ǝrri ŋir ŋijin mac. Eṯi ere nyimi mac . Eṯi ere kǝki ŋǝluŋ mac. Eṯi ere orɔ zurum kweḏi kwaw kweḏi jiraan kuŋa mac, yiŋina yuŋun, ya kwɔmne kwere kuŋun.
Ta na Allah lɔ kruu kir wri yiḏriṯa nana yiɽen yeḏi kaul na nuŋuzi inḏeḏa Muuzaŋu. Nazi Allah inḏeḏa kruu na zariya kuru eḏi ŋunduŋa kwaḏiḏa. Ma lizi iɽii zariyana ŋgu ta, na Allah kitaḏa eḏi ortaḏa na eḏi aŋraci ŋunduŋuzi. Mer ere iɽi kruuna mac, a Allah inḏeḏa ŋunduŋuzi jiiza.
Na Allah tɔk andaci Izrayiilŋuzi aŋgru eḏi awci Kayma keḏi ṯaɽaḏa duŋ ṯeŋen ṯayḏi ṯinaŋnuḏi ŋuduŋuzi eḏi awci. Nuŋu ǝni Keyma keḏi ṯaɽaḏa duŋ, na nuŋu ǝḏi yiŋinana yiɽen, yuɽǝnana kireṯ gi kuura. Ta a kwijauiṯ ŋgwa kwir nda dak orɔ kwǝḏi ŋuma eḏi ǝnḏi kiyiŋnana yǝḏi kiraṯ kǝgur, kaka nannigu Allah ki ezir wa.
Kwere nyiḏak kwiti kuma iɽi kruuna keḏi Allah mac ta ŋufḏani eḏi afa ŋirela ki lǝḏgunla linanu keyma kwɔrrɔ keḏi ṯaɽiḏa duŋ kaka ṯirlina ṯeḏi Allah. Aṯi ŋgwa kwir kujawuiṯ aɽnyi ŋirila eṯiŋu duni ki lǝḏgunla. Na ŋin ŋa ŋeḏi ŋiral ŋimir zi ɽenye eṯir kɽubǝḏa ŋikiyaŋ lu ŋeḏi kwizi ŋgwa eṯir zuɽi kwizigwunaŋi ki yeyna yeḏi Allah. Na Allah ece enŋgenna kweḏi muuza, kwǝni Haraun, na lugurnǝ leḏi Haraun eḏi orɔ lijawuṯ luŋun.
Na lizi tatap amini eḏi iɽii zariyana ŋgwa kwinḏaḏizi Allah, eḏi kwɔce Allahlu dak, na eḏi orɔ lizi luŋun lirlinalu ter. Lakin kwɔkwɔŋ ṯaŋwu kinaŋ mer kitaḏizi eḏi nii Allah na, ner ǝrri ŋikiyaŋ ŋiki beṯen.
Nyaminu ŋuru, na Muuza nani ki ayiinla weḏi Ziina kwanḏizar Allah wi. Na lizi ere muuli eḏi ǝkici ŋunduŋu kizǝn eḏi aɽa mac. Ner afa ḏahaba nanigu Haraun ner naŋni ŋunduŋu eḏi daɽmicanyji ŋunduŋuzi allah!
Na Haraun daɽmiḏa allah weḏi ḏahab weḏi libayiil waɽina tumɽo. Na lizi ezir nana tatap kwɔce allahlu weḏi bayiil na eṯir ɽenyje tɔk! na Allah urazi ṯugwɔri beṯen ŋunduŋali ŋikiyaŋi ŋeŋen nuŋu kitaḏa eḏi kirazi ŋunduŋazi lu. Lakin nazi muuza ǝrici kiyiriny, na Allah niŋnaci tara kiyiriny ṯuŋun na nuŋuzi ere kirazilu mac.
Ma Muzza dapa ki ayiinla ta nuŋu eze allah wir bayiil, nuŋu urazi ṯugwɔri na nuŋu urṯilu yalyi kiya yeḏi kruu kir wri kuluḏi Allah.
Ta ni Muzza kii allah weḏi bayiil na krɔkrɔb ŋwu orɔ kaka yiilǝ, na nuŋuzi baɽci ŋawna na nŋuzi ici lizi ŋaw. Na Allah uza jiiza ki lizina ner ay luru.
Na Muzza daɽmaḏa yali yiyaŋ yeḏi kruu kir wri eḏizi murḏazi kiya yima ke. Ta nuŋu dalu ki ayiinla kwokwony nuŋu ari kiyiriny aḏi Allah iɽinyaci lizilu. Na Allah niŋnaci Muzzaŋu na nuŋuzi iɽnyacilu. Na Muuza dapa ki ayiinla kruu gi kir wri yalyi yiyaŋ.Ta na Allah mulɔ lizi leḏi izrayiil kiḏay ner ṯazi ayiin weḏi Ziinaŋu eḏi ilaḏa ki urey weḏi ṯikitadiẕa.
Tiŋereŋ Ṯeḏi Kiṯam Keni :Ṯuruuḏa19_34