၂၉။ ဍိက်ဟွံမွဲကဵုစိုတ်ဆာန်ဍူ

မွဲတ္ၚဲဂှ် ပေတရုဝွံ “ တဳလဂုန်၊ ယဝ်ရကောဒေံအဲဍိက်တံံ ကၠောန်ဒုဟ်လ္တူအဲဍိက်မ္ဂး မူစိဝါအဲဍိက်ဒးသၠးအခေါၚ်ထေက်ရော? လောန်နူထပှ်ဝါဂှ် ဒးသၠးအခေါၚ်ဟာ” သၟာန်ယေသှုရ။ ယေသှုလေဝ်“ ဒဵုကဵုမပေၚ်ထပှ်၊ ထပှ်စှ်ောဝါဂှ် ဒးသၠးအခေါၚ်ရောၚ်။” အဓိပ္ပဲါယေသှုဟီုဂှ် ပိုဲတံဒးသၠးအခေါၚ်တဝဵုရ။ တုဲဂှ် ယေသှုဝွံ လဴထ္ၜးကဵုပုံဏံရ။

ပ္ဍဲပုံဂှ် “ သန်ထာန်အကာသဝွံ တုပ်ညံၚ်ရဴ ဨကရာတ်မွဲတၠ နွံပၟိက် ဂွံကေတ်စရၚ် ဍိက်တံရ။ ပ္ဍဲကဵုဍိက်ညးမွဲဂှ် လိၚ်ကၠောန်မထေက်ကဵုၜါကိုတ်သၞာံ ဂတှ်မနွံရ။

ဆ္ဂး ဍိက်ဝွံ ဂတှ်သီုဖအိုတ်ဂှ် လေဲဟွံမာန်တုဲ သွက်ဂွံလေဲဂတှ်ဂှ် ဨကရာတ်ဝွံ "ဍိက်ဏံကဵုသ္ၚိကၟိန်ညးဂှ် သွံထောံညိ" စဳရေၚ်သာ်ဂှ်ရ။

ဍိက်ဂှ်လေဝ် ထံက်က္ၜံၚ်ဂတမုက်ဨကရာတ်ဂှ်တုဲ “ ဆာန်ဍူအဲဍိက်ညိ၊ ဂတှ်အဲသီုဖအိုတ်ဂှ် အဲကလေၚ်လေဲကဵုပၠန်ရောၚ်”ဒုန်ဂုန်ရ။ ဨကရာတ်ဂှ်လေဝ် ဆာန်ဍူဍိက်ဂှ်တုဲ “ ဂတှ်သီုဖအိုတ်ဂှ် အဲဗၠးကဵုရ” စဳရေၚ်တုဲ ဗၠးကဵုဍိက်ဂှ်ရ။

ဍိက်ဂှ်လေဝ် တိတ်အာနူဨကရာတ်ဂှ်တုဲ ဆဵုဂဗ ဍိက်တၞဟ်ဟ်ရ။ ဍိက်တၞဟ်ဂှ် ဒးကဵုညးတေံ ဂတှ်သွက်ပန်ဂိတုနွံဒၟံၚ်ရ။ ညးတေံဝွံ တံၚ်ဍိက်တၞဟ်ဂှ်တုဲ ကလေၚ်အာတ်ဂတှ်သီုဖအိုတ်ဂှ်ရ။

ဍိက်တၞဟ်ဂှ်လေဝ် ထံက်က္ၜံၚ်ဂတညးတေံတုဲ “ ဆာန်ဍူအဲညိ၊ ဂတှ်သီုဖအိုတ်ဂှ် အဲလေဲကဵုပၠန်ရောၚ် ” ဒုၚ်ဂုန်ရ။ ဆမ္ဂး ညးတေံဟွံသၠးအခေါၚ်တုဲ ဒဵုကဵုလေဲဂတှ်မာန်ဂှ် ပၠုပ်စွံလဝ်ပ္ဍဲထံၚ် ရ။”

“ အဃောဂှ် ကောန်လိၚ်တၞဟ်မွဲဝွံ ဆဵုညာတ်အရာဂှ်မ္ဂး စိုတ်လီုတုဲ ပရူသီုဖအိုတ်ဂှ်လဴထ္ၜးကဵုဨကရာတ် ရ။”

ဨကရာတ်ဂှ်လေဝ် ကော်ဍိက်ဂှ်တုဲ “ ဍိက်ယုတ်မာ ဟိုတ်နူမၞးဒုန်ဂုန်အဲတုဲ ဂတှ်မၞးဂှ် အဲဗၠးကဵုတုဲရ။ မၞးလေဝ် ဒးကၠောန်သာ်ဂှ်ထေက်ရောၚ်” ဟီုဂးရ။ ဨကရာတ်ဂှ်လေဝ် ဒေါသတိတ်ဗွဲမလောန်တုဲ “ဂတှ်သီုဖအိုတ် ဒဵုကဵုလေဲမာန်ဂှ် စုတ်လဝ်ပ္ဍဲထံၚ်!”သာ်ဂှ် စဳရေၚ်ရ။

တုဲဂှ် ယေသှုလေဝ် “ ညးမနွံဒၟံၚ်လ္တူဘုံအကာသ၊မအံက်တဳလပိုန်ဝွံ နူပ္ဍဲကောန်စိုတ်မၞးတံ ဟွံသၠးအခေါၚ်ကဵု ညးမွဲမွဲမ္ဂး၊ လ္တူမၞးတံလေဝ် ညးဟွံသၠးကဵုအခေါၚ်ရ” သာ်ဂှ်ဟီုထ္ၜးရ။

ပုံသၠပတ်သမ္မာ : ခရေတ်ဝၚ်မာတ်သာဲ ၁၈း၂၁-၃၅