၃၈။ ယေသှုဒးဒုၚ်ဖေက်သစ္စ

ဂကူယုဍတံဝွံ ဇၟာပ်ပ်သၞာံ ကၠောန်ဗဒှ်ပေဲါ ပဿခါရ။ တံရိုဟ် ဂွံကၠောန်ပေဲါဟီုမ္ဂး လောန်ကၠုၚ်သၞာံဗွဲမဂၠိုၚ်ဇုဇဗဴလတံ ဂွံတိတ်ဗၠးနူကဵုဘဝဍိက် ပ္ဍဲဍုၚ်အာဲဂုတ္တုမာန်ဂှ် ကျာ်ဟံၚ်ပြာ်လဝ်ဂှ်ရ။ယေသှုဝွံ ဒဵုကဵုပွိုၚ်ပိသၞာံဂှ် တွံဓဝ်တုဲ ဒလောံဗ္တောန်ကဵုမၞိဟ်တံရ။ မွဲတ္ၚဲဂှ် ယေသှုဝွံ “ပ္ဍဲဍုၚ်ယေရုသလေၚ်ဂှ် အဲမိက်ဂွံစပေဲါပဿခါကရောံမၞးတံရ။ ပ္ဍဲဍုၚ်ဂှ်ရ အဲဒးဒုၚ်ဂမ္စိုတ်ရောၚ်” ဟီုကဵုကောန်ကွးတံရ။

ကောန်ကွးယေသှု ယုဍသကာရုက်ဝွံ ဒှ်မၞိဟ်သီဂိုၚ်ထိုၚ်သၠုဲရ။ ညးဝွံ သွက်သၠုဲတှ်ေ လောဘဇၞော်ဒၟံၚ်ရ။ ဟိုတ်ဂှ်ရ အခိၚ်သီဂိုၚ်သၠုဲမ္ဂး ဟွံလအ်ဟွံလအ် နူကဵုထိုၚ်သၠုဲဂှ် ကၠတ်ကေတ်သၠုဲရ။အခိၚ်ယေသှုကဵုကောန်ကွးတံ စိုပ်အာပ္ဍဲဍုၚ်ယေရုသလေၚ်ဂှ် ယုဍသကာရုက်ဝွံ အာပ္ဍဲက္ဍိုပ်သ္ကိုပ်ဘာသာယုဍတံတုဲ "ဂွံရပ်ယေသှုဂှ် အဲရီုဗၚ်ကဵုရောၚ်၊ ယဝ်ရအဲရီုဗၚ်ကဵုမ္ဂး ဒးကဵုအဲသၠုဲရောၚ်" ဟီုကဵုက္ဍိုပ်သ္ကိုပ်ဘာသာယုဍတံရ။ယုဍသကာရုက်ဝွံ က္ဍိုပ်သ္ကိုပ်ဘာသာတံ ဟွံဒုၚ်တဲယေသှုမဒှ်တၠညးဟံၚ်ပြာ်တုဲ ဂၠာဲဒၟံၚ်ဒုဟ်ညးရောၚ်ဂှ် တီဒၟံၚ်ဒတုဲရ။

က္ဍိုပ်သ္ကိုပ်ဘာသာယုဍတံဝွံ ကဵုယုဍ 'သၠုဲပိစှ်ောဂတှ်ေ'ရ။ သၠုဲဂှ် သွက်ရီုဗၚ် ဂွံရပ်ယေသှုရ။ ယုဍလေဝ် တုပ်စိုတ်တုဲ တိတ်အာရ။ အရာဏံဂှ် အတိုၚ်ပရောဗက်တံဟီုတွံလဝ်ဂှ် ဍိုက်ပေၚ်ကၠုၚ်ရ။ သာ်ဂှ်ရ ယုဍဝွံ ဂွံရပ်ယေသှုဂှ် ကၠတ်ထံၚ်ဒၟံၚ်ပရိုၚ်ရ။

ယေသှုကဵုကောန်ကွးတံဝွံ ကၠောန်ဗဒှ် 'ပေဲါပဿခါ'ပ္ဍဲဍုၚ်ယေရုသလေၚ်ရ။ ယေသှုဝွံ ပ္ဍဲ'ပေဲါပဿခါ'ဂှ် ဂၜိဟ်ဂစာဲကွာၚ်တုဲ “ကွာၚ်ဏံဂှ် ဒှ်ဖျုန်ဒကုတ်ဒကုတ်အဲတုဲ အဲကဵုသွက်မၞးတံရ။ ဗှ်သၞာအဲဂှ်မ္ဂး ကၠောန်သာ်ဏံညိ” ဟီုဂးတုဲ လဴထ္ၜးပရူညးဒးဒုၚ်ဂစိုတ်ရ။

တုဲဂှ် ယေသှုဝွံ ကေတ်ခွက်ဍာ်ဇဗျေတ်ဂှ်တုဲ ဟီုရ။ “ ဍာ်ဇဗျေတ်ဏံဂှ် သုၚ်ညိ၊ ဍာ်ဇဗျေတ်ဏံဂှ် ဒှ်ကတိတၟိ၊ ဒှ်ဆီအဲတုဲ သွက်ဒုဟ်မၞးတံ ဂွံဗၠးဂှ်အဲစဝ်စရိုဟ်ကဵုရောၚ်။ ဇၟာပ်အခိၚ်မၞးတံဗှ်သၞာအဲမ္ဂး ကၠောန်သာ်ဏံအိုတ်ညိ၊”

တုဲဂှ် ယေသှုဟီုကဵုကောန်ကွးတံ“ပ္ဍဲမၞးတံမၞိဟ်မွဲတၠဂှ် ပ္အပ်အဲ ပ္ဍဲတဲသၞတံရောၚ်။” ကောန်ကွးတံလေဝ် မိၚ်အရာဂှ်မ္ဂး အံသဝ်တုဲ “ အရာဏံဂှ် မၞိဟ်လဵုဂံၚ်ကၠောန်ရော” ကလေၚ်သၟာန်ရ။ ယေသှုလေဝ် “ မၞိဟ်အဲဒုၚ်ကဵု ကွာၚ်ဂှ် ဒှ်မၞိဟ်ဖေက်သစ္စရ” ဟီုမ္ဂး ကေတ်ကွာၚ်တုဲ ကဵုယုဍသကာရုက်ရ။

ယုဍသကာရုက်လေဝ် ကေတ်ကွာၚ်ဂှ်ရ။ တုဲဂှ် စာတန်ဝွံ လုပ်ကၠုၚ်ပ္ဍဲညးတေံရ။ ယုဍဝွံ တိတ်အာနူဂှ်တုဲ ဂွံရပ်ယေသှုဂှ် ရီုဗၚ်က္ဍိုပ်သ္ကိုပ်ဘာသာယုဍတံရ။

ယေသှုကဵုကောန်ကွးတံဝွံ စစၞသဝ်တ္ၚဲတုဲ တိုန်အာလ္တူဒဵု'သာန်လွေၚ်'အိုတ်ရ။ ယေသှုဝွံ “ ပ္ဍဲဗ္တံဏံ မၞးတံသီုဖအိုတ် တၚ်ပဲါထောံအဲအိုတ်ရောၚ်” ပ္ဍဲအတိုၚ်သၠပတ်ချူလဝ်ဂှ် “ အဲကဵုသဵုအဲတံဝွံ ဒးဒုၚ်ၜုၚ်တက်တုဲ သဵုသီုဖအိုတ်တံလေဝ် ပြးချာဲအာအိုတ်ရောၚ်” ဟီုဂးရ။

အခိၚ်ဂှ် ပေတရုဝွံ “ တဳလဂုန်၊ ၜိုန်ရမၞိဟ်တၞဟ်တၚ်ပဲါတဳလဂုန်ကီုလေဝ် အဲဍိက်ဟွံတၚ်ပဲါပုဟ်” ဟီုဂးရ။ ယေသှုလေဝ် “ ပ္ဍဲမၞးနွံဒၟံၚ်အရာသီုဖအိုတ်ဂှ် စာတန် မိက်ဂွံသုၚ်စောဲဲဒၟံၚ်ရောၚ်၊ 'ပေတရု'။ဆမ္ဂး စိုတ်ပ္တေဟ်မၞးဟွံဂွံယောၚ်ဂှ် အဲရာဒနာကဵုဒၟံၚ်ရ။ ဗ္တံဏံ ကၠာစာၚ်ဟွံဂြဴ၊ ဒဵုကဵုပေၚ်ပိဝါဂှ် မၞးတၚ်ပဲါအဲရောၚ်”ဟီုဂးရ။

ပေတရုဝွံ “ လမျီုအဲဍိက်ဒဵုကဵုအိုတ်၊အဲဍိက် ဟွံတၚ်ပါဲတဳလဂုန်ပုဟ်!” ကလေၚ်ဟီုရ။ ကောန်တွးတၞဟ်ဟ်တံလေဝ် အတိုၚ်ပေတရုဂှ် ဟီုကဵု ယေသှုရ။

ယေသှုကဵုကောန်ကွးတံဝွံ စိုပ်အာဥဒျာန်ဂေတ်သိမနိရ။ယေသှုလေဝ် ကောန်တွးတံ ညံၚ်ဟွံဒးဒုၚ်လှေံလှန်ဂှ် ကဵုရာဒနာမိက်ရ။ တုဲဂှ် ယေသှုဝွံ ဂွံရာဒနာမိက်ညးမွဲဓဝ်ဂှ် တိတ်အာရ။

ယေသှုဝွံ ရာဒနာမိက်ပိဝါရ။ “မအံက်၊ ဒှ်မာန်မ္ဂး ခွက်ဒဒိုက်ဒုက္ခဏံ ပါဲကဵုဂွံမ္ဂး ပါဲကဵုညိ၊ ဆမ္ဂး သွက်မၞိဟ်တံဂွံဗၠးဒုဟ်ဂှ် နဲကဲတၞဟ်ဟ်ဟွံမွဲမ္ဂး အတိုၚ်ပၟိက်မအံက်ဂှ် ကဵုဒှ်ညိ” ရာဒနာမိက်ရ။ယေသှုလေဝ် စိုတ်ဍောၚ်ၜိုတ်ဗွဲမလောန်တုဲ ပလက်ညးဝွံ ညံၚ်ရဴဆီဂှ်ဇွောဝ်စှ်ေကၠုၚ်ရ။ ကျာ်ထာဝရဝွံ သွက်ဂွံကဵုဇြဟတ်ကဵုယေသှုဂှ် ဗၠးနၚ်ကလုတ်အကာသရ။

ဇၟာပ်ယေသှုရာဒနာမိက်တုဲဂှ် ညးကလေၚ်စဴဗဵုကောန်တွးတံရ။ ဆမ္ဂး ကောန်တွးတံဝွံ သ္တိက်လှိၚ်ဒၟံၚ်အိုတ်ရ။ ကလေၚ်စဴဗဵု ပေၚ်ပိဝါဂှ် ယေသှုဟီုကဵုကောန်တွးတံ “ က္တဵုအိုတ်၊ က္တဵုအိုတ်! စိုပ်အခိၚ်ပ္အပ်အဲယျ” ဟီုဂးရ။

အခိၚ်ဂှ် ယုဍသကာရုက်ဝွံ သီုကဵုက္ဍိုပ်သ္ကိုပ်ဘာသာယုဍ၊ကောန်ပၞာန်တံဂှ်ရပ်နၚ်မုဲတံ၊ မြတံ၊ နုဟ်တံတုဲ စိုပ်ကၠုၚ်အိုတ်ရ။ ယုဍသကာရုက်ဝွံ ကၠုၚ်ဗ္ဒာဲယေသှုတုဲ “အ္စာ” ဆက်မိက်တုဲ ဆုၚ်ယေသှုရ။ ညးသ္ပသာ်ဏံဂှ် က္ဍိုပ်သ္ဍိုပ်ဘာသာယုဍတံ ဂွံတီယေသှုရ။ ယေသှုလေဝ် “ ယုဍ၊ မၞးဆုၚ်အဲတုဲ ဖေက်သစ္စအဲဟာ” ဟီုဂးရ။

အဃောကောန်ပၞာန်တံ ရပ်ဒၟံၚ်ယေသှုဂှ် ပေတရုဝွံ တံၚ်ပ္တိတ်ၜုန်တုဲ ဗိုတ်ထောံက္တောဝ်ကောန်ရဲက္ဍိုပ်သ္ကိုပ်ဘာသာယုဍမွဲရ။ ယေသှုလေဝ် “ၜုန်ဂှ်ကလေၚ်စွံညိ၊ သွက်ဂွံစဵုဒၞာကဵုအဲဂှ် အပါမအံက်အဲဗၠးနၚ်ကလုတ်အကာသတံဂွံဒၟံၚ်ရောၚ်။ ဆမ္ဂး အတိုၚ်ပၟိက်မအံက်ဂှ် ဒးကလၚ်ရောၚ် “ကလေၚ်ဟီုရ။ တုဲဂှ် မၞိဟ်က္တောဝ်ပိုတ်ဒၟံၚ်ဂှ် ယေသှု လွဳကဵုရ။ အခိၚ်ညးတံရပ်ဏာယေသှုဂှ် ကောန်တွးတံလေဝ် ဂြိပ်တိတ်အာအိုတ်ရ။

ပုံသၠပတ်သမ္မာ : ခရေတ်ဝၚ်မာတ်သာဲ၂၆း၁၄-၅၆၊ ခရေတ်ဝၚ်မာကု၁၄း၁၀-၅၀၊ ခရေတ်ဝၚ်လုကာ၂၂း၁-၅၃၊ ခရေတ်ဝၚ်ယဝ်ဟာန်၁၂း၆၊ ၁၈း၁-၁၁