22. John Chuahnak Kong

Profet hmanung bik nih Judah miphun hna sin i bia a chim hnu kum 400 ringlo hnu ah Zechariah timi tlangbawi tarpa sin ah vancungmi a rung lang. Amah cu Pathian a zummi a si, nain a nupi Elizabeth cu fa a ngei kho lo.

Vanmi nih Zechariah cu a thawh i, “Na nupi nih fa a pawl lai. A min ah John na sak lai. Messiah rat lai i a chuakmi profet lianngan a si te lai!” a ti. Zechariah nih vanmi cu a thawh i, “Ka nupi le kei cu fa ngei kho ding ah cun kan tar tuk cang. Hi thil a cang kho lai, ti hi zeitin dah ka hngalh khawh lai?” a ti.

Vanmi nih a thawh tthan i, “Keimah cu na sin i thawngttha chim dign in Pathian nih a ka thlah. Na ka zumh lo ruang ah naute a chuah hlan tiang na holh kho lai lo,” a ti. Cu lecangka Zechariah cu a holh kho lo. Cun vanmi nih a kal tak. Zechariah cu inn ah a tlung, i a nupi cu fa a pawi.

Elizabeth nau a pawi thla ruk ah mah vancungmi tthiamtthiam cu Elizabeth chungkhar a simi Mary timi sinah a rung lang tthan. Amah cu ngaknu thiang a si i, Joseph timi pa he aa ham cangmi an si. Vanmi nih cun a thawh i, “Fa na pawi lai i fapa na hrin lai,” a ti.

Vanmi nih a chim chap rih mi cu, “Amah cu Jesuh tiah min na sak lai. Amah cu Messiah a si lai!” a ti. Mary nih a thawh i, “Cu cu zeitin dah a si khawh lai, keimah cu ngaknu thiang pei ka si cu?” a ti. Vanmi nih fianternak bia a chimmi cu, “Thiang Thlarau thawng in fa cu na pawi lai. Cu ruang ah na fa cu Cungnung Bik Pathian Fapa ti a si lai,” a ti.

Cu tlawmpal ah Mary nih Elizabeth cu a va tlawn. Mary sin in tonlawmhnak bia a theih lecangka Elizabeth pawi liomi naute cu a paw chung ah aa hlok. Cu hna nu pahnih cu an ca i Pathian thil tuahmi kong ah lawmhnak in an khat. Thla thum a caam hnu ah, Mary cu inn ah a tlung.

Elizabeth nih fapa te cu a hun hrin i, vancungmi fial bia bang in John tiah min an sak. Cun Zechariah cu a holh kho tthan. Aa thawh i, “Pathian cu thangtthat si ko seh, A mi cu a philh ballo! Nang, ka fapa, Cungnung Bik Pathian fapa ti na si lai. Messiah ca i lam serchungtu na si lai!” a ti.

//Baibal tuanbia laknak: Luke 1//