၄၈။ ယေသှုမဒှ်တၠညးဟံၚ်ပြာ်ကၠုၚ်နူကတ္တိကကျာ်ကဵုလဝ်

တေံအခိၚ်ကၠာအိုတ်တေံဂှ် ကျာ်က္တဵုဗဒှ်လဝ်ဂၠးတိဍိုက်က်ပေၚ်ၚ်ရ။ မူဒုဟ်လေဝ်ဟွံမွဲရ။ အာဍာံကဵုဨဝတံလေဝ် ညးမွဲကဵုညးမွဲဆာန်ညးသ္ကအ်တုဲ ဆာန်ကျာ်ရ။ ဒဒိုက်ချိုတ်၊ ဒဒိုက်ဒုက္ခလေဝ်ဟွံမွဲဏီရ။ အခိၚ်ဂှ် အတိုၚ်ပၟိက်ကျာ် က္တဵုဗဒှ်ကၠုၚ်လဝ်ဂၠးတိကဵု အရာသီုဖအိုတ်တံဍိုက်ပေၚ်ဒၟံၚ်ရ။

ကလော်မာ'စာတန်'ဝွံ က္တဵုဗဒှ် ရုပ်သာ်ဇြုံတုဲ လှေံလှန်'ဨဝ'ပ္ဍဲကၠအ်ဨဒၚ်ဂှ်ရ။ နူကဵုတ္ၚဲဂှ်တုဲ အာဍာံကဵုဨဝတံဝွံ ပၠန်ဂတးကျာ်ထာဝရရ။ညးတံဝွံ ဟိုတ်နူကၠောန်ဒးဒုစရိုဟ်ဂှ်တုဲ မၞိဟ်သီုဖအိုတ်တံလေဝ် က္တဵုဒှ်ကၠုၚ် ဒဒိုက် ဂိ၊ယဲ၊ချိုတ်၊ဂျိုၚ်ရ။

နူတ္ၚဲအာဍာံကဵုဨဝတံ ဒှ်ကၠုၚ်ဒုဟ်တုဲဂှ် အရာသီုဖအိုတ်တံ လီုလာ်ကၠုၚ်ရ။ ညးတံဝွံ ဒှ်ကၠုၚ် သၞကျာ်ရ။ ဇၟာပ်မၞိဟ်တံလေဝ်ကၠောန်ဒုဟ်အိုတ်ရ။ ဇၟာပ်မၞိဟ်တံဝွံနူအခိၚ်က္တဵုဒှ်မၞိဟ်ဂှ် ဒှ်ကောန်ဒုဟ်အိုတ်ရ။ အကြာကျာ်ကဵုမၞိဟ်ဂှ် အရာၜိုဟ်လလံဟွံမွဲရ။ ဆမ္ဂး ကျာ်ဝွံ နွံပၟိက်ဂွံၜိုဟ်လလံကဵုမၞိဟ်တံရ။

ကျာ်ထာဝရကဵုလဝ်ကတိဂှ် ပ္ဍဲကောန်ဇာတ်ဨဝမွဲဝွံ က္ဍိုပ်စာတန်ဂှ် လိုန်ကဵုဓၞေဟ်ဇိုၚ်တုဲ စာတန်လေဝ် ကလေၚ် ဗုတ်သၠေက် ဓၞေဟ်ဇိုၚ် ညးပၠန်ရောၚ်။ အတိုၚ်သာ်ဂှ်ရ ကလော်မာစာတန်ဝွံ ဂစိုတ်ကၠုၚ်လဝ်ယေသှုရ။ ဆမ္ဂး ကျာ်ထာဝရ ကဵုအခေါၚ်ယေသှုဂျိုၚ်တိုန်နူဂမ္စိုတ်တုဲ ကလေၚ်နုက်ကေတ်အစောန်ဣဓိ စာတန်ရ။ လအ်လောန်ကၠုၚ်သၞာံဗွဲမဂၠိုၚ်တုဲ နာဲယေသှုမဒှ်တၠညးဟံၚ်ပြာ်ဂှ် ကျာ်ထာဝရဝွံ ထမံက်ထ္ၜးကဵု မၞိဟ်တံကၠးကၠးရ။

ကျာ်ထာဝရဝွံ အခိၚ်သီဂၠးတိဂှ် ကဵုဂြောပ်ဓလီုနကဵုဍာ်ဇၞော်တုဲ သွက်ဂွံဟံၚ်ပြာ်မၞိဟ်ပ္တေဟ်ကျာ်တံဂှ် ပလေဝ်ပလေတ်လဝ်က္ၜံၚ်မွဲမရ။ ဇၟာပ်မၞိဟ်တံဝွံ ဟိုတ်နူဒုဟ်ညးတံဂှ် ဒးချိုတ်ထေက်ဒၟံၚ်ရ။ ဆမ္ဂး ကျာ်ဝွံ သွက်ဂွံဟံၚ်ပြာ်ဒုဟ်မၞိဟ်ပ္တေဟ်ညးဂှ် ပလေပလေတ်ကဵုလဝ်နာဲယေသှုရ။

ဂၠိုၚ်ကဵုကၠံသၞာံတုဲဂှ် ယတ်ပရောဟိတ်တံဝွံ သွက်ဂွံပူဇဴကဵုကျာ်ထာဝရဂှ် ဆက်ကၠောန်ကၠုၚ်ဒၟံၚ်ဏီရ။ ကၠောန်နဲကဲဏံဂှ် မၞိဟ်တံခလိုၚ်လဵုကေတ်တာလျိုၚ်ဒုဟ်ညးတံမာန်ဂှ်ထ္ၜးလဝ်တုဲ ထေက်တန်ကဵုဒုဟ်ဒန်ညးတံရ။ ဆမ္ဂး အရာပူဇဴဒၟံၚ်ဂှ် ဗၠးကဵုဒုဟ်မၞိဟ်တံသီုဖအိုတ်ဟွံမာန်ရ။ ယေသှုဝွံ ဒှ်ယတ်ပရောဟိတ်ဇၞော်ဇၞော်မွဲရ။ အရာယတ်ပရောဟိတ်တံကၠောန်ဟွံမာန်ဂှ် ညးကၠောန်ကၠုၚ်လဝ်ရ။ ညးဝွံ ညံၚ်ရဴယတ်သၟတ်ဂှ် ဒုၚ်ပူဇဴလဝ်ဇကုဇကုညးတုဲ ဒုဟ်မၞိဟ်တံသီုဖအိုတ်ဂှ် ယိုက်ကေတ်ဏာရ။စၞးကျာ်ကဵုဒုဟ်ဒန်မၞိဟ်တံသီုဖအိုတ်ဂှ် ယေသှုဒုၚ်ကေတ်ဏာဖအိုတ်တုဲရ။ ဟိုတ်နူသာ်ဂှ်တုဲ ယေသှုဝွံ ဒှ်ယတ်ပရောဟိတ်မသၠုၚ်ပြဲအိုတ်ရ။

ကျာ်ဝွံ “မၞိဟ်ပ္ဍဲဂၠးတိသီုဖအိုတ်တံ ဟိုတ်နူမၞးဂှ် အဲကဵုမ္ၚဵုမၚ်္ဂလရောၚ်”ဟီုကဵုအာဗြဟာံရ။ယေသှုဝွံ ဒှ်ကောန်ဇာတ်ပ္ဍဲဂကူအာဗြဟာံမွဲတၠရ။ နကဵုအာဗြဟာံဂှ် ကျာ်ကဵုလဝ်မ္ၚဵုမၚ်္ဂလမၞိဟ်တံသီုဖအိုတ်ရ။ မူဟိုတ်ရောမ္ဂး ဇၟာပ်မၞိဟ်ပ္တေဟ်နာဲယေသှုတှ်ေ ကျာ်ဗၠးကဵုဒုဟ်ရ။ ယဝ်ရမၞိဟ်တံပ္တေဟ်နာဲယေသှုမ္ဂး ဒှ်ကောန်ဇာတ်အာဗြဟာံရောၚ်ဂှ် ကျာ်သမ္တီရ။

ကျာ်ထာဝရဝွံ သွက်ဂွံပူဇဴနကဵုယတ်ဂှ် အာတ်ကေတ် ကောန်အာဗြဟာံ'ဣဇက်'ရ။ ၜိုန်ဂှ်လေဝ် စၞးယတ်ပူဇဴဣဇက်ဂှ် ကျာ်ထာဝရဝွံ ပလေဝ်ပလေတ်ကဵု သဵုသၟတ်မွဲရ။ ဟိုတ်နူဒုဟ်ဒန်ဂှ် ပိုဲတံသီုဖအိုတ်ဝွံ ထေက်တန်ကဵုဒးချိုတ်ရ။ ဆမ္ဂး ဒၞာဲပိုဲတံဒးချိုတ်ဂှ် ကျာ်ပူဇဴနာဲယေသှု ညံၚ်ရဴသဵုသၟတ်မွဲကီုရ။ မူဟိုတ် နာဲယေသှုဂွံဒှ်သဵုသၟတ်ကျာ်ဂှ် ဟိုတ်နူအရာပရူပရာဏံရ။

အခိၚ်ကျာ်ဖန်ဗဒှ် ဘဲဒန်ပ္ဍဲဍုၚ်အာဲဂုတ္တုလက်ကြဴအိုတ်ဂှ် ဇၟာပ်သ္ၚိကၟိန်ဣသရေလတံဂှ် ကေတ်သဵုသၟတ်ခိုဟ်မွဲတုဲ ညးကဵုဂစိုတ်သဵုသၟတ်ရ။ ပ္ဍဲပြၚ်ဂတမုက်သ္ၚိဂှ် ဒးလံက်ဆီသဵုသၟတ်ရောၚ်ဂှ် ကျာ်ဗ္ကန်လဝ်ညးတံရ။ ယဝ်ရလံက်လဝ်ဆီသဵုသၟတ်မ္ဂး ပ္ဍဲသ္ၚိဂှ် ဟွံဒးဘဲဒန်ရ။ ဟိုတ်ဂှ်ရ တ္ၚဲဗၠးကၠုၚ်ဘဲဒန်ဂှ် ညးတံကော်ခဴစ တ္ၚဲ"ပေဲါပဿခါ"ရ။

နာဲယေသှုဝွံ မဒှ်ညံၚ်ရဴသဵုသၟတ်ပ္ဍဲပေဲါပဿခါဂှ်ရ။ ညးဝွံ မဒှ်သဵုသၟတ်သ္အးဇ္ၚးဟွံမွဲကဵုဒုဟ်ရ။ နာဲယေသှုဝွံ ချိုတ်အာပ္ဍဲအခိၚ်ပေါဲပဿခါဂှ်ရ။ဇၟာပ်မၞိဟ်တံ ယဝ်ရပ္တေဟ်နာဲယေသှုမ္ဂး ဆီညးဝွံ ဒှ်သွက်ဂွံဗၠးကဵုဒုဟ်မၞိဟ်မနွံကဵုဒုဟ်တံရ။ယဝ်ပ္တေဟ်နာဲယေသှုမ္ဂး ကျာ်ဝိုတ်ထောံဒုဟ်မၞိဟ်တံတုဲ ညးဗၠးကဵုဒုဟ်ဒန်ရ။

ကျာ်ထာဝရဝွံ စွံလဝ်ကတ္တိကကဵု မၞိဟ်ဂကူဣသရေလရ။ဂကူဣသရေလဝွံ ဒှ်ဂကူကျာ်ရုဲကံက်လဝ်ရ။ ဆမ္ဂး ကတ္တိကတၟိစွံလဝ်လၟုဟ်ဝွံ ဒှ်သွက်မၞိဟ်တံသီုဖအိုတ်ရ။ ယဝ်ရဇၟာပ်ဇၟာပ်မၞိဟ်၊ ဇၟာပ်ဇၟာပ်ဂကူသီုဖအိုတ်တံ ဒုၚ်တဲကတ္တိကတၟိဏံမ္ဂး ဂွံအခေါၚ်ဒှ်ကောန်ကျာ်ရောၚ်။ မူဟိုတ်ကျာ်ကဵုအခေါၚ်ရောဟီုမ္ဂး ဟိုတ်နူညးပ္တေဟ်နာဲယေသှုရ။

မဝ်သေဝွံ ဒှ်ပရောဗက်လလောၚ်တြးအရေဝ်ကျာ်ရ။ပ္ဍဲပရောဗက်ဂမၠိုၚ်ဂှ် ယေသှုဝွံဒှ်ပရောဗက်ညးမသၠုၚ်ပြဲအိုတ်ရ။ အရေဝ်နာဲယေသှုဟီုလဝ်ကဵုကၠောန်လဝ်သီုဖအိုတ်တံဂှ် အတိုၚ်သၠပတ်သမ္မာကျာ်ထာဝရရ။ ညးဝွံ ဒှ်ကျာ်ထာဝရရ။ ဟိုတ်ဂှ်ရ နာဲယေသှုဝွံ ဒှ်သၠပတ်သမ္မာကျာ်ထာဝရရ။

ကျာ်ထာဝရကဵုလဝ်ကတိဨကရာတ်ဍာဝိက်မ္ဂးဂှ် ပ္ဍဲကဵုတၞောဝ်ဒတောဝ်ဒါဝိက်မွဲဂှ် ဂွံအုပ်ဓုပ်မၞိဟ်ကျာ် လၟိုန်ထာဝရရောၚ်။ နာဲယေသှုဝွံ ဒှ်တၠညးဟံၚ်ပြာ်၊ ဒှ်ကောန်ကျာ်ရ။ သာ်ဂှ်ရ ယေသှုဝွံ ဒှ်တၞောဝ်ဒတောဝ်ဍာဝိက်တုဲ အုပ်ဓုပ်မၞိဟ်ကျာ်လၟိုန်ထာဝရရ။

ဍာဝိက်ဝွံ ဒှ်ဨကရာတ်ဂကူဣသရလေတံရ။ ဆမ္ဂး နာဲယေသှုဝွံ ဒှ်ဨကရာတ်အလိုက်လောကရ။ ညးဝွံ က္ညစှ်ေကၠုၚ်မွဲဝါပၠန်တုဲ နကဵုဗဗွဲဓဝ်၊ ၜိုဟ်လလံဂှ် ကလေၚ်အုပ်ဓုပ်ဍုၚ်ညးထာဝရပၠန်ရောၚ်။

ပုံသၠပတ်သမ္မာ : သၠပတ်ပထမကဝ် ၁-၃၊၆၊၁၄၊၂၂၊ သၠပတ်ဗၠးတိတ် ၁၂၊ ၂၀၊ ဓမ္မရာဇာဝၚ်ဒုတိယဝက် ၇၊ ဟေဗြေဝ်သြဝါဒ ၃း၁-၆၊ ၄း၁၄၊ ၅း၁၀၊၇း၁-၈း၁၃၊ ၉း၁၁-၁၀း၁၈၊ သၠပတ်ပယျးဒိုဟ်၂၁