31. Jesuh Ti Cung Ah A Kal

Cun Jesuh nih mipi a ttianter pah in a zultu cu lawng chung ah lut dih ding le tidil khatleikam i kal ding in a chimh hna. Jesuh nih mipi a kalter hna dih in amah cu tlang ah a kai i thla a cam. Jesuh cu cu kaa ah cun amah lawng a um i, zanhnu pi tiang thla a cam.

Cu lio ah cun a zultu hna cu an lawng an zahlen ko, Na in tilai fan te lawng an phan. Har ngai in an lawng cuzah zei ruang ah ti ah cun thlichia nih fak tuk in a den hna.

Jesuh cu an sin ah kal aa tim, cucahcun tilawng umnak i kal ding in ti cung in a kal!

Zultu hna nih Jesuh an hmuh tikah an thinphang tuk, mithla a hmu mi ah an i ruah. Jesuh nih cuti an thinphan le an thlalau cu a hmuh hna i, a lang in a hei auh hna i,“Lau hlah u. Keimah ka si hi!” a ti hna.

Cun Peter nih Jesuh cu a thawh i, “Bawipa, nangmah na si ko ahcun, ti cung in kei zong na sin ah ka ratter ve,” a ti. Jesuh nih Peter cu, “Rak ra!” a ti.

Cuticun Peter cu lawng chung in a chuak i, Jesuh sin ah cun ti cung in a kal. Nain tlawmpal a kal ah, Jesuh a zohnak a mit cu kaa dang ah a tthial i, thlichia le tilet tu a vun hmuh cang.

Cun Peter cu a lau tuk ciammam i ti chung ah a pil hnik cang. A au duak i, “Bawipa, ka khamh tuah!” a ti. Jesuh nih a za a vun chanh zokzok i a tlaih colh. Cun Peter cu a thawh i, “Maw zumhnak tlawmte lawng a ngei pa, ziah lungawtawmnak na ngeih?” a ti.

Peter le Jesuh cu lawng chung i an luh in thli cu a dai colh. Zultu pawl cu an khuaruahhar tuk. Jesuh cu an biak i, “Nangmah cu Pathian Fapa hrimhrim na si,” an ti.

//Baibal tuanbia laknak: Matthew 14:22-33; Mark 6:45-52; John 6:16-21//