၁။ လွင်ဖာန် ဘ့လေး
လွင် အန်ဂေ ဒွန်မျုဝ်နီ၊ မှာဝ်အန်ဇဝ်ဖြာ ဒီပါယ်မှာဝ် ဒီစုး ဒီဖါန်ဘ့လေး ဆိန့်ဒေါ်ဂုဝ် ဒင်အာဇ အန်ဂေ ဒွန် မျုဝ်၊ န့ကာလာင် လွင်အန်တီ။ အူဆိန့် ဒေါဂုဝ် ၊ဇ၀်ဖြာဟဲ့ ဖာန် ဘ့လေး တူတ့် ဒွန်မျု၀်။ ဇ၀်ဖြာ ဟဲ့ ဖာန် ဘ့လေး ဘော ဒု၀်ဆတ် တာ၀ါ၊ဘော ပြဲ၊ ဘော ကာဒါယ်ဘောကာဂ့လျီတ့်၊ န့ ဟဲ့ မို၀်း၊ ဒ၀် ဆီငဲ။ ဇ၀်ဖြာ ဟဲ့ ဖာန် ဘ့ လေး ကာဒါယ်၊ န့ ညှမ် မို၀်း မာဆေ ဒီ ကာဒါယ်၊ ဒေါ အန် တီ ကာဒါယ် တူမို၀်း အာရိုပ်၊ အန် ဘော အပ်၀ွင့် ဒဲင် ကာ ဒါယ်။ န့ ဟဲ့ မို၀်း၊ န၀်း ဖွိုမ် ဇ၀်ဖြာ ဒဲင် ကာဒါယ်။
၀ါယ် အန် တီ၊ ဇ၀်ဖြာ ၀ီ တ၀်း၊ "တဲး န့ ဘ့လာင် ဒဲင် ကာဒါယ်"။ ခုဝ် အန် တီ၊ န့ ဘော ဝီ မိုဝ်း ဘ့လာင် ဒဲင် ကာဒါယ်။ ဇဝ်ဖြာ ဟဲ့ ယွတ် ဘ့လောင် တီ န့ ကော လဝ် နဝ်း အန် ဇဝ် ဖြာ။ အန်ဘော တဲး န့ စိူဝ် ဆီငဲ။ ဟဲ့ ဟွတ့် ဇဝ်ဖြာ ဝီ ကာ ယဝ်း ဘ့လာင် ဂါယ် အပ်။ အပ် တီ အန် စိူဝ် ခဲင် မှိုင်။ ဇဝ် ဖြာ ဟဲ့ ဖာန် ဘ့လေး ဘ့လာင် တီ န့ ဟဲ့ မုး ဆီ ငဲ အူဆိန့် ဒေါဂုဝ်။
လွင် ဖာန် ဘ့လေး ဆီ ငဲ ဟာ အာ ဇဝ်ဖြာ တဝ်း "တဲး န့ ဘဲန် အိုမ် နာ ဒဲင် အိုမ် တဲး န့ မိုဝ်း ဂါင်ဟြာဝ်"။ ခုဝ် အန် တီ န့ ဘော ဘဲန် ဂါင်ဟြာဝ်။ ဂါင်ဟြာဝ် တီ ဇဝ်ဖြာ မိူဝ် တဝ်း စိူဝ် ဘ့လေန်။
လွင် ဆီငဲ ဟာ အူယ် ဇ၀်ဖြာ ၀ီ တ၀်း၊ "တဲး အိုမ် ကိူန့် ကာဇု တူတ့်အူ ပ့လု၀့်"။ ကာ ဒူင့် အာ၀် မို၀်း အိုမ်အန် ဘော စိူ၀် "ကာဒါယ်"၊ ကာ ဒူင့် ကာဇု အိုမ် ဘော စိူ၀် အိုမ် "နာမူဆာရာ"၊ ဇ၀်ဖြာ ၀ီ ယွတ် ပီ ဟဲ့ ဖာန်ဘ့လေး အန် န့ ဟဲ့ကျက် ကာဆ၀်။
၀ါယ် အန် တီ၊ ဇ၀်ဖြာ ၀ီ တ၀်း၊ "ဒဲင် ကာဒါယ် နီ၊ တဲး န့ လေး ပေတ့် ဘောဒ၀် ဘဲန် မျု၀် ဘဲန် မျု၀် တဲး န့ လတ် လေး တူတ့်" ဒဲင် ကာဒါယ်။ ဇ၀်ဖြာ မိူ၀် ယွတ် န့ ဟဲ့ ကျက် တူတ့် ဒွန် မျု၀် ပီ ဟဲ့ ဖာန်ဘ့လေး အန်။
လွင် ဆီငဲ န့ဖွုန် ဇ၀်ဖြာ ၀ီ တ၀်း၊ "တဲး န့ မို၀်း ဘ့လေန် ဘ့ လာင်ခဲင် ဂါင်ဟြာ၀်။ ဆီ ငဲ ဂေ ဆီမန့်န့ ဘော ဝီဘဲန်တူတ့် ဒွန် မျု၀်"။ ဟဲ့ ဟွတ့် ဇ၀်ဖြာ ၀ီ တ၀်း၊ အု၀် ဟဲ့ ဒွါ တဲး န့ ဘ့လာင်ဒဲင် ကာဒါယ်၊ ဆီငဲ၊ ခဲင် မှို၀်၊ အီ ပွိုန် ဒီ တိးအာခါန် အန် ဂေ ဆီငဲ အန်၊ ဆီနမ် အန်။ ဇ၀်ဖြာ မိူ၀် ယွတ် န့ ဟဲ့ ကျက် တူတ့် ဒွန် မျု၀် ပီ ဟဲ့ ဖာန်ဘ့လေး အန်။
လွင် ဆီငဲန့ဖန် ဇ၀်ဖြာ ၀ီ တ၀်း၊ “တဲး န့ မို၀်း ဒု၀် အီ ကွယ် ခဲင် အိုမ်၊ ဘဲန် မျု၀် ဘဲန် မျု၀်၊ တဲး ဂေ ကိူန့် အန် ဇဝ်ဖြာ အေ လေး၊ ဘော ခဲင် ဂါင်ဟြာ၀် တဲး န့ မို၀်းမာဆိမ် နပ် ဒီ ဘေန့်"။ ပါယ် တီ ဇ၀်ဖြာ ၀ီ ဘူင် ဘ့လေး မာဂါ အီ တာင် အီ တျီတ် ဂေ ဒု၀် ဆတ် တာ ၀ါ အီ ကွယ် ခဲင် အိုမ် ဒွန် မျု၀်၊ ဘော မာဆိမ် နပ် ဒီ ဘေန့်။ ဇ၀်ဖြာ မိူ၀် ယွတ်န့ ဟဲ့ ကျက် တူတ့် ဒွန် မျု၀် အန် ၀ီ မွင့်ကာရာ ဒွါ ဒီ ဂေ။
လွင် ဆီ ငဲ န့ဒ၀် ဇ၀်ဖြာ ၀ီ တ၀်း၊ "တဲး န့ မို၀်း ဒု၀် အီ မို၀်း အာဆာက် ဒွန် မျု၀်ဒဲင် ကာဒါယ်"။ ၀ါယ် အန် တီ န့ ဟဲ့ ဘဲန် တူတ့် ပီ တ၀်း ဇ၀်ဖြာ တီ။ ဇ၀်ဖြာ ပီ ၀ီ တ၀်း တဲးန့ မို၀်း ဒု၀် ဆတ် တာ ၀ါ၊ အီ ကွယ် ခဲင် ပြဲ၊ ဂေ မာ၀လှိန် ဟာ၀် ဒဲင် ကာဒါယ် ဒွန် မျု၀်၊ ၀ါယ် အန် တီ၊ ဇ၀်ဖြာ ၀ီ ယွတ်န့ ဟဲ့ ကျက် အာ တီ။
၀ါယ် အန် တီ၊ ဇ၀်ဖြာ ၀ီ တ၀်း၊ "တဲး အေ ဘူင် ဒူအီ၊ တဲး ဂေ ပီ အေ ဇ၀်ဖြာ၊ ဘော အာ ရိုပ် ဂေ တဲးန့ ပီ ဇ၀်ဖြာ။ ဒူအီ ဂေ တီ၊ ဒု၀် ဆတ်တာ၀ါ အီ ကွယ် ဒဲင် ကာဒါယ် ဘော ဂေ ဒုဝ် ဆတ် တာဝါ ဘောကာဂ့လျီတ့်" အန် လု၀် အိုပ် တူတ့် အန် ဇဝ်ဖြာ ကာလာင် ဘျ ပါယ် တီ။
ပန်တီ အန်ဇဝ်ဖြာတွိုန် ဘောဝီဒိုဝ်း ကာဒါယ်ဝီဘူင် အာရိုပ် အာရာင် ဒူအီ၊ ဝီဟိုဝ်းဟပ် ဖွိုန်အာဆာင် အိမ်တဲး န့ဘဲန်ဒူအီ၊ စိုဝ် ဒူအီတီ၊ အန်စိုဝ်အာဒမ်၊ အန်ဇဝ်ဖြာတွိန် ဝီဖါန်ဘ့လေး ကာပိုမ်တာင်၊ အာဒါပီ ဒီလုဝ် ကွယ်အာဒမ်၊ အန်ဝီစ်ု အာဒမ် ဘာကာပိုမ်တီ။
ဇ၀်ဖြာ ဟဲ့တ၀်း ကာ တဲ ကာပိုမ် တွိုန် န့ ဟဲ့မို၀်း ဟေ အူ ကာဒင်အန် တဲး အီ နပ် အီမွှိုမ် ဂါယ် အီ တူ မွှိုမ်။ ဇ၀်ဖြာ တ၀်း၊ ဒီ “ဒါ အာဒမ်“ မဲ ဟဲ့ ပွိုန် ဟူမ်ဟေ ဘ့ လေ ဒွန် မျု၀် ခဲင် ကာပိုမ် နီ န့ ယီ မို၀်း ဟေ အူ ကာဒင် အာ ပွိုန် ဟူမ် အာတီ၊ ဆေ မဲ ဟဲ့ ဟူမ် မဲ လု၀် ယမ်။
၀ါယ် အန် တီ၊ ဇ၀်ဖြာ ဟဲ့ နပ် ဒူအီ အူ၀ီ ကွယ် အာ၀် ဒါခိုယ်၊ ဂေ ဒု၀် ဆတ်တာ၀ါဒွန် မျု၀် ခဲင် ဒု၀် ဂေ တီ ဇ၀်ဖြာ ယီ တူ ယို၀် အာ ဆေ အီ စွယ် ဒူပ် ဒူအီ တီ။
ဟဲ့ ဟွတ့်၊ ဇ၀်ဖြာ တဲး ဒူအီ မို၀်း န၀်း ဆီအိတ်၊ တဲး အန် အိတ် ဆီချာ၊ အန် ၀ီ ဒို၀်း လေးကာအာင်ဘြေတ့် ဒါ အာဒမ် အူ ဘူင့်၊ ဟဲ့ ဟွတ့် အန် ၀ီ ဘူင် တဲး န့ ဘဲန် အီဘေန့်၊ ဟဲ့ ဟွတ့် အန် ၀ီ ဒို၀်း ဒွါ ဒီဒါ အာဒမ်။
ဒါအာဒမ်တွိုန်အန်ဟဲ့ ယို၀် ဒူအီ၊ အူ၀ီ အီပီအန်၊အု၀်ဒီတဲးအန်စိူ၀်အီဘေန့်။ ခု၀်၊ဟဲ့ ဟွတ့် ဘဲန်အီဘေန့်အီ မာယ်။ အီမာယ်တီ အန်လု၀်၀ဲန်ဂုန့်၊ မာအန်၊ တဲးအန်ဒူပ်အီဘိုန့်အန်။ခု၀်၊ အီဘေန့်တီ အန်ဟဲ့ဘဲန် ဒီအီမာယ် အန်။
ဇ၀်ဖြာဟဲ့ ဖာန်ဘ့လေးအီမာယ်ဂါယ်အီဘေန့်ပီအာရိုပ်အန်၊ ဇ၀်ဖြာမွင့်ကာရာဒွါဒီဂါယ်၊ တဲး ဘာယ်ဘြဲကိူန့်၊ တဲးဒူ အီကောနု၀့်ဒဲင်ကာဒါယ်နီ၊ဟဲ့ ဟွတ့် ဇ၀်ဖြာ၀ီယွတ်ပီဟဲ့ ဘူင်အန်န့ဟဲ့ ကျက်ကာ ဆ၀်လ၀့်န၀်းအန်။အာနီန့ ဟဲ့ မုး ဒ၀်ဆီငဲ ဟဲ့ နု၀့်။ အန်ဇဝ်ဖြာ ဖာန်ဘ့လေး။
လွင်ဟဲ့ ဇမ်ဆီငဲမ့ဘူ၊ဇ၀်ဖြာဟဲ့ ဟွတ့် ဘူင်တူတ့် ဒွန်မျု၀်။ န့ဟဲ့နု၀့်ဒ၀်ဆီငဲ၊ ဟဲ့ ၀ီ ဇမ် ဆီငဲ န့ဘူ၊ ဇ၀် ဖြာ ၀ီ မွင့် ကာ ရာ၊ တဲးဆီငဲတီဘဲန်ဆီငဲဘွတ်။ မှ၀်န့ပါယ်ခု၀်အန်၊ ဇ၀်ဖြာမိူ၀်ဒီလှ၀်တူဘူင်မာဆေ။ ခု၀်၊ ဇ၀်ဖြာဟဲ့ ဟွတ့် ဖာန်ဘ့လေး တူတ့် ဒွန်မျု၀်ဂါင်ဟြာ၀်၊ ဂေကာဒါယ်ဘောကာဂ့လျီတ့်။
A Bible story from: Genesis 1-2