44. Peter Le John Nih Haltopa An Damh

Ni khat cu Peter le John cu Biakinn ah an kal. Lampi ah mizengpa pakhat, phaisa a halmi an hmuh.

Peter nih cu pa cu a zoh i, “Phaisa pek awk ka'n ngei lo. Nain ka ngeih mi ka'n pek lai. Jesuh min in, tho law kal!” a ti.

Cu pa cu chikkhat te ah a dam, lam cu a vun kal kho, an hlok aa vaam i, Pathian a thangtthat. Biakinn i a ummi vialte cu an khuaruahhar ngai.

Minung cu mibupi ah an hun i chuah. Peter nih a thawh hna i, “Hi pa a dam hi zei ruang ah dah nan khuaruahhar? Kanmah pumpak thiltikhawhnak silole tthatnak ruang ah hi pa a dam hi a s i lo, Jesuh min zumhnak thawng tu in a si.”

“Jesuh thah ding ah nan rak hal. Nunnak a ngeitu rilmal nan rak thah, nain Pathian nih amah cu thihnak in a thawhter. Messiah cu a ingtuar lai i a thi te lai, tiah ram chimchungmi Pathian nih a tlinter cang hi. Nain atu cu, nan sual i ngaichih u law, Pathian sin ah rak kir u, cuticun nan sualnak cu thianh a si lai.”

Biakinn i hruaitu pawl cu Peter le John bia nih an thin a hunh tuk hna. Cu ruang ah an tlaih hna i thong an thlak hna. Nain mi tampi an hmuh le an theih cu an zumh ciammam i, Khrihfabu cu nu le ngak chim lo in pa lawng 5,000 an hung si cang.

A thaizing ah Judah hruaitu pawl nih Peter le John cu tlangbawi zik le a chungkhar sin ah an chuahpi hna. An thawh hna i, “Zei thiltikhawhnak hmang in dah hi thil hi nan tuah?” tiah bia an hal hna.

Peter nih, “Jesuh, Messiah min in a si ko. Amah cu vailam ah nan thah, nain Pathian nih nunnak ah a thawhter! Amah cu nan hnon, nan hlawt, nain Jesuh min in dah tilo khamhnak lam dang a um lo!” tiah a leh hna.

Mi sawhsawh te a si ko mi le cathiamlo cu hna pahnih bia an theih tikah hruaitu pawl cu an lau. Cu leng ah cu hna pahnih cu Jesuh he a rak tlongleng tti mi an si ti zong an hun hngalh. Peter le John cu cuticun an tlerhphaih hna dih in an kalter hna.

//Baibal tuanbia laknak: Acts 3:1-4:22//