5.̱Tor Teḏi Tikitaḏiza
Mindaŋ ma yiḏlǝ ṯamḏu yir wri na Abramŋa Zaraigi upaḏa Kanaan, ta ner ere eḏi toru tere kina mac. Na Zarai, kwir kwaw kweḏi Abram, eca ŋunduŋu ŋwu, kaka manygu Allah ere aminici nyiŋu eḏi elŋe nyele mac na nyi kuma orɔ kiməyəŋ eḏi elŋe kwele, aguṯa kaḏama kinyi ŋgu kəni Hajir, mindaŋ eḏi elŋenje nyiŋu toru.''
ŋwu ṯaŋwu na Abram agi Hajirŋu. Na Hajir elŋe toru tir toŋɔr, Na Abram enyjici yiriny nuŋu eca Izmaiil. Lakin na Zarai ke ŋiɽany nanigu Hajir. Mindaŋ ma Izmaiil orɔ yidlǝy wri ṯoɽɔl, na Allah andaci Abramŋu kwokwony.
̃
Na Allah ari ŋwu,'' Nyi kwiri Allah wǝḏi ŋuma ŋupa. Nyi kwukete ṯikitaḏiza ṯinyi ŋagi.'' Na Abram kwe ŋworguŋilu ki ureylu. Na Allah eca Abramŋu,'' Ŋa kworɔ papa kweḏi lizi luru lir riŋlana ter ter. Nyi kwiŋa inḏeḏa ŋaŋuzi lugurna li luŋa ureyiŋi weḏi kanaanŋu eḏi orɔ weŋen toc na nyi orɔ Allah weŋen nyaminu ṯoɽok. Ner ofḏani eḏi ŋa undi kwele tatap kwir nyoŋor ŋuḏronya nyeḏi dunuŋ kwuŋa.''
''Zarai, kwir kwaw kwuŋa, kwelŋe toru_ ŋwa orɔ tor teḏi ṯikitadi̱za. A enyjici yiriny eca Izhaag. Kwinygi kete ṯikitaḏiza, kwinḏi eḏi ǝdi lizi luru beṯen. Nyi kwinḏaḏa Izmaiilŋu lizi luru, tɔk, lakin a ṯikitaḏiza ṯinyi nani Izhaag gi.'' Ta na Allah urlici Abramŋu yirinylu nuŋu eca Ibrahiim, Kaka ǝnirgu ŋwu ''papa kweḏi lizi luru.'' Na Zarai nuŋu eca Zarah, ŋǝni ŋwu ''tira teḏi melik.''
Ki lamin kla na Ibrahiim uɽi nyele nyir nyoŋor ndeṯ ki dunuŋ kuŋun ŋudronya. Ma kiḏlə ṯamḏu kete, ma Ibrahim orɔ yidlǝy 100 na Zarah orɔ yidlǝy 90, na Zarah elŋenyje Ibrahiimŋu toru. Ner eca Izhaag kaka andicazigu Allah.
Kinaŋ roḏigu Izhaag tamal, na Allah mumi ṯǝmina ṯeḏi Ibrahiim nuŋu eca ŋwu, '' Dima toru tuŋa tutuput, tǝni Izhaag, anyɽenyje ṯirlina.'' Kwokwony na Ibrahiim iiɽi Allahna nuŋu ele eḏi irlini toru tuŋun.
Kaka ma Ibrahiimŋa Izhaag gi ele ki ezir weḏi ṯirlina, na Izhaag uṯalu,''Nuŋu ari ŋwu papa, ni nyuɽi orɔ kinyu nyeḏi ṯirlina, ta lireny lende?'' Na Ibrahiim eɽici kandiza,'' Allah wenyji inḏeḏa lirenyi leḏi ṯirlina, tor tinyi.''
Mindaŋ mer upaḏi ki ezir weḏi ṯirlina, na Ibrahiim kəki toru tuŋun teni Izhaag nuŋu inḏrelu ki ləḏgunla. Nuŋu ele eḏi ɽenye toru tuŋun mindaŋ na Allah eca ŋwu, ''Irlu! aṯi rərə toru nana mac! kirem nyi kwumaŋa liŋe kwiḏinyanyi rerem. kaka magu ere derne tor ri tuŋa tutuput mac eḏi inḏeḏa nyiŋu.''
kinaŋṯa nanigu Ibrahiim nuŋu eze lirenyi likǝkina kiriil reḏi kwaɽi. Na Allah inḏeḏa lirenyi eḏi orɔ karama kilobi leḏi Izhaag. Na Ibrahiim kete ṯirlina ṯamaḏina.
Na Allah eca Ibrahiimŋu ŋwu,'' Kaka eminaŋa eḏi inḏeḏa nyiŋu kwɔmne tatap, ni ere tɔk derne tor ri tuŋa tutuput mac, nyi kweŋa ortaḏa. A lugurna luŋa uuri keḏi roromla reṯi nani ki lere. Kaka manyigu iiɽina, a lizi ki yǝgurna ter ter ki turmuna tatap ortani dunuŋgi kwuŋa.''
Ṯiŋereŋ Ṯeḏi Kiṯam Kirlinalu Ter: Kəni Ṯikita 16-22