၂၃။ ယေသှုက္တဵုဒှ်မၞိဟ်

မာရိဝွံ သၟာန်သၟုက်လဝ်ကဵု မနွံယၟုယဝ်သာတ်မၞိဟ်သ္တပ်သ္တးမွဲရ။ အခိၚ်ယဝ်သာတ်မိၚ်ပရိုၚ် မာရိဗုၚ်ဒၟံၚ်ဂှ် ညးတေံတီဒၟံၚ်ကောန်ညးတေံဟွံသေၚ်ရ။ သာ်ဂှ်ရ ညံၚ်ရဴသိက္ခာမာရိဟွံဂွံစှ်ေဂှ် ညးတေံစွံမေတ္တာလ္တူဗြဴမာရိတုဲ ဂွံပြးထောံသ္ၚိတ်တ်ဇြဇြဂှ်ကူချပ်ရ။ ကၠာညးတေံဟွံကၠောန်အရာဂှ် ကလုတ်အကာသမွဲ က္ညစှ်ေကၠုၚ်ပ္ဍဲညးတေံတုဲ ကဵုလ္ပံညးတေံရ။

ကလုတ်အကာသဟီုဂးဂှ်“ ယဝ်သာတ်၊ ဂွံထပ်တဲကဵုမာရိဂှ် လ္ပဖေက်ညိ။ ကောန်ၚာ်ပ္ဍဲဗုၚ်မာရိဂှ် ကၠုၚ်နူကဵုဝိညာန်မသ္အးသ္ၚးရ။ မာရိဂှ် ၜံၚ်ဂွံကောန်တြုံမွဲရောၚ်။ ကောန်ၚာ်ဂှ်ဒးခုတ်ယၟု “ ယေသှု” ရောၚ်။ အဓိပ္ပဲါယေသှုဂှ် 'တၠညးဟံၚ်ပြာ်'မဒှ်ရ။ မူဟိုတ်ရောမ္ဂး ဒုဟ်မၞိဟ်သီုဖအိုတ်တံဂှ် ညးဟံၚ်ပြာ်ကဵုရောၚ်။”

ယဝ်သာတ်လေဝ် ထပ်တဲမာရိတုဲ နကဵုဗြဴ ညးတေံဂှ် ကော်ဏာပ္ဍဲသ္ၚိရ။ ဆမ္ဂး ယဝ်သာတ်ဝွံ ဒဵုကဵု မာရိဟွံသၠးဂဗ္ဘဏီဂှ် ဟွံမံၚ်မွဲစွံရ။

အခိၚ်မာရိဂွံသၠးဂဗ္ဘကြပ်ကၠုၚ်ဂှ် ယဝ်သာတ်ကဵုမာရိဝွံ တိတ်အာတြဴသ္ၚောဲသ္ၚောဲ ပ္ဍဲကဵုဍုၚ်ၝေသလိမ်တေံရ။မူဟိုတ်ရောမ္ဂး က္ဍိုပ်သ္ကိုပ်ရဝ်မတံ မိက်ဂွံကံက်စရၚ်မၞိဟ် ပ္ဍဲကဵုတိဍာ်ဣသရေလဂှ်ရ။ဇၟာပ်မၞိဟ်ဂွံစဴကၠုၚ် ပ္ဍဲကဵုဍုၚ်ဇုဇဗဴလညးတံဂှ် ရဝ်မတံပၟိက်နွံရ။ ဨကရာတ်ဍာဝိက်ဂှ် က္တဵုဒှ်မၞိဟ်ပ္ဍဲကဵုဍုၚ်ၝေသလိမ်ဂှ်ရ။ ညးဝွံ ဒှ်ဇုဇဗဴလမာရိကဵုယဝ်သာတ်ရ။

မာရိကဵုယဝ်သာတ်ဝွံ စိုပ်အာပ္ဍဲဍုၚ်ၝေသလိမ်ရ။ ဆမ္ဂး မ္ၚးနူကဵုခရိုၚ်ဂၠဴဂှ် ဒၞာဲဇူဒပ်ဟွံမွဲရ။ ပ္ဍဲကဵုခရိုၚ်ဂၠဴဂှ် မာရိၜံၚ်ကောန်ၚာ်ရ။ မာရိဝွံ ကောန်ၚာ်ဂှ် ခတိက်လဝ်ပ္ဍဲခွက်စၞဂၠဴဂှ်ရ။ ကောန်ၚာ်ဂှ် ခုတ်ယၟု 'ယေသှု'ရ။

ပယာံဗ္တံဂှ် ရဲမၚ်သဵုလ္ၚဵုတံဝွံ နွံဒၟံၚ်ဗ္ဒာဲဝါခလာတ်ဂှ်ရ။မွဲချိုန်ခနှဂှ် လျးကလုတ်အကာသဝွံ မံက်တိုန်ကၠုၚ်ဂတမုက်ညးတံဂှ်တုဲ ဖေက်လကိုတ်အိုတ်ရ။ ကလုတ်အကာသဂှ်လေဝ် “ လ္ပဖေက်အိုတ်ညိ!မူဟိုတ်ရောမ္ဂး အဲကေတ်နၚ်ပရိုၚ်ခိုဟ်သွက်မၞးတံရ။ပ္ဍဲဍုၚ်ၝေသလိမ်ဂှ် တၠညးဟံၚ်ပြာ်က္တဵုဒှ်မၞိဟ်ယျ" ဟီုဂးရ။

“အာဂၠာဲကောန်ၚာ်တေံညိ၊ ကောန်ၚာ်ဂှ် ဂွဳလဝ်ကဵုယာတ်တုဲ ခတိက်လဝ်ပ္ဍဲခွက်စၞဂၠဴဂှ် မၞးတံဂွံဆဵုရောၚ်။” မွဲချိုန်ခနှဂှ်၊ ကလုတ်အကာသဂမၠိုၚ်တံ မံက်ကၠုၚ်လ္တူအကးဂှ်တုဲ ထိုၚ်သးဂုန်ကျာ်အိုတ်ရ။ ရမျာၚ်ညးတံဝွံ “ ကောန်ကျာ်နွံဒၟံၚ်လ္တူတိသီုဖအိုတ်တံ ကဵုမိတ်စိုတ်ၜိုဟ်သြိုဟ်အိုတ်ညိအဴ “ ။

တုဲဂှ် ကလုတ်အကာသတံ တိတ်အာရ။ ရဲမၚ်သဵုတံလေဝ် စွံလဝ်သဵုတုဲ အာဂၠာဲကောန်ၚာ်ဂှ်ရ။ခြာဟွံလအ် စိုပ်အာဒၞာဲယေသှု သၠးဂဗ္ဘတုဲ အတိုၚ်ကလုတ်အကာသဟီုလဝ် ဂှ်ဆဵုကောန်ၚာ် ပ္ဍဲခွက်စၞဂၠဴဂှ်ရ။ညးတံလေဝ် မိပ်သၠောၚ်လောန်ကွေံရ။ ရဲမၚ်သဵုတံကလေၚ်စဴဒၞာဲညးတံဂှ်တုဲ ဂွံမိၚ်၊ညာတ်လဝ်အရာသီုဖအိုတ်ဂှ် ထိုၚ်သးဂုန်ကျာ်ရ။

ပ္ဍဲဍုၚ်အရာပ်ဒိုဟ်ဗၟံက်ဂှ် အ္စာတၠပညာပိတၠနွံဒၟံၚ်ရ။ ညးတံဝွံ မနွံကဵုပညာကၠိုဟ်ပရူပရာသၞံၚ်ရ။ ညးတံဝွံ လ္တူဂၠးဒကးဂှ်ဆဵုညာတ်သၞံၚ်တၟေၚ်တၟဟ်မွဲမရ။ ညးတံဟီု “ အဓိပ္ပဲါသၞံၚ်ဏံမ္ဂးဂှ် ပ္ဍဲကဵုဍုၚ်ယုဍတေံ ဨကရာတ်တၟိက္တဵုဒှ်ဒၟံၚ်မၞိဟ်ရ။ ဟိုတ်ဂှ်ရ ဂွံညာတ်ကောန်ၚာ်ဂှ် တိတ်ကၠုၚ်တြဴဗွဲမသ္ၚောဲရ။ ညးတံဝွံ စိုပ်ကၠုၚ်ပ္ဍဲဍုၚ်ၝေသလိမ် ဒၞာဲသ္ၚိမိမယေသှုနွံဒၟံၚ်ဂှ်ရ။

တၠပညာတံလေဝ် ဆဵုညာတ် ယေသှုကဵုမိညးမ္ဂး ထံက်က္ၜံၚ်တုဲ ရေဟ်သေဟ်ရဴဂဴရ။ ညးတံဝွံ ပြၚ်တဲၚုဟ်မးဇၞော်ဇၞော်ဂှ် ကဵုယေသှုတုဲလေၚ်စဴအာသ္ၚိရ။

ပုံသၠပတ်သမ္မာ၊ ခရေတ်ဝၚ်မာတ်သာဲ ၁၊ ခရေတ်ဝၚ်လုကာ ၂