39.Ṯumɔmana Ṯeḏi Yecu.

Kaka ruḏuna gwu kelgenyna kaḏi kilŋana. Ni wurta ili Yecuŋu ki dunu kweḏi kweleny kaka indir ŋgu utici kunduŋulu. Nezi Butruuz rumaḏa ŋunduŋuzi kwaḏani gi tuk. Mer enyji Yecuŋu ki dunuŋ, na Butruuz tazinalu parlu ta naŋu anni igaŋi.

Ki dunuŋna, na ŋuɽa ŋweḏi yahuud kete Yecuŋu ki timumana. Ner mulḏa lizi luru lir zuhuud kila likǝkǝ ŋɔluŋi ŋundula taŋu, na ŋiɽaŋal ŋeŋen ɔro ter ter, ta na leleny li lir ŋuɽa leḏi yahuud ner ere indaci ŋiɽaŋali ŋere ŋiki ŋereŋuzi mac. Na Yecu ere andazi kandizalu kere mac.

Ŋirmidu, na kweleny gwa kupa eca Yecuŋu kiyena tɔktɔk na naŋu, ''ecaŋu baŋacanyji, ŋa kwiri Mezaya, kwir tor teḏi Allah wimiḏu.ʔ''

Nezi Yecu andazi nuŋu ariŋwu, '' Nyi kwiri, ta ŋaŋa linḏi eḏi ece nyiŋu kwinanalu Allah gi kubapu ki lereŋna.'' Na kweleny kupa kweḏi yiziiz kici ŋunduŋlu yireṯi kuraza tugɔri ta nuŋu andaci lizi liḏaḏu liri leleny, '' Na nyiŋa lenḏe linaŋna zuhuuḏa liḏadu kɔkɔac mac. Ŋaŋa limeneŋne ŋundŋu kwariŋu kwiri tor teḏi Allah. Hukum walu wiri taŋʔ''

Na ŋuɽa ŋweḏi yahuud ner aŋnici lelenyi lupa leḏi yiziiz,'' ŋundu kufḏana eḏiŋu ayi! ''ner kurubaḏa Yecuŋu kiyena, ner unyaḏa nana, ner ipi ta ner olɔ kaḏri.

Ma Butruuz irili parlu ki ḏunuŋ gwa, na ŋira ŋir kaḏama eze ŋunduŋu ta naŋu eca ŋwu, '' Ŋa tok kunanu Yecu gi!'' Ta na Butruuz afrini kandiza tɔk ŋga. Na ŋira ŋir ter andaci kandiza ṯa ŋga, na Butruuz afrini kɔkɔ. Ŋirmidu, na lizi ecaŋwu, '' Nyiŋa lilŋiḏiŋa ŋa kunanu Yecugi kaka ruḏuŋa duŋ leḏi Jaliliiŋu.''

Ma Butruuz kwuculu, ariŋwu, ''Eḏinyi Allah armiḏa nana minyi elŋe kworu ŋgu!'' kina ṯaŋu, Na kiḏoguɽi orri na Yecu urlalu nuŋu eze Butruuzŋu.

Na Butruuz urwanalu ta nuŋu ari kuɽey kiṯogɔrna. Ma Yahuuza, ŋgwa kwir, kubuŋuda nuŋu eze ŋuɽa ŋweḏi yahuud ner alla ŋiɽaŋali eḏi ɽenye Yecuŋu. Na ŋimɽu iyeḏa Yahuuzaŋu ŋeḏi Yecu ta naŋu ele kiḏey ta naŋu ɽenye rogɽɔ ruŋun.

ŋurupana tuk kilamin la likwadadu, na nda leḏi yahuud ner muluḏa Yecuŋu nani ŋgu Bilatuz, kwir turum ṯeḏi Romanŋu. Ner kitinada Bilatuzŋu nana eḏiŋu a kumi Yecuŋu ŋiɽenyŋi. Na Bilatuuz utici Yecuŋu, '' Ŋa kwiri kweleny kwedi̱ yahuud aʔ''

Nezi Yecu aŋnici, '' Ŋaŋa lariŋu, lakin ŋeleny ŋinyi ŋenḏe ŋir kaka ŋeleny ŋeḏi kuṯaluŋu mac. Eṯir orɔŋu, yadama yinyi eḏinyi ḏugḏuci nyuŋu. Nyi kume ila ki turmuna eḏi andaci ŋaŋuzi ŋiɽaŋaliŋi ŋir rerem ŋeni Allah maŋu kwere ǝḏi tamɽa tir rerem kwetinyi akici kizen. ''Ni Bilatuz ecaŋu, aḏa kwiri kwir rerem ʔ''

Mer andazi Yecuŋali, na Bilatuz ele par nani gu duŋ ta naŋuzi ecaŋu, nyi kwende kumedi ŋiɽaŋali ŋere ŋiki nani gu kwor ŋgu mac.'' Lakin na ŋuɽa ŋwaḏi yahuudŋa duŋ li ner ari kola.'' Iɽnyiḏiri ŋundŋu!'' Nezi Bilatuz ǝrimici, kwende kwiri kwizi kuki mac, lakin ner ari kola ŋumaŋi. Na Bilatuz andazi nyaminu nyir tɔɽol, ''Kwende kweḏi zeniba mac.''

Ni Bilatuz tenye lizi eḏi ṯuguḏi ŋunduŋu, nuŋu amɽi eḏi urṯa wuŋun ɽenye Yecuŋu. Na rurum reḏi Romanŋu ner ipi Yecuŋu ner keki ŋuɽuŋ ŋi ta ner kinici tangiŋi ṯedi yigi. Ner olɔ kaḏri keniŋu, '' Izati, kwelenyi kweḏi yuhuud!''

Ṯiŋereŋ Ṯeḏi injiil Matta 26:57-27:26; Marguuz 14:53-15:15; Lugga 22:54-23:25; Yuhana 18:12-19:16.