၄၂။ နာဲယေသှုက္ညတိုန်လ္တူဘုံအကာသ
တ္ၚဲနာဲယေသှုဂျိုန်တိုန်နူဂမ္စိုတ်ဂှ် ကောန်ကွးၜါတံဝွံ တိတ်အာဍုၚ်မွဲဍုၚ်ရ။ အခိၚ်ညးတံကွာ်ဒၟံၚ်ဂှ် ဟီုပရူဒဒှ်နာဲယေသှုရ။ ညးတံဝွံလၟဳကၠုၚ်လဝ် ယေသှုဒှ်မေသိကီုရ။ ဆမ္ဂး ယေသှုဂှ် ဒးဒုၚ်ဂစိုတ်တုဲ လၟုဟ်ဝွံ မၞိဟ်ဗြဴတံလေဝ် ယေသှုကလေၚ်ဂျိုန်တိုန်ပၠန်ဂှ် ဟီုဒၟံၚ်အိုတ်ရ။သာ်ဂှ်ရ ဗီုလဵု ဂွံပ္တေဟ်ဂှ် ညးတံဟွံတီအိုတ်ရ။
ယေသှုဝွံ ညောန်ကၠုၚ်ဗ္ဒာဲကောန်ကွးဂှ်တုဲ ကွာ်ဒၟံၚ်ကရောံဂှ်ကီုလေဝ် ညးတံသမ္တီယေသှုဟွံဒးရ။ နာဲယေသှုဝွံ သၟာန်ပရူလဴဟီုဒၟံၚ်မ္ဂး ညးတံဝွံ “ လောန်ကၠုၚ်ခြာဟွံလအ်တေံ ပရူမတၟေၚ်၊မအံသဝ်၊ အရာဒဒှ်နာဲယေသှုချိုတ်အာဂှ်လဴဒၟံၚ်ရ” ကလေၚ်ဟီုရ။ ညးတံဝွံ ထေၚ်ခယျဒၟံၚ် နာဲယေသှုဂှ် မဒှ်တၟုဲနူဍုၚ်တၞဟ်တၞဟ်တုဲ ဟွံတီပရူဒဒှ်ပ္ဍဲဍုၚ်ယေရူသလေၚ်ဂှ်ရ။
ယေသှုဝွံ အရေဝ်ကျာ်ဟီုလဝ် ပရူမဆေၚ်စပ်ကဵုမေသိဂှ် သောၚ်ကၠးကဵုကောန််ကွးတံရ။ ပရောဗက်ကၠာတေံဟီုလဝ်ဂှ် မေသိဝွံ နကဵုဝေဒနာဂိဂိဂှ် ဒးဒုၚ်ဂစိုတ်ရောၚ်၊ ပိတ္ၚဲလောန်တုဲမ္ဂး ကလေၚ်ဂျိုန်ပၠန်ရောၚ်ဂှ် ထပ်ကဵုသတိကဵု ကောန်ကွးတံမွဲဝါပၠန်ရ။ ညးၜါတံဝွံ အခိၚ်စိုပ်ဍုၚ်နွံပၟိက်ဂှ်မ္ဂး တ္ၚဲလေဝ်ဒစေၚ်အာဗွဲမလောန်ရ။
ကောန်တွးၜါတံဝွံ ကော်ဘိက်ယေသှုဂွံဇူဒပ်ကရောံတုဲဂှ် ယေသှုလေဝ်ဗက်အာသ္ၚိညးတံရ။ စိုပ်အခိၚ်သွက်ဂွံစစၞသဝ်တ္ၚဲဂှ် ယေသှု ကေတ်ကွာၚ်မွဲမရ။ ညးထိုၚ်သးဂုန်ကျာ်တုဲ ဂၜိဟ်ကွာၚ်ဂှ်ရ။ အခိၚ်ဂှ်ကောန်ကွးတံ တီနာဲယေသှုဗွဲမပြဟ်ရ။ ယေသှုလေဝ်ကၠေံအာနူ ဗ္ဒာဲညးတံရ။
ညးၜါတံဝွံ “ညးဂှ်နာဲယေသှုရ!၊ အဃောညးသောၚ်ထ္ၜးပရူကျာ်ထာဝရ ကဵုပိုဲတံဂှ် ကောန်စိုတ်ပိုဲတံ ချဳဒၟံၚ်ရ”သာ်ဂှ် ဟီုဂးညးသ္ကအ်တုဲ စဴအာဍုၚ်ယေရုသလေၚ်ဗွဲမပြဟ်ရ။ တုဲဂှ် “နာဲယေသှု ဂျိုၚ်ဒၟံၚ်ရ၊ ပိုဲတံဆဵုညာတ်ညးတုဲယျ” ကလေၚ်လဴထ္ၜးကဵုကောန်ကွးတၞဟ်တံရ။
မွဲချိန်ခဏ ပ္ဍဲအခန်ကောန်ကွးတံဟီုဒၟံၚ်အရေဝ်ဂှ် ယေသှုမံက်တိုန်ကၠုၚ်တုဲ “မၞးတံကဵုၜိုတ်သြိုဟ်ညိ” ဟီုဂးရ။ ကောန်တွးတံလေဝ် ထေၚ်ခယျကလော်ရ။ အခိၚ်ဂှ် ယေသှုဝွံ “မူဟိုတ်မၞးတံဖေက်တုဲ သံသယနွံဒၟံၚ်ရော၊ ဗဵုတဲအဲညိ၊ ကလော်ဟီုမ္ဂးဂှ် ဗီုအဲဂှ်ခန္ဓဟွံမွဲပုဟ်”သာ်ဂှ်ဟီုဂးရ။ တုဲပၠန် ဂွံထ္ၜးသက်သဳ ကလော်ဟွံသေၚ်ဂှ် အာတ်စၞစမွဲသာ်ရ။ ညးတံဝွံ ဒုၚ်ကဵုနာဲယေသှုကမွဲဒကုတ်တုဲဂှ် နာဲယေသှုစထ္ၜးရ။
နာဲယေသှုဝွံ “ ပ္ဍဲအရေဝ်ကျာ် ဇၟာပ်ချူလဝ်ပရူအဲတံဝွံ ဍိုက်ပေၚ်ရောၚ်ဂှ် အဲဟီုလဝ်ဟွံသေၚ်ဟာ”သာ်ဂှ်ဟီုရ။ လက်ကြဴဂှ် ယေသှုဝွံ ကောန်ကွးတံဂွံကၠိုဟ်အရေဝ်ညးမာန်ဂှ် ပံက်ကောန်စိုတ်ညးတံရ။ တုဲဂှ် ယေသှုဟီု “မေသိဝွံ နကဵုဝေဒနာဂိဂိဂှ် ဒးဒုၚ်ဂစိုတ်ရောၚ်၊ ပိတ္ၚဲလောန်တုဲမ္ဂး ကလေၚ်ဂျိုန်ပၠန်ရောၚ်ဂှ် ချူလဝ်ရ။”
တုဲဂှ်“ကောန်ကွးအဲတံဝွံ မၞိဟ်တံဂွံဂွံသံၚ်ဝေဂဂှ် လလောၚ်တြးကဵုအရေဝ်ကျာ်အိုတ်ရောၚ်။ ယဝ်ရမၞိဟ်တံဂွံသံၚ်ဝေဂမ္ဂး ကျာ်ဗၠးကဵုဒုဟ်ညးတံရောၚ်။ကောန်ကွးတံဝွံ စနူပ္ဍဲဍုၚ်ယေရုသလေၚ်ဂှ် လလောၚ်တြး ပရူဏံရောၚ်။ ဇၟာပ်ဒၞာဲ၊ဇၟာပ်ဒေသဂှ် ညးတံအာစိုပ်ရောၚ်။ မၞးတံဝွံ ဒှ်သက်သဳ အရာအဲကၠောန်ကၠုၚ်လဝ်တံဂှ်ရ၊” ဟီုဂးရ။
လက်ကြဴဂှ် နာဲယေသှုဝွံ ပ္ဍဲပွိုၚ်ပန်စှ်ေတ္ၚဲဂှ် ဂၠိုၚ်ကဵုဝါမံက်ကၠုၚ်ဂတကောန်ကွးတံရ။ မွဲဝါဂှ် ဂတမၞိဟ်မသုန်လ္ၚီပြၚ်ပြၚ် မံက်ကၠုၚ်ရ။ ဟိုတ်ရညးဂျိုၚ်ဒၟံၚ်ဂှ် နဲကဲဗွဲမဂၠိုၚ်ထ္ၜးဒၟံၚ်သက်သဳကဵုကောန်ကွးတံတုဲ ပရူသန်ထာန်ကျာ်ထာဝရဂှ်လေဝ် ဒလောံဗ္တောန်ဒၟံၚ်ကဵုညးတံရ။
နာဲယေသှုဝွံ “အဝဵုလ္တူဘုံအကာသကဵု လ္တူတိဇၞော်သီုဖအိုတ်ဂှ် အဲပိုၚ်ပြဳရ၊ လၟုဟ်အဲဟီုကဵုမၞးတံဂှ် အာညိ၊ ဇၟာပ်ဂကူမၞိဟ်သီုဖအိုတ်တံဂွံဒှ်ကောန်ကွးအဲဂှ် နကဵုမအံက်ကျာ်၊ ကောန်ကျာ်၊ဝိညာန်မသ္အးဇ္ၚးကျာ်ဂှ် ကဵုၜါတ္တိဇာံကဵုမၞိဟ်တံညိ၊ အတိုၚ်အဲဟီုဗ္ကန်လဝ်ကဵုမၞးတံ မၞိဟ်တံဂွံကလၚ်ဂှ် ဒလောံဗ္တောန်ကဵုညိ၊ လၟိုန်ကာလအဲနွံဒၟံၚ်ကရောံမၞးတံဂှ် ဗှ်သၞာအိုတ်ညိ” ဂှ်ဟီုကဵုကောန်တွးညးရ။
ယေသှုကလေၚ်ဂျိုၚ်တိုန်တုဲ ပေၚ်ပန်စှ်ေတ္ၚဲဂှ် ညးဟီုကဵုကောန်တွးတံရ။ “ဒဵုကဵုအခိၚ်ကျာ်ထာဝရကဵုမၞးတံဝိညာန်မသ္အးသ္ၚးကဵုဣဓိဂှ် မၚ်ဒၟံၚ်ပ္ဍဲဍုၚ်ယေရုသလေၚ်တေံအိုတ်ညိ”။ တုဲဂှ် ယေသှုက္ညတိုန်အာ လ္တူဘုံအကာသရ။ မတ်ဗြဲတံလေဝ်ဂြောပ်ဒလီုအာညးရ။ နာဲယေသှုဝွံ ပ္ဍဲလ္တူဘုံအကာသတေံ ဂွံစဳရေၚ်အရာသီုဖအိုတ်ဂှ် ဂဇအ်ဒၟံၚ်လ္ပာ်တဲပုၚ်ကျာ်ထာဝရ ရ။
ပုံသၠပတ်သမ္မာ : ခရေတ်ဝၚ်မာတ်သာဲ ၂၈း၁၆-၂၀၊ ခရေတ်ဝၚ်မာကု ၁၆း၁၂-၂၀၊ ခရေတ်ဝၚ်လုကာ၂၄း၁၃-၅၃၊ ခရေတ်ဝၚ်ယဝ်ဟာန် ၂၀း၁၉-၂၃၊ ဝတ္ထုကလုတ် ၁:၁-၁၁