45. Filip le Ethiopia Bawipa

Ni khat cu, Jesuh lamkal Filip cu Bawipa vanmi pakhat nih Gaza kalnak lam ramkaro i kal ding in a chimh. Cuti khuallam i a kal lio ah cun Filip nih Ethiopia Bawi ngan pakhat, a rangleng cung i a tthut ko lio a hmuh. Thiang Thlarau nih Filip cu, cu pa va kal hnawh ding le va chawn ding in a fial.

Rangleng pawng a rak phanh tikah, cu bawipa nih profet Isaiah chung bia, “Amah cu thah timh mi tufa te bang an hruaih i, bia kaa khat hmenh a chim lo. Tlari lo ngai le hmaizahnak tello in an tuahto. A nunnak cu an lakpiak,” tinak zawn a rak rel len lio a si.

Philip nih Ethiopia bawipa cu a thawh i, “Na rel lio mi kha a sullam na tliang maw?” tiah a hal. Ethiopa bawi nih cun a thawh i, “Tliang hlah e. Isaiah hi amah kong maw aa chim, midang kong hena?” tiah a leh.

Philip nih cun Isaiah bia cu Jesuh kong a si kong a chimh. Cun Filip nih Ca Thiang chung hmun dangdang hmang in Jesuh Thawng Tha Bia kong a chimhchap rih.

An kal tti i, ti umnak hmun pakhat an phak tikah, Ethiopa pa nih cun a thawh i, “Zoh hmanh khi! Ti a um ko khi ta! Ziah tipi ka in ko lo?” a ti. Cuticun a rangleng cu a dirter.

Cuticun ti umnak ah cun an vung kal i, Filip cu tipil a pek. Cuti Ethiopa pa tipil a pek khawh in, Thiang Thlarau nih Filip cu hmun dang ah a kalpi tthan i Jesuh kong chim cu a peh tthan.

Ethiopia pa cu Jesuh kong a hngalh cang ruang i lawmhnak ngei in, amah lam te a kal ve ko.

//Baibal tuanbia laknak: Acts 8:26-40//