33.Ṯiŋereŋ Ṯeḏi Kwor Kukuḏi Ŋula

Lamin lete, na Yecu ilŋiḏini luduŋ lupa leḏi lizi ṯujuli kenni. Na lizi ila luru beṯen nani gu ŋundu eḏir niŋnaci na Yecu anḏi kifalukana kerle la keḏi ŋaw eḏi inḏa ezir wupa weḏi ŋu yi andaci ŋunduŋuzi. Naŋu nanalu ki falukana naŋu urtini lizi .

Na Yecu andazi ṯiŋereŋa kiḏu. "Kwor kwinḏi kwete eḏi awḏini ŋola. Maŋu faḏi ŋola tiḏi ta, na ŋola ŋokɔ idi kiṯayla ta, na ndaw ila ner oṯani ŋola ŋwa korɔ tatap."

"Na ŋola ŋokɔ nir idi ki ezir wir korcuɽɔm, wa weḏi ureyŋa wokɔɽeny na ŋola ŋwa ŋunani ki ezir wa wir korcuɽɔm ner ruu fita , lakin romuu reŋen ner ere eḏi ŋuma mac eḏi oɽi ki ureyna lac mac. Ma aŋun daliḏa ta naŋu fuḏi , na ŋola onḏi nir ayi tɔk."

"Na ŋola ŋokɔ idi ki yugina. lakin ma ŋola ŋu ruḏa ta, nezi yugi miḏa korɔ. Taŋu ŋola ŋu ŋuruḏi ki ezir wa wir nyugi ner ere riɽi komne kwere mac."

"Na ŋola ŋokɔ ner idi ki urey la wizaw . Ŋula ŋu ner role na ner riɽi nyamiu nyirna 30, 60, na 100 tɔk ta ner agini ŋula ŋuruḏana kiŋula la ŋwa ŋukuḏirzi. Ŋgwa kweḏi yeni, eḏiŋuzi neŋne !"

Na ṯiŋereŋ kiḏu uraḏa limeḏigen beṯen. Nezi Yecu upicina, " Ŋola ŋweni ŋiɽaŋal ŋeḏi Allah. na ṯay ṯeni ŋgwa kwiṯi neŋne ŋiɽaŋali ŋeḏi Allah, lakin eṯiŋuzi ere elŋe mac ,na eṯi ŋgwa kuki dimaḏa ŋunduŋu ŋiɽaŋali kiḏay ."

"Na ezir wir korcuɽɔm weni ŋgwa kwiṯi kweṯi neŋne ŋiɽaŋali ŋeḏi Allah na eṯiŋuzi amini ṯamana ṯi. lakin maŋuzi inḏa ŋifirli beṯen ya ṯibina ṯurfa, eṯiŋu idi ."

"Na ezir wir yugi enni kwizi ŋgwa kwiṯi neŋne ŋiɽaŋali ŋeḏi Allah lakin ma aŋun ṯamḏu ,na taŋirica, na ŋorṯu, na ṯamana ṯeḏi rogɽɔ eṯiŋ kaṯu tamɽana ṯuŋun eḏi Allahna. Kaka naṯija, kweḏi ṯurtuna kiḏa tiniŋnaŋu eṯiŋu ere riɽi ŋola ŋwere mac."

"Lakin urey wa wizaw wiri kwizi ŋgwa kwiṯi neŋne ŋlɽaŋali ŋeḏi Allah ,eṯiŋuzi amini, na eṯiŋu riɽi ŋola tɔk."

Ṯiŋereŋ ṯeḏi kiṯam kirlinalu ter ṯinani kiṯam na keḏi: Matta 13: 1-8;18-23;marguuz 4: 1-8;13-20; lugga 8:4-15