46. Paul Cu Khrihfa A Cang

Stephen cu Khrihfabu rak thawk kaa lio ah hruaitu pakhat a si. Mi nih an upat ngaimi le Thing Thlarau le fimnak in a khatmi a si. Khuaruahhar thilmak tampi a tuah kho i, mi nih Jesuh zumh cio hrimhrim awk a si kong fek tein a dirpitu le a aupitu a si.

Ni khat cu, Stephen cu Judah cheukhat rual he Jesuh kong ah bia an i al. An thin a hun tuk lung in Stephen cu lih chim an puh i, “Moses le Pathian kong ah bia chiachia a chim kan theih!” an ti. Cuticun Stephen cu an tlaih i tlangbawi zik le Judah hruaitu hna hmai ah an chuahpi.

Tlangbawi zik nih Stephen cu a thawh i, “Mah an chimmi bia hi a dik ma?” tiah a hal. Stephen nih, “Nanmah mi lunghak le ralserhmang nih hin cun Thiang Thlarau nan hnon zungal i a si ko hen cu, nan pupa hna nih Pathiang an rak hlawt bantuk le profet an rak thah hna bang in. Pathian thlahmi Messiah hmenh a that mi pei nan si cu!” a ti.

Mi hna nih hi bia an theih tikah an hna an i hup i, aw thang pi in an au dulmal. Stephen cu khua leng ah an hnuhchih an chuahpi i lung in thi lak an cheh.

A thih pah ah Stephen nih, “Maw Bawi Jesuh, ka thlarau ka cohlanpiak ko sawh,” a ti. Cun a khual aa bil i a au tthan, “Bawipa, hi an sualnak hi relpiak sawh hna hlah,” a ti. Cun a thi.

pa pakhat, Saul timi, nih Stephen an thah hi a hngalh lawng si lo in Stephen lung in a cheptu hna thil hmanh a zohkhenpiak hna. Cu ni ah cun mi tampi nih Khrihfa cu an ttek ciammam hna i, hmun kio ah an i tthek dih.

Saul nih Khrihfa pawl cu inn khat hnu inn khat a luh hnawh hna, pa he nu he a tlaih hna i thong a thlak hna. Saul cu Damascus khua i Khrihfa pawl va tlaih i Jesusalem i rak ratpi dih ding in tlangbawi zik sin in tuahsianhnak a ngei.

Cuti Damascus lei panh i Saul a kal lio ah, a sin ah ceu zerhzurh chung in Jesuh a rung lang i, “Saul! Ziah na ka hrem?” a ti. Anih nih aa thawh i, “Ho dah na si cu, Bawipa?” a ti. Jesuh nih, “Keimah cu na hrem cuahmah mi Jesuh ka si,” a ti.

Saul cu a hun dir tik ah khua a hmu kho lo i Damascus tiang hruaihchom hau a si. Saul cu ni thum chung zei hmanh a ei a ding lo.

Cun Khrihfa pakhat, Ananias timi, sin ah Pathian a rung lang i, “Saul aa tthumhnak inn ah atu va kal tuah. Khua a hmuh tthan khawh nak hna a cung ah na kut va chuang. Nangmah cu khamh lo mi hna sin i ka min thanhtu ding ah ka'n thim cang. Ka min ruang i zeitluk a intuar te ding kong ka hmuhsak lai,” a ti. Cuticun Ananias nih Soul cu thla a camh i, khua cu a hun hmu kho tthan.

Cu lecangka Saul cu tipil a ing colh i, Judah mi hna sin ah, “Jesuh cu Pathian Fapa a si!” tiah thawngtthabia chim a thawk colh. Khrihfa a hremhrawktu pa rilmal nih Khrihfa a hun si an hmuh tikah an khuaruahhar. Saul cu Judah pawl he Jesuh cu Messiah a si ti kong ah bia an i al. Saul cu Paul tiah hun hngalh a si.

Ni tampi hnu ah Judah pawl nih Paul thahnak khua an khan. Khuachung luhnak kutka ah amah a thattu ding an chiah hna. An khuakhan cu Paul nih a theih manh i, a hawile bawmhnak thawng in a luat. Zan khat cu khua kulhnak vanpang cung in Saul cu bawm in an tthumh. Cun Paul cu a tli i Jesuh kong thawngtha cu a chim chin thluahmah cang.

//Baibal tuanbia laknak: Acts 6:8-8:3; 9:1-25//