၃၇ - လွင် ဇဝ်ယေဆူ တဲး ဒီ အာ လာဇာရုတ် ဝီ ယိတ့် ဝီ အိမ်

န့ မိုဝ်း ဒါ အူ ဝီ စိူဝ် အာ လာဇာရုတ်၊ ဘော ဂါယ် အူ ကတ် အူ ဝါ၊ အီ စိူဝ် နာင် မာရီ ဂါယ် နာင် မာထာ ကွယ် ရိူမ် ဒူပ် အန်။ ဂေ တီ လာယ် နပ် ဒီ အန် ဇဝ်ယေဆူ ဂေ မုး အူ ဂိုဏ်၊ န့ မိုဝ်း အာ ဒါ အူ ဆီငဲ မိုဝ်း ဒါ အူ ဝီ အန် တ ဒဲး အန် ဇဝ်ယေဆူ၊ အန် တဝ်း "အာ လာဇာရုတ် တွိုန်၊ ဟဲ ဆဝ် ဆီ ဖိုဝ်"၊ အန် ဇဝ်ယေဆူ ဘော ယိုဝ် လွင် အန် တီ မိူဝ် "ဆဝ် အန် တီ တူ တဲး အန် ယမ်။ ကူပ်ဆဝ် အန် တီ၊ ဇဝ်ဖြာ ဒီ ဘျာ အာ ဖုင် ဒင်ခုဝ် အန် အန်ဒီ ဘော တဲး ဒွန် အီ ယိုဝ် လွင် အာ ဖုင် ဒင် ခုဝ် ဇဝ်ဖြာ"။

အာ လာဇာရုတ် နီ၊ အန် ဇဝ်ယေဆူ ရွတ့် ကာဆဝ် အန်၊ အန် မိူဝ် ဝီ နှဝ့် ဘော အာ ဆီငဲ၊ အန် တူ ဟာဝ် ဒေါ် မှဝ် ဒေါ အန်၊ ဝါယ် အန် တီ၊ အာ ဆီငဲ အန် ဇဝ်ယေဆူ တဝ်း ဒီ ဒီ ဘဲ အန် ဂေ "ဟာဝ် အေ ဟာဝ် အိူင် ယူ ဒါ" အန် ဇဝ် ဟဲ ဟွတ့် တဝ်း အာ တီ မိူဝ်၊ "ဆီပါယ် ဘော မုး ဒူ အီ ဂေ အဲ ကွယ် ဒီ တီ၊ ဟဲ ဆီ ငဝ်း အေ မုး"အန် ဝီ တဝ်း ဒီအန် ဇဝ် ပါယ် တီ၊ ပန် တီ အန် ဇဝ် ဘော ဝီ တဝ်း" ဂိုတ် အေ အီ စီူင် အာ လာဇာရုတ် တွိုန် ဟဲ ပွိုန် ဒီ အိတ့် အေ လုဝ် ဘျေတ့် ယိတ့် အန် ၊ အန် ဇဝ် ဝီ တဝ်း ပါယ်တီ။

ဒူ အီ ဂေ အီ ဒူပ် အန် ဇဝ်ယေဆူ တဝ်း၊ အန် ဇဝ် ဘော ဝီကာဇီ ပီ တဝ်း ဂေ အာ လာဇာရုဝ် တီ အန် ပွိုန် ဒီ အိတ် အန် ဒီ ဝ ခီ မုး၊ ပန် တီ အန် ဇဝ် ပီ ဝီ တဝ်း။ အာ လာဇာရုတ် တွိုန် ဟဲဟွတ့် ယမ် အာ ဒါ အုဝ် ဟဲ ဂျ အာ ဆဝ် ကူပ် အာဝ် မိုဝ်း အုဝ်၊ ကာ ဒူင့် ကွယ် ဂေ တီ၊ မှဝ် န့ ပါယ် ခုဝ် အန် တဲး ဘေ ဝီ လုဝ် ညိူမ် အုဝ် အန် ကာ လာင် ဆိူဝ် ဒီ ဂေ ပါယ် တီ။

အန် ဇဝ်ယေဆူ ဘော ဝီ ဟာဝ် ဇမ် ကာ ဒူင့် ကွယ် အာ လာဇာရုတ် ယမ် အာ လာဇာရုတ် တွိုန် ဟဲ့ဟွတ့် နုဝ့် ဖျွုန် ဆီငဲ၊ နင် မာထာ တွိုန် မိူဝ် ဘော ဝီလေး တဲး ယိုဝ် အန် ဇဝ်ယေဆူ၊ ဘော ဝီ တဝ်း "အန် ဇဝ် ဆေ န့ မိုဝ်း မဲ ဒီ နီ အီ ကတ် အုဝ် နီ အာဝ် ဘဲန် ယမ် မာလဲ အုဝ် ဟဲ့ဟွတ့် ညှိုမ်မဲ၊ ပီဘောမှာန် မဲဇဝ်၊ အန်ဇဝ်ဖြာ ဒီတဲး ပ့လူမ် ဒီမဲ၊ အန် တဝ်း ဒီအန်ဇဝ်ပါယ်တီ။

အန် ဇဝ် ယေ ဆူ တဝ်း ၊အုဝ် ဟဲ ဝီ ယိတ့် ဝီ အိမ့် ဘော ဝီ မုး ဘော အာ ဆာက် ၊ ပူ ဒူ အီ အီ ညှိုမ် အုဝ် မိူဝ်၊ အန် ဘော ဟဲ ဟွတ့် ယမ် ဇမ် မိူင် အန် နပ် အိမ် ပ ကဝ် ပါယ် တီ ၊ မဲ ဟဲ ညှိုမ် အာ တီ ၊ အန် ဇဝ် ပီ ဝီ တဝ်း ပါယ် တီ၊ ပန် တီ အာ မာ ထာ တွိုန် ဘော ဝီ တဝ်း မ့ "ဟဲ့ ကာ ဇီ'' ၊မုး ဒူ အီ ပီ ရဝ်း ပီ တိုယ် ဇဝ် ဖြာ တဲး မဲ ချွတ် ဒူ အီ၊ မဲ မုး ဂွန် ဇဝ် ဖြာ အီ ဟဲ့ တး ဇမ် ဒဲင် ကာ ဒါယ် နီ ။" အန်ဝီတဝ်းပါယ်တီ။

ပန် တီ နာင် ဟ ရီ ဘော ဝီ တး ၊ ခြိုပ် ခြဝ် ဒီ အာတ့် ပလဝ် အန် ဇဝ် ယေ ဆူ ''အိုယ် မဲ ဇဝ် ၊ ဆေ န မုး မဲ ဒီ နီ၊ အီ ကတ် အုဝ် နီ တူ လုဝ် ယမ် အန်တဝ်း ဒီ အန်ဇဝ် ပါယ်တီ၊ အန်ဇဝ်ယေဆူ ဘောဝီတဝ်း ဒီဂေ မှာဝ်ဘေ ဘ့လေး အာ လာဇာရုတ် တွိုန်၊ အန်ဇဝ်ဝီ ဒီမွှတ်ဂေ ပါယ်တီ၊ ဂေဘော ဝီတဝ်း၊ ယေ ဟဲ့ဟွတ့် ဟပ်အုန် ခဲင် ကာဒဝ် မာဝ်၊ ဟာဝ် အာနီ မိူဝ်လဲယွတ်၊ အန်တဝ်း ပါယ်တီ၊ ဟဲဟွတ့် အန်ဇဝ်ယေဆူ ဘောဝီ က့လိုဝ် ကာဆဝ်၊ ဘောဝီ ယာမ်။

ကာဒဝ် ဘာရေဝ် တီ ဂေကာဘိတ် တာ မာဝ်တာင် ဘာင်ကာဒဝ် အန်တီ၊ အန်ဇဝ်ယေဆူ ဘော ဝီ ဟာဝ် ဇမ် ဘာင်ကာဒဝ် တီ၊ အန် ဝီ တဝ်း ဒီဂေ "ထုဝ်ဗာဝ် တီ၊ တဲးန့ ဝိုဝ်း" ဒေါအန်တီ။ အာ မာထာ တွိုန် ဘောဝီ တဝ်း၊ အန်ဟဲ ဟွတ့်ယမ်၊ ကော ဝီ နုဝ့် ဘဲန်န့ဖွုန် ဆီငဲ၊ အန်ဟဲ ဝီအုး"၊ အန်တဝ်း ဒီအန်ဇဝ်ပါယ်တီ။

အန်ဇဝ်ယေဆူ ဘောဝီတဝ်း "အာဆေမိုဝ်း နဝ်း ညှိုမ်အုဝ် အန်ဒီယိုဝ်၊ အာဖုင်ဒင်ခုဝ် အန်ဇဝ်ဖြာ၊ န့ မုး ပီ ဟဲဟွတ့် ကာလာင်အုဝ်"၊ အန်ဇဝ်တဝ်းပါယ်တီ၊ ပန်တီမိူဝ်၊ ဂေ ဝီ ကာထုဝ့် မာဝ် တွိုန် အီတဘာင် ကာဒဝ်။

ပန်တီ အန်ဇဝ် ဘောဝီ ဆီဂိုဝ်း ယွတ် ဂါန် ဟြာဝ်။ အိုယ်ဂုန့် မဲ အန် ဇဝ်ဖြာ၊ မဲ ဟဲ ဟွတ့် ယိုဝ် ဂြုဝ်းပီ ကာ လာင် အုဝ်၊ ဂုင် ဂေ ဇူ မဲ ဟဲတာင် ကာ ဆာဝ်၊ အုဝ် မိူဝ် ဟဲဟွတ့် နပ်။ မဲထူမ် ဆေဆေ ပီဂြုဝ်း အုဝ်နီ။ အုဝ် ယီ တဝ်း ဂြုဝ်း တီ၊ တဲးဂေ အီ ကွယ် ဒီနီ ဘော ပွိုန် ဒီယိုဝ်၊ တဲး ဘော ဂေ ညှိုမ်၊ န့ မုး မဲ၊ အီဟဲ့ တိုယ် အုဝ် တး ဒီ နီ ဟဲဟွတ် အန်ဇဝ်ဘော မီ ဒဲ့၊ တဝ်းဂြုဝ်း တာင်၊ "အိုယ် မဲ အာ လာဇာရုတ်၊ လေးဟာဝ် အာ နီ"။

ဘိတ်ဂေ တွိုန် ဆီ ကာ ဘန် ဒီဒုဝ် အာလာဇာရုတ်၊ ပန် တီ မိူဝ် အာ လာဇာရုတ် ဘော ဝီ လေး ပါယ်တီ တး ကာ ဒဝ်၊ အန် ဇဝ်ယေဆူ ဝီတဝ်း ဒီဂေ၊ "တဲး ဘေ ဂဝ်း ဝဲန် ဘိတ် ဂေတီ၊ တဲး အန် ကွယ်ဒါ ခိုယ်"၊ အန်ဇဝ်တဝ်းပါယ် တီ၊ ဒူအီယူဒါ ဂေ၊ ဂေဘော ယိုဝ်လွင် မွှိုမ် အာမ် တီ၊ ဂေဘော ဝီ ညှိုမ် အန်ဇဝ်ယေဆူ။

မာလဲ ဒူအီ ယူဒါ ဂေ၊ ဘော ဒူအီ ဂေ အီဘူင်ဂါန် ဇဝ်ဖြဝ် ဂေတူ အိုင် အန်ဇဝ်ယေဆူ၊ ဂေဘော လာယ် ဖြူမ်၊ တဝ်း လုဝ် ငဝ်း၊ အန်ဇဝ်ယေဆူ ဂါယ် အာလာဇာရုတ် တီ။

A Bible story from: John 11:1-46