၃၅။ ပုံစိုတ်ဂရုဏာအပါ
မွဲတ္ၚဲဂှ်၊ မၞိဟ်ဗက်အခေါန်ကဵု မၞိဟ်ဟွံဒ္ဂေတ်ဗက် ဓဝ်မဝ်သေတံဝွံ ဂွံကလေၚ်ဓဝ်ယေသှုဂှ်စိုပ်ကၠုၚ်ရ။ ယေသှုဝွံ ဟီုတွံဒၟံၚ်ကဵု မၞိဟ်ဂမၠိုၚ်တံဂှ်ရ။
ယေသှုဝွံ ညံၚ်ရဴမိသဟာဲဂှ်ဟီုတွံဒၟံၚ်ကဵုညးတံရ။ က္ဍိုပ်သ္ကိုပ်ဘာသာလ္ၚဵုတံ ညာတ်တုဲ “အရာဗၠေတ်ဂှ် ညးကၠောန်ဒၟံၚ်ယျ” ဟီုဂးညးသ္အအ်အိုတ်ရ။ ယေသှုလေဝ် မိၚ်အရာဂှ်တုဲ လဴထ္ၜးကဵုပုံဥပမာမွဲရ။
ပုံယေသှုဝွံ“ မၞိဟ်မွဲဂှ် ကောန်တြုံနွံဒၟံၚ်ၜါရ။ကောန်ဍောတ်ဝွံ ‘ အပါ! ပိုန်ဒြပ်အဲပိုၚ်ထေက်ဂှ် ကဵုအဲလၟုဟ်ညိ!’ ဟီုရ။ အပါဂှ်လေဝ် အတိုၚ်ကောန်ဍောတ်အာတ်ဂှ် ပါ်ကဵုအာဲရ။”
“ ခြာဟွံလအ် ကောန်ဍောတ်ဝွံ ဂွံအာဲတုဲ တိတ်အာသ္ၚောဲသ္ၚောဲမ္ဂး စသုၚ်ပၠေၚ်ထောံအိုတ်ရ။”
“ အခိၚ်ပိုန်ဒြပ်အိုတ်အာဂှ် ဒၞာဲဒေသညးတေံလေဝ် ဒဒိုက်စၞကၠောဝ်ဂှ်ဒှ်ကၠုၚ်ရ။ ကောန်ဍောတ်ဝွံ ဂွံရာန်စၞစဂှ် လှဲဟွံမွဲတုဲ ကၠောန်ကမၠောန် ဗ္စစၞကၠိက်ရ။ ညးတေံဝွံ ဒှ်ဒဒိုက်စိုတ်တုဲ ကၠောဝ်ဗျဵုဒဵုကဵုဒးစစၞကၠိက်ဂှ်ရ။”
“ ကြဴအိုတ်ဂှ်၊ ကောန်ဍောတ်လေဝ် ကူချပ်ကေတ်ရ၊ “ မူအဲကၠောန်ဒၟံၚ်ရော? ကောန်လိၚ်အပါဲအဲဂှ် ဂွံစစၞဖဲလဲဒၟံၚ်ဏီတုဲ အဲဂှ် ကၠောဝ်ဗျဵုဒၟံၚ်ရ။ ကလေၚ်စဴပ္ဍဲဌာန်အပါဲအဲတုဲ ညးဂွံဒုၚ်တဲနကဵုကောန်လိၚ်မွဲဂှ် ကလေၚ်ဒုန်ဂုန်ပၠန်ရောၚ်။”
“သာ်ဂှ်ကူချပ်တုဲ ကောန်ဍောတ်ဝွံ စဴကၠုၚ်ပ္ဍဲဌာန်အပါညးတေံရ။ ကၠာဟွံဂွံစိုပ်သ္ၚိဂှ် အပါဝွံ ဆဵုကောန်ဍောတ်တုဲ စိုတ်ဒှ်ဆာန်ဍူရ။အပါလေဝ် ဂြိပ်ကၠုၚ်ပ္ဍဲကောန်တုဲ ဗန်ဆုၚ်ရ။”
“ အပါ၊ အဲကၠောန်လဝ်ဒုဟ်လ္တူအပါတုဲ ဂွံဒုၚ်ကော်ကောန်ဂှ် ဟွံထေက်တန်ပုဟ်”ကောန်ဍောတ်ဒုန်ဂုန်ရ။”
ဆမ္ဂး အပါလေဝ်ကော်ကောန်လိၚ်မွဲတုဲ “ လစိန်၊ ဒၞပ်၊ ဂၠိက်ယာတ်တၟိတံဂှ်ကေတ်နၚ်ပြဟ်ပြဟ်ညိ၊ ပိုဲတံဂွံကၠောန်ပဒှ်ပေဲါဂှ် ဂစိုတ်ဂၠဴကြောံမွဲ၊(ကောန်အဲဂှ် ချိုတ်အာတုဲလၟုဟ်ဂျိုၚ်တိုန်ယျ! ဍေံကၠေံအာတုဲလၟုဟ်ပိုဲတံဂွံဆဵုပၠန်ယျ!) ”
“သာ်ဂှ်ရ ညးတံစကၠောန်ပေါဲရ။ ခြာဟွံလအ်၊ ကောန်ဇၞော်ဝွံ စိုတ်ကၠုၚ်နူကဵုဝါဂှ် မိၚ်ရမျာၚ်ဒယှ်၊ လှ်ေဒၟံၚ်တုဲ မူညးတံကၠောန်ဒၟံၚ်ဂှ် ဒှ်တဴအံသဝ်ရ။”
“ဟိုတ်နူကောန်ဍောတ်စိုပ်ကၠုၚ်တုဲ ကၠောန်ဒၟံၚ်ပေဲါသဘၚ်ဂှ် ကောန်ဇၞော်တီမ္ဂး ထေဲဗွဲမလောန်တုဲ ဟွံလုပ်ပ္ဍဲသ္ၚိရ။ အပါဝွံတိတ်ကၠုၚ်မ္ၚးတုဲ ကောန်ဇၞော်ဂွံပါလုပ်ပ္ဍဲပေါဲသဘၚ်ဂှ် ဒုန်ဂုန်ရ။ ဆမ္ဂး ညးဟွံလုပ်ရ။”
ကောန်ဇၞော်ဝွံ “ သၞာံဗွဲမဂၠိုၚ်ဂှ် အဲကလၚ်အရေဝ်အပါတုဲ ဒစာန်ကၠောန်ကၠုၚ်ကမၠောန်ကီုလေဝ် သွက်အဲဂွံကၠောန်ပေဲါ ကရောံရဲဂှ် ဗၜေံဍောတ်မွဲလေဝ်အပါဟွံကဵုရ။ ကောန်ဍောတ်အပါကၠောန်လဝ်အရာဟွံခိုဟ်တုဲ စိုပ်ကၠုၚ်ဂှ် အပါဂစိုတ်ဂၠဴကြောံတုဲ ကၠောန်ကဵုပေဲါရ”သာ်ဂှ်ကလေၚ်ဟီုကဵုအပါရ။
အပါဂှ်လေဝ် “ ကောန်အဲ၊ ကောန်ဂှ်နွံဒၟံၚ်ကရောံအပါလၟိုန်တုဲ ပ္ဍဲအပါဆမနွံဂှ် ဒှ်ဒြပ်ကောန်ရ။ (ဒေံကောန်ဂှ် ချိုတ်အာတုဲလၟုဟ်ဂျိုၚ်တိုန်ယျ!) ဍေံကၠေံအာတုဲလၟုဟ်ပိုဲတံကလေၚ်ဂွံဆဵုပၠန်တုဲ ပိုယ်တံကၠောန်ကဵုပေဲါသဘၚ်ရ၊ အရာဂှ်ဍာံရ ”သာ်ဂှ်သောၚ်ထ္ၜးကဵုကောန်ဇၞော်ရ။
ပုံသၠပတ်သမ္မာ : ခရေတ်ဝၚ်လုကာ ၁၅း၁၁-၃၂