၁၈။ ဍုၚ်ပါ်ကၠုၚ်ၜါကရေက်
ဨကရာတ်ဍာဝိက်ဝွံ အုပ်ဓုပ်ဍုၚ်ပွိုၚ်ပန်စှ်ောသၞာံရ။ ဍာဝိက်ချိုတ်တုဲဂှ်'သှဝ်လမောန်' အုပ်ဓုပ်ဂကူဣသရေလရ။ အရာ'သှဝ်လမောန်'နွံပၟိက်ဂှ် ကျာ်ကဵုရ။ ပ္ဍဲကျာ်ဂှ်'သှဝ်လမောန်'အာတ်ညာန်ပညာရ။ကျာ်လေဝ် မိပ်စိုတ်လ္တူအာတ်မိက်ဂှ်တုဲ ကဵုဒှ်တၠပညာသၠုၚ်ပြဲ၊ ပ္ဍဲလောကဏံရ။ သှဝ်လမောန်လေဝ် ကတ်ဗ္တောန်ကၠုၚ်ပညာဍိုက်က်ပေၚ်ၚ်တုဲ ဒှ်တၠပညာဒကုတ်သၞောဝ်မွဲတၠရ။ကျာ်လေဝ် ပိုန်ဒြပ်ဗွဲမဂၠိုၚ်ကဵု'သှဝ်လမောန်'ရ။
ပ္ဍဲဍုၚ်ယေရုသှလေၚ်ဂှ် 'သဝ်လမောန်'ဝွံသုၚ်စောဲကပေါတ်ကြိယာ'ဍာဝိက်'ပကောံလဝ်၊ အတိုၚ်အပါညးတေံစဳဇန်လဝ်ဂှ် သိုၚ်ပ္တန်လွဳမာန်ကျာ်ရ။ လၟုဟ်ဝွံ စဏးသ္ပဝတ်ပ္ဍဲတာဲမဝ်သေဂှ် မၞိဟ်တံသ္ပကၠုၚ်ဝတ်ပ္ဍဲလွဳမာန်ကျာ်ဏံရ။ ကျာ်လေဝ်က္ညစှ်ေကၠုၚ်ပ္ဍဲလွဳမာန်ဂှ်တုဲ မံၚ်ကရောံမၞိဟ်ညးရ။
ဆမ္ဂး ဨကရာတ်သှဝ်လမောန်ဝွံ ဒးစိုတ်မၞိဟ်ဗြဴနူဍုၚ်တၞဟ်တၞဟ်တံရ။ ညးတေံဟွံကလၚ်အရေဝ်ကျာ်တုဲ နူဍုၚ်တၞဟ်တၞဟ်မၞိဟ်ဗြဴမွဲလ္ၚီဂှ်ထပ်ကေတ်တဲရ။ မၞိဟ်ဗြဴဂမၠိုၚ်တံလေဝ် ပတ္တိမာရုပ်နူကဵုဍုၚ်ညးတံဂှ် ကေတ်နၚ်တုဲ သ္ပဝတ်အိုတ်ရ။ အခိၚ်သှဝ်လမောန်ဗျုကၠုၚ်ဂှ် သ္ပဝတ်ကဵုပတ္တိမာရုပ်ဂှ်ရ။
ဨကရာတ်'သှဝ်လမောန်'ကၠောန်လဝ်အရာဂှ်တုဲ ကျာ်ပၞောတ်တိတ်ရ။ ကျာ်ဟီုဂှ် နကဵုဒုဟ်ဒန်မၞးဂှ်အဲကဵုဂကူဣသရေလတံတၞဟ်ခြာၜါဍုၚ်ရောၚ်။ ဨကရာတ်'သှဝ်လမောန်'ချိုတ်အာတုဲဂှ် ကျာ်ကဵုဒှ်အရာဂှ်ရ။
ဨကရာတ်သှဝ်လမောန်ချိုတ်တုဲဂှ် ကောန်ညး'ရောဝ်ၜေါမ်' ဒှ်ကၠုၚ်ဨကရာတ်ရ။ မၞိဟ်ဂကူဣသရေလသီုဖအိုတ်တံလေဝ် သွက်ဂွံပ္တိုန်ဨကရာတ်'ရောဝ်ၜေါမ်'ဂှ် ပကောံကၠုၚ်အိုတ်ရ။နူလက်ထက်တေံဂှ် ဨကရာတ်သှဝ်လမောန်ဝွံ ကံက်အခေါန်ဂမၠိုၚ်တုဲ ကဵုကၠောန်ကမၠောန်သြိုၚ်ၚ်ရ။ လၟုဟ်ဝွံ ကမၠောန်ဂွံသက်သာဂှ် မၞိဟ်တံအာတ်မိက် ပ္ဍဲဨကရာတ်ရောဝ်ၜေါမ်ရ။
ဆမ္ဂး ဨကရာတ်ရောဝ်ၜေါမ်ဝွံ “မၞးတံထေၚ်ဒၟံၚ်ကမၠောန်သြိုၚ်သြိုၚ်ဂှ်အပါအဲကဵုမၞးတံကၠောန်ရ။ဆမ္ဂး ကမၠောန်သြိုၚ်နူအပါအဲဂှ်အဲကဵုမၞးတံကၠောန်တုဲ ကဵုဒုဟ်ဒန်ဇၞော်ဇၞော်ရောၚ်” ကလေၚ်ဟီုကဵုမၞိဟ်တံရ။
မၞိဟ်တံမိၚ်အရေဝ်ဂှ်တုဲ ပသပုန်ကဵု'ရောဝ်ၜေါမ်'ရ။ ဂကူဣသရလေစှ်ဂကူတံဝွံ တိတ်အာနူညးတေံတုဲ သေဟ်ဒၟံၚ်ကရောံညးတေံၜါဂကူရ။ ဍုၚ်ၜါဂကူဏံဝွံ ကော်ခဴစ 'ဍုၚ်ယုဍ'ရ။
ဣသရေလစှ်ဂကူတံဝွံ ပ္တိုန်ဨကရာတ်မၞိဟ်မနွံယၟု "ယေရဝ်ၜေါမ်"ဂှ်ရ။ တေံဂကူဂှ် နွံဒၟံၚ်လ္ပာ်တိဍာ် ဒိုဟ်သၟဝ်ကျာရ။ ဍုၚ်ညးတံဂှ်ကော်ခဴစ 'ဍုၚ်ဣသရေလ'ရ။
ဆမ္ဂး ယေရဝ်ၜေါမ်ဝွံ သ္ပသပုန်ကဵုကျာ်တုဲ ကဵုမၞိဟ်တံဒှ်ဒုဟ်အိုတ်ရ။ ယေရဝ်ၜေါမ်ဝွံ အဇာမၞိဟ်တံဂွံသ္ပဝတ်ကျာ် ပ္ဍဲလွဳမာန်ဍုၚ်ယုဍဂှ် သြိုၚ်ပ္တန်ပတ္တိမာရုပ်ၜါရုပ်တုဲ ကဵုကောန်ဍုၚ်တံသ္ပဝတ်ရ။
ဍုၚ်ယုဍကဵုဍုၚ်ဣသရေလတံဝွံ ဒှ်ကၠုၚ်သၞတုဲ ဟွံလအ်ဟွံလအ် ဗ္တိုက်ညးသ္ကံအိုတ်ရ။
ဨကရာတ်ပ္ဍဲကဵုဍုၚ်ဣသရေလတၟိသီုဖအိုတ်တံ ယုတ်မာကၠုၚ်ရ။ ဨကရာတ်ဗွဲမဂၠိုၚ်တံဝွံ ဒးဒုၚ်ဂစိုတ်ကဵုဂကူဣသရေလ မၞိဟ်ပၠံၚ်ဒၞာဲဨကရာတ်တံရ။
ဨကရာတ်ဣသရေလသီုဖအိုတ်ကဵု ကောန်ဍုၚ်ဗွဲမဂၠိုၚ်တံဝွံ သ္ပဝတ်ကဵုပတ္တိမာရုပ်အိုတ်ရ။ ဟွံလအ်ဟွံလအ် ညးတံသ္ပမေထုန်ဟွံခိုဟ်ဂှ်တုဲ မွဲအလန်မွဲဝါ ကောန်ဇကုဂှ်ပူဇဴ ပ္ဍဲပတ္တိမာရုပ်ရ။
ဨကရာတ်ယုဍဝွံ ဒှ်'မသ'ဍာဝိက်ရ။ ဨကရာတ်ယုဍလ္ၚဵုတံဂှ် ခိုဟ်ဒၟံၚ်ရ။ ညးတံဝွံ သ္ပဝတ်ကဵုကျာ်တုဲအုပ်ဓုပ်ဍုၚ်သ္တပ်သ္တးရ။ ဆမ္ဂးဂှ် ဨကရာတ်ယုဍဂမၠိုၚ်ဂှ် ယုတ်မာရ။ ညးတံဝွံ ဒ္ဂေတ်ဟွံခိုဟ်တုဲသ္ပဝတ်ကဵုပတ္တိမာရုပ်တံရ။ ဨကရာတ်ယုဍလ္ၚဵုတံဂှ်လေဝ် ကောန်ဇကုဂှ် ပူဇဴပ္ဍဲပတ္တိမာရုပ်ရ။ ကောန်ဍုၚ်ယုဍဗွဲမဂၠိုၚ်တံလေဝ် ပသပုန်ကဵုကျာ်တုဲ ရှ်ေသှ်ေကျာ်တၞဟ်တၞဟ်အိုတ်ရ။
ပုံသၠပတ်သမ္မာ : ဓမ္မရာဇာဝၚ်တတိယဝက် ၁-၆၊ ၁၁-၁၂