၃၄ - ပီမာနုဝ် အန်ဇဝ်ယေဆူ အူဖါမာ အန်ဘောမျုဝ်

အန်ဇဝ်ယေဆူ ခဲတာ အာဘိုမ်လွင်မိူင်ခြီဝ် အန်ဇဝ်ဖြာ၊ အန်တာ အူဖာမာအန် အန်တဝ်း မိူင်ခြီဝ်အန်ဇဝ်ဖြာတီ န့ပီကာအာင် ဟေဒီရုက်၊ ပီဆမ် ဒါအူဝီ ခဲင့်နာ အန်၊ ဘေဟဲဟွတ် ဒွိုမ်ယိုဝ် ခဲင်ကွယ် ကာ အာင် ဒွန်မျုဝ် ဟဲမုးကာ အာင် ဟေ ဒီရုက်၊ န့ ဒီတဲတ်လွှိုမ်ဂေ။

မာ လဲ ကာ အာင် ဟေ ဒီ ရုက် တီ၊ ဟဲ ဟွတ် လတ့် တွိုန် မိူဝ့် အန် မိူဝ် ဘော ဟြောတ့် စ်ုဘော ရာ အန် ဂေ နီ ဘော ဂီ ကာ ဘ့ ပြး တာင် ဘော မာ ဆိမ် ဂေ ပွိုန် တးစုး ဒီလှာဝ် ဒီ ရာ အန်၊ ခဲင် ကွယ် ဟေဒွန် မျုဝ် ခဲင်ကာ ပိုမ်တီ ဟဲ မုး ဟေ တီ အီ တာင် လွှိုမ်ဂေ။

အာ ဘိုမ် ပေါ အူ မျုဝ် နီ အာ ခါ၊ အန်ဇဝ် ယေရှု တဝ်း မိူင်ခြီဝ် အန်ဇဝ်ဖြာ တီ နံ ပီ အီ ဘေန့် အူဝီ၊ အန် မုး ဆီ နမ် ပြး ငဲတ့် ကာ ဝှါ ခဲင်ကာ ဘဲ့ စူက် ဘူင် တဲး န့ ဘဲန် ခါ မုန် အန် တဝ်း ပါယ် တီ။

မိူင် ခြီဝ် အန်ဇဝ် ဖြာနီ၊ န့ပီ ဒါ အူ ဝီ ဒိပ် အုန် ဇီ ဒိူက် ရွိုန် ဂေ ခြီဝ် ခဲင် နာ အန်၊ ဒါ အူ ဝီ ဘော ဟာဝ် ဟဲ ယိုဝ် အာ တီ အန်ဆီ ပွိုန် ကာဆဝ်၊ ခုဝ် အန် ဘော ဝီ ကာ ထုဝ့် ဒိပ် ပေါ အူ ပ့ လုဝ့် နဝ်း အန် မိူဝ် ဒီ ထွိုမ် ကာ ဆဝ်၊ ဘော နဝ်း ဒါ ခိုယ် အန် ဘောဝီ ယွင့်တူတ့် ကြုဝ်ကြာမ် အန်ဂေ နီ ခုဝ် အန်လုဝ်ဝီ စိုင်း နာ ပီ ဒိပ် အုန် အန် ဇီ ဒိူက် ရွိုန် ဂေ ခြီဝ် တီ။

မိူင် ခြီဝ် အန် ဇဝ် ဖြာ တီ န့ ပီ ဆဲန် ငဝ်း ကာ ဆဝ် အူ ဘူင့် ဒါ အီ လဲ ဆဲန် တွိုန် ဆီပွိုန် ကာ ဆဝ် ဆဲန် တီ၊ အန် လုဝ် စိုဝ်း အန် ဘော ဝီ ယွင့် တူတ့် ကြုဝ်ကြာမ် အန် န့ ပီ အာတီ။

ဒူ အီ မင် အီ အာ ခ်ု ဂေ ထာင် ပီ ဘူင် ဂေ ဟဲ ကျ ဟဲ မုး၊ ဂေ ထာင် ဟဲ လွဝ့် နဝ်း ဇဝ်ဖြာ၊ ဂေ ဝီ န နဲ အီ ဟဝ်၊ ပန် တီ အန်ဇဝ်ယေဆူ မိူဝ် ဝီ ယဲတ့် ဟာဝ် ဂေ ခဲင် ဝဲင် ဟုဝ် ကြိုပ် ဇဝ်ဖြာ အာ ဒါ အူ ဝီ မုး ဒူ အီ ဂဲပ် ရွိုန် ဂုန့် မာန် မိူင်၊ ပေါ အူ ဝီ မုး ဒါ ဆာ ရာ ဘူင် ဂါန် ဇဝ်ဖြာ၊ အန် ကာ လာင် လွင် အာ ဘိုမ် ပါယ် တီ။

ဒါ ဆာ ရာ ဘူင် ဂါန် ဇဝ်ဖြာ တွိုန် မိုဝ် ဘော ဝီ ကြိုပ် ဆီ ခိုဝ် တဝ်း အုဝ် နီ အာ ခါ၊ အုဝ် တူ ပီ ဒါ အီ ဂဲပ် ရွိုန် စိုင် ဂါယ် ဒါ ဇူမ် အီ တူ ဘူင် နာ တူ မွိုမ်၊ ဝီဝ် ဒီ လုတ့် အီ ဘေန့် အီ့ ခုဝ် ဂုင် ဂေ ဇူ မဲ ဇဝ်ဖြာ ဟဲ တာင် ကာ ဆာဝ်။

အူ ဖါ မာအန် အာ ခ်ု ဘူ ဆီ ငဲ နီ အာ စိုပ် အုဝ် ယိူန် ပီ ဒီ ဟူမ် အုဝ် ခဲင် ကွယ် ကြိုဝ် ကြာမ် အုဝ် ရွိုန် အုဝ်၊ အုဝ် လှူ ဒီ ဇဝ်ဖြာ၊ ဂိုဝ် ဘုန် အူ ဘုန်။

မာ လဲ ဒါ အီ ဂဲပ် ရွိုန် စိုင် တွိုန် အန် ယီ ကွယ် ကာ တူင့်၊ အန် တူ ယ ဆာ ဂိုဝ်း ဂါင် ဟြာဝ်၊ အန် ဘော ပါ ဘာင် နဝ်း အန်၊ အန် ဘော မှာန် ဆာ ခိုဝ် တဝ်း၊ အိုယ် မဲ ဇဝ်ဖြာ တဲး မဲ ကာ ဝေ အုဝ် နီ။

ပန်တီ အန်ဇဝ်ယေဆူတဝ်း အုဝ် ဒီ ကာလင် အခါ ခ်ု လွင် နာ ဘ့ လာင် ဒါ ရာ အီကာဇီ၊ အီမုး အာ ခါ ခ်ု ဒီ ဘေ၊ အန် ဇဝ်ဖြာ ဝီ တဝ်း၊ ပီ ဆာ ခိုဝ် ဒါ အီ ဂဲပ် ရွိုန် စိုင် တွိုန် ဟဲ မုး လွိုမ် ပီ ဆာ ခိုဝ် ဒါ ဆာရာ အီဘူင် ဂါန် ဇဝ်ဖြာ တီ၊ ခုဝ် ဒူ အီ မိုဝ်း နဝ်း ပီ ခိုက် အန် တူ လဝ့် နဝ်း ဇဝ်ဖြာ။ ဒူ အီ နပ် ဒီ ရုဝ် ဆေ အီ ဟဲ လ့ဝ် နဝ်း ဇဝ်ဖြာ၊ အန် ဇာတဝ်း ပါယ် တီ။

A Bible story from: Matthew 13:31-33, 44-46; Mark 4:30-32; Luke 13:18-21; 18:9-14