6. Pathian Nih Isak Ca I A Tuahmi

Abraham cu a hung tar ngaingai cang i Isak zong patling a hun si tikah Abraham nih a rualchan umnak ram ah a fapa Isak nupi kawlpiak ding in a sinum pakhat a thlah.

Khuallam saupi a kal hnu ah. Pathian nih sinumpa cu Abraham naupa tunu Rebekah sin a phanhter.

A chungkhar kal tak in sinumpa he kal ding ah Rebekah cu a hnatla. Inn a phanh lecangka Isak nih nupi ah a thit colh.

Caan sau pi hnu ah, Abraham cu a thi i Pathian nih biatiam ser in bia a rak kamh mi vialte cu Isak sin ah chanh a si. Nain Isak nupi Rebekah cu fa a ngei kho lo. Fapa ngeih lo ahcun Isak cu zeiti hmenh in miphun vialte pa a si khawhnak lam a um lo.

Isak nih Rebekah ca ah thla a cam i, Pathian thawng in Rebekah cu faphir a hun pawi.

An chuah hlan in Pathian nih Rebekah sin ah upa deuh pa nih a nau pa a rianh te lai kong a chimh.

An hung chuah tikah upa deuh pa cu a tak a sen i hmul a ngei ngaite - Esau tiah min an sak. Ngakchia deuh pa cu a vun a nal i a min ah Jacob an sak.

//Bible tuanbia laknak: Genesis 24:1-25:26//