၁၁။ ပေါဲပသခါ

ဨကရာတ်ဖာရောဝ်ဂွံဗလးကဵု မၞိဟ်ဣသရေလတံဂှ် ကျာ်ဗၠးဏာမဝ်သေကဵုအာရုန်ရ။ ညးတံကဵုသတိဨကရာတ်ဖာရောဝ်ဂှ် "ယဝ်ရဟွံဗၠးကဵုမၞိဟ်ညးတံမ္ဂး ကောန်ဂၠုပ္ဍဲဍုၚ်အာဲဂုတ္တုသီုဖအိုတ်ကဵုသတ္တိရိစ္ဆာန်သီုဖအိုတ်တံဂှ် ကဵုချိုတ်အိုတ်ရောၚ်။" ဨကရာတ်ဖာရောဝ်ဝွံ မိၚ်ဒးအရာဂှ်တုဲ သွက်ဂွံပ္တေဟ်ကျာ်ကဵု သွက်ဂွံကလၚ်အရေဝ်ကျာ်ဂှ် ကယျာန်ပါဲဒၟံၚ်ဒဵုကဵုလၟုဟ်ဏီရ။

ဇၟာပ်မၞိဟ်ပ္တေဟ်တံ ဂွံဟံၚ်ပြာ်ကောန်ဂၠုဇကုမာန်ဂှ် ကျာ်ကဵုနဲကဲရ။ဇၟာပ်သ္ၚိကၟိန်တံ ရုဲစှ်သဵုသၟတ်ခိုဟ်အိုတ်မွဲတုဲ ဒးဂစိုတ်သဵုဂှ်ရ။

ကျာ်ဟီုကဵုမၞိဟ်ဣသရေလတံဂှ် နကဵုဆီသဵုဂှ် ပလေတ်စုတ်ပ္ဍဲတြၚ်သ္ၚိဒိုဟ်နာနာသာ်ညိ။ဖျုန်သဵုဂှ်ပရာၚ်တုဲ စကဵုကွာၚ်ဟွံနွံကဵုကွဲဂှ်ရ။ ညးတံစစၞတုဲ ဂွံတိတ်အာနူဍုၚ်အာဲဂုတ္တုဗွဲမပြဟ်ဂှ် ကျာ်ဗ္ကန်လဝ်ရ ။

မၞိဟ်ဣသရေလတံဝွံ အတိုၚ်ကျာ်ဗ္ကန်လဝ်ဂှ် ညးတံကၠောန်ရ။ကျာ်ဝွံ စိုပ်ပယာံသ္ဂာ
ဗ္တံဂှ် တတ်အာ ပ္ဍဲဍုၚ်အာဲဂုတ္တုတုဲ ဂစိုတ်ဇၟာပ်ကောန်ဂၠုတံဂှ်ရ။

ဇၟာပ်သ္ၚိမၞိဟ်ဣသရလတံဝွံ တြၚ်သ္ၚိဒိုဟ်နာနာသာ်ဂှ် ဆီပလေတ်လဝ်နွံဒၟံၚ်တုဲ ကျာ်တတ်အာသ္ၚိညးတံရ။ဇၟာပ်မၞိဟ်နွံပ္ဍဲသ္ၚိဂှ် ဂွံဗၠးနူဘဲဂှ်ရ။ဟိုတ်နူကဵုဆီသဵုဂှ် ညးတံဂွံဒုၚ်ဟံၚ်ပြာ် ရ။

ဆမ္ဂးဂှ် ကောန်ဍုၚ်အာဲဂုတ္တုတံဝွံ ဟွံပ္တေဟ်ကျာ်၊ ဟွံကလၚ်အရေဝ်ညးဟီုရ။ သာ်ဂှ်ရ ကျာ်ဟွံတတ်အာသ္ၚိညးတံဂှ်ရ။ ကောန်ဍုၚ်အာဲဂုတ္တုဇၟာပ်ကောန်ဂၠုတံဂှ် ဒးချိုတ်အိုတ်ရ။

ဇၟာပ်ကောန်ဂၠုမၞိဟ်အာဲဂုတ္တုတံ ချိုတ်အိုတ်ရ။ကောန်ဂၠု ဨကရာတ်ဖာရောဝ်ကဵု ကောန်ဂၠုညးမနွံပ္ဍဲထံၚ်တံလေဝ်ချိုတ်အိုတ်ရ။ ပ္ဍဲဍုၚ်အာဲဂုတ္တုမၞိဟ်ဂမၠိုၚ်တံဝွံ လရိုဟ်ယာံတုဲအောန်စိုတ်ဗွဲမလောန်အိုတ်ရ။

ဗ္တံဂှ် ဨကရာတ်ဖာရောဝ်ဝွံ ကော်မဝ်သေကဵုအာရုန်တုဲဟီု “ ကေတ်ဏာမၞိဟ်ဣသရေလတုဲ တိတ်အာနူဍုၚ်ဏံပြဟ်ပြဟ်ညိ! မၞိဟ်ကောန်ဍုၚ်အာဲဂုတ္တုတံလေဝ် ဂကူဣသရေလတံဂွံတိတ်အာသ္ၚောဲသ္ၚောဲဂှ် ဒုန်ဂုန်အိုတ်ရ။

ပုံသၠပတ်သမ္မာ : သၠပတ်ဗၠးတိတ် ၁၁း၁- ၁၂း၃၂