37. Jesuh Nih Mithi Lazaruh A Thawhter

Ni khat cu Jesuh nih Lazaruh a damlo ngai, tiah thawng a theih. Lazaruh le a farle pahnih, Mary le Martha, cu Jesuh i hawikom ttha an si. Hi thawng a theih tikah, aa thawh i, “Zawtfahnak nh thihnak a chuahpi ding a si lo, Pathian sunparnak a langhter ding tu a si,” a ti. Jesuh nih a hawile hi a dawt hna, cu ruang ah cu kaa ah ni hnih a caam.

Cun a zultu pawl cu a thawh hna i, “Judea ram ah kal usi,” a ti hna. Zultu pawl nih an thawh i, “Cawnpiaktupa, cu kaa minung nih cun naite ah pei thah an in timh kha,!” an ti. Jesuh nih, “Kan hawidawt Lazaruh aa hngeh i ka hlauh a hau,” a ti hna.

A zultu pawl nih, “Bawipa, Lazaruh cu aa hngelh ko ahcun amah tein a ttha tthan te ko lai cu,” an ti. Cu ah cun Jesuh nih tliang deuh in a chimh hna, “Lazaruh a thi. A thih lio i cu kaa i kan um lo cu kaa lawm, a ruang cu khuaruahhar awk thil nan hmuh lai si kaw nan zumh khawh cang lai,” a ti hna.

Cu kaa i Jesuh a phanh tik ah cun Lazaruh cu a thihnak ni li a si cang. Martha nih Jesuh cu a hei don i, “Bawipa, hi kaa ah nangmah rak um law cu ka ttapa hi a thi hnga lo. Nain Pathian sin i na halmi poh cu a'n pek dih ko lai, ti ka zumh ko,” a ti.

Jesuh nih, “Keimah cu Thawhtthannak le Nunnak ka si. A ka zum mi poh cu, thi hna hmenh sehlaw an nung lai. Keimah a ka zum mi poh cu an thi bal ti lai lo. Cu cu na zum maw?” a ti. “Ka zumh ko, Bawipa, Master! Nangmah cu Pathian Fapa Messiah na si, ti ka zumh,” a ti.

Cu ah cun Mary a rah phan ve. Jesuh ke hram ah a bok i, “Bawipa, hi kaa'h hin nangmah rak um law cu, ka ttapa hi a thi hna lo nain mu,” a ti. Jesuh nih, “Lazaruh cu khoi kaa'h dah nan chiah?” tiah a hal hna. An thawh i, “Thla ah kan vui. Rak zoh tuah,” an ti. Cun Jesuh cu a ttap.

Thlan cu lungkua a si i, a luhnak innka zawn an hrilhhnawh i an khatmi a si. Jesuh cu thlan a rak phanh tikah, a thawh hna i, “Lungpher hi hril tuah u,” a ti hna. Cu ah cun Martha nih, “A thihnak ni li pei a si cang cu. A rim a nam tuk cang lai,” a ti.

Jesuh nih a thawh duak i, “Na zumh ko ahcun Pathian sunparnak na hmuh lai ka'n ti lo ma?” a ti. Cuticun lungpher cu an thawn.

Jesuh nih vancung lei hoih in, “Ka pa, na ka ngaihpiak i kaa lawm. Vawi dang zong ah ka bia na ka ngaihpiak zungzal ti ka hngalh ko, nain hi kaa i a dirmi vialte nih, Nangmah nih Na ka thlahmi ka si an zumh khawhnak hnga hi bia hi ka chim,” a ti. Cun Jesuh nih cun aw thang pi in, “Lazaruh, rak chuak!” a ti.

Lazaruh cu a rak chuak! A pumpaluk in ruak zual puan in aa tuam dih. Jesuh nih a thawh hna i, “A ruakzual puan hi phoihpiak u law thlah u!” a ti hna. Hi khuaruahhar thilcang ruang ah Juhdah mi tampi nih Jesuh cu an zumh.

Nain Judah miphun biaknak lei hruaitu pawl cu an nahchuak i, hmun khat ah i pumkhawm in zeitin dah Jesuh le Lazaruh an thah khawh hna lai kong khua an khang.

//Baibal tuanbia laknak: John 11:1-46//