11.Ṯirərəlu
Na Allah oraci faraunŋu maŋu ere duŋgaci lizi leḏi Izrayiilŋu eḏi ele mac, ta ŋuɽenye nyoru nyir ŋuɽa nyir nyɔŋwor nyeḏi lizi leḏi Mazirŋu na ŋirel tɔk. Mezi Faraun neŋne ta nuŋu derne nuŋu ere ǝmini mac na nuŋu ere nii Allah na mac.
Na Allah inḏeḏa kwere nyidac kuma ǝmini ŋunduŋu ṯay teḏiḏi kileḏi toru tuŋun tir nda .Na lizi lir dununa ter ter ofḏani eḏi ece taŋalina tizaw eḏi ɽenye.
Na Allah andaci lzaryiil la eḏi miɽnya ŋina ŋeḏi nyaŋal eḏi karbiḏa yǝgwurlu yeŋen tatap, na eḏi dunni yiiḏi eḏizi ye wany wany, yafaŋ yi yira nyuruŋwana. Nuŋuzi andaci tɔk eḏi nanalu cugɔcugɔb eḏi ruu eḏi ṯazi mazirŋulu mer ṯimazi edneya.
Nazi lizi leḏi Izrayiil ǝrri tatap kaka ṯa ŋa ŋandicazi gu Allah eḏizi ǝrri. Kiluŋana nuŋu ele nuŋu momri kiyiŋnana yeḏi limazri eḏi eɽinye nyoru nyeŋen nyir ŋuɽa nyir nyoŋwor.
Na yiŋna tatap yeḏi lizi leḏi izrayiil ǝḏi ŋina kiyagwur ŋikarbaḏiz nana tatap, ŋwuṯaŋu na Allah ṯamḏu yiŋnalu kiya. Lizi kla tatap linani kiyininy ner kilaw . Ner kilǝḏini ŋinŋi ŋeḏi taŋal.
Lakin na limazri ere ǝmini Allah mac ner ere iɽi wamirna wuŋun tɔk mac. Ŋwuṯaŋu na Allah ere ṯamḏu yiŋinalu yeŋen mac. Na Allah ɽenye nyele tatap nyeḏi limazri nyir nyoŋor nyir ŋwuɽa.
Na nyor nyeḏi limazri nyir nyoŋor na nyir ŋuɽa ay, kinya tatap nyir ŋuɽa nyinani kizijina, na mindaŋ tor tir nda teḏi Faraunŋu tɔk. Lizi luru leḏi mazirŋu aari na ner upina kula gi kaka ǝḏirgu tijiɽminana ṯupa.
Kuluŋana ta ŋga, na Faraun urnoṯi muuzaŋu Harungi na nuŋu ari ŋwu, ''Mulḏu lizi leḏi izarayiil eḏi ṯazi mazirŋulu krekrem!'' na lizi tɔk leḏi mazirŋu ner fiɽgazi lizrayiila eḏi ruu krekrem.
Ṯiŋereŋ Ṯeḏi kiṯam kəni :Ṯuruuḏa11:1_12:32