18. Penram Cheu Kong

David cu a thi i, a fapa Solomon nih a hun chan. Pathian nih Solomon cu a chawnh i, zeidah a duh bik kong a hal. Solomon nih fimnak a duh bik kong a chim tikah Pathian cu aa lawm i vawleicung i mi fim bik ah Solomon cu a ser. Pathian nih Solomon cu mi rum tuk hringhran ah a ser fawn.

Jerusalem ah a pa David nih a rak timhtuah i thilri zong a rak zalh cangmi Biakinn cu Solomon nih a sak. Tonnak Thlam ah si ti loin Biakinn chung ah rammi hna nih Pathian an biak cang i raithawinak zong an hun tuah cang. Cu Biakinn ah Pathian cu a rung um i, cu hmun ah A mi hna cu a rung umpi hna.

Nain Solomon nih ramdang nu pawl a duh hna. Pathian bia ngai lo lo in, nupi 1,000 dengmang tiang a tthit hna. Hi a nupile pawl tampi hi ramdang mi an si i, anmah pathian aa ratpi i a biapi an si. Solomon cu a hung tar i, a hnu ah cun a nupile pathian cu a bia ve.

Pathian cu Solon cung ah a thinhung i, zumhtlaklo in Solomon a um ruang ah le du dantatnak ah Solomon a thih hnu ah Israel Penram cu cheu a si lai, tiah Pathian nih a ti.

Solomon a thih hnu ah a fapa Rehoboam cu siangpahra. Rehoboam cu mi lungngeilo ngai a si. Israel mi hna cu an miphun pi in an rak chuak i siangpahrang a sinak cu hngalhpinak an tuah. A pa Solomon nih rianttuan ah a hrem tuk hna kong le ngunkhuai zong tam tuk in a pekter hna kong an phunhzaih hnawh.

Rehoboam cu hrut tuk kaw, a thawh hna i, “Ka pa Solomon nih rian fak tuk in a'n ttuanter hna ah nan i ruah a si mu, amah nak fak in ka'n ttuanter hna lai i amah nak fak in dan ka'n tat hna lai,” a ti hna.

Israel miphun chung in phun hra nih Rehoboam cu an hun doh. Amah lei i a ttang mi cu phun hnih lawng an tang. Cu phun hnih ukmi ram cu Judah penram ti a hung si.

Rehoboam a domi miphun phun hra nih pakhat pa, Jeroboam, timi siangpahrang ah an hun ser. Cu phun hra ukmi ram cu Israel ti a hung si.

Jeroboam nih Pathian a doh i, a rammi hna cu sualnak ah a luhpi hna. Judah penram chung i a ummi Biakinn i Pathian bia lo in siasal milem pahnih a ser i a mi hna cu a biakter hna.

Judah le Israel penram cu ral ah an cang i anmah le anmah an hun i do lengmang cang.

Israel penram i siangpahrang pawl cu an zate in an sual dih. Cu hna lak i siangpahrang tampi cu siangpahrang si a duhmi Israel miphun nih an thah hna.

Israel siangpahrang an dihlak le Israel miphun tamdeuh nih cun nupa sualnak phunphun le raithawinak i fale pekchanh tehna bantuk siasal biaknak an hun biak cang.

Judah siangpahrang pawl cu David hrinsor an si. Cu siangpahrang hna lak i cheukhat cu tlari tein ram le miphun a ukmi mi ttha an si i, Pathian a biami an si. Nain Judah siangpahrang tam dueh cu an sual, eihmuar an hmang, siasal biami an si. Siangpahrang cheukhat hoihna cu pathian deu sin ah an fale ciacia in raithawinak an tuah tawn. Cun Judah mi hna nih Pathian zong an doh i pathian dang tu an hun biak ve hna.

//Baibal tuanbia laknak: 1 Kings 1-6; 11-12//