25. Ziṯan Maŋu Mɔmi Yecuŋu

Kinaŋu ṯa ma Yecu baptini,ta na Ṯigɽim Ṯirlinalu Ter mlɔ ki uḏerna. Kinanaŋ naŋu allaci eḏne ya rii yaŋunu na yulŋana yir ruɽi riɽen. Na ziṯan ila nani gu Yecu eḏi mɔmi eḏi zi aki pir.

Na ziṯan mɔmi Yecuŋu naŋu ecaŋu, ''ma orɔ tor teḏi Allah, urla ṯi ŋuwiiɽiyalu ŋu eḏi orɔ yafaŋ mindaŋ eḏizi ma yei!''

Na Yecu eŋnici naŋu eca ŋu, " Ŋuluḏina ŋeḏi Allah ŋariŋu, 'lizi liti leṯi naŋni yafaŋi mindaŋ eḏi miḏi, mac lakin nerzi naŋni ŋa ŋandicazi Allah."

Na ziṯan mlɔ Yecuŋu naŋginele ki ezir ulala weḏi daŋga naŋu eca ŋwu, '' Ma orɔ tor teḏi Allah keṯiṯi rogɽɔ ruŋa ki urelu, kaka luḏinar gu, 'Allah weca limaleyka luŋun amura erriŋa apila mindaŋ ma ŋwara ŋuŋa ere erme kawli kere mac.'''

Lakin na Yecu eŋnici ziṯana ŋiɽaŋal ŋi ŋinani kiṯamna.Naŋu eri ŋu, ''Ki ŋiɽaŋal na ŋenḏi Allah, ''naŋu amuri lizi, 'etir ere mɔmi kweleny kwir Allah kuŋa mac.'''

Na ziṯan aŋaci Yecuŋu ŋelenyi ŋeḏi ṯurmun tatap na komne tatap ŋiniṯ ŋi ŋeŋen, ''naŋu eca ŋwu nyi kuŋa inḏaḏa komne ŋgu tatap ma nyidacalu ŋurguŋi."

NaYecu eŋnici naŋu eca ŋwu, " Inḏi kiṯay naninyi gu, ziṯan! ki ŋiɽaŋal ŋi ŋeḏi Allah naŋu amuri lizi, 'eḏi kwece kwelenylu kweŋen kweni Allah ṯuɽuk na ner akici ŋunduŋu ŋoḏɽɔr ṯuɽuk."'

Na Yecu ere idaci ziṯanalu ki ṯumɔmana, ta na ziṯan duŋgaci. Na limaleyka ila ner aŋraci Yecu.

Ṯiŋereŋ ṯeḏi injiil ṯinana kiṯam keḏi matta 4:1-11;marguuz 1:12-13;lugga 4:1-1