25. Setan Nih Jesuh Cu A Tukfawrh

Jesuh cu tipi an in lecangka, Thiang Thlarau nih ramkaro ah a kalpi i, cu kaa ah cun ni sawmli le zan sawmli chung rawl a ul. Cu chung ah cun Setan nih a tukfawrh.

Setan nih cun a thawh i, “Pathian Fapa na si ko ahcun, hi lung hi chang ah canter hna law ei ko ngat!”

Jesuh nih, “Pathian Bia ah aa ttial ko, ‘Minung cu chang lawng in si lo in, Pathian chimmi bia vialte thawng tu in a nung!’” tiah a leh.

Cun Setan nih Biakinn parpahlek ah a kaipi i, “Pathian Fapa na si ko ahcun, mah kaa hin zung tuah, zeicahtiah, ‘A vancungmi a run thlahmi hna nih an in tlaih lai i, na ke nih vawlei a tawng lai lo, tiah aa ttial ko kha,’” a ti.

Jesuh nih, “‘Pathian cu hneksak hlah,’ti zong aa tial,” tiah a leh.

Cun Setan nih Jesuh cu vawleicung penram vialte le an sunparnak vialte a hmuhsak i, “Na khuk naa bil i na ka biak ahcun hi vialte hi ka'n pek lai,” tiah a ti.

Jesuh nih, “Kal, Setan! Pathian Bia ah, ‘Bawipa na Pathian lawng na biak lai,’tiah aa ttial ko,” tiah a leh.

Cun Setan nih a kal taak i, caan ttha dang a bawh. Vancungmi an rung ttum i an rung bultawl.

//Baibal tuanbia laknak: Matthew 4:1-11; Mark 1:12-13; Luke 4:1-13//