၅၀ - လွင်ပန်ဒီဝီတး အန်ဇဝ်ယေဆူ

ကာနာဘီအန် အာဟဲန်နီ၊ ဆီဒါင်ဘွတ် အီမုး မေဆီယာ အန်ဇဝ်ယေဆူ တွိုန်၊ ဒူအီဂေဘော ကာဒါယ် ဟဲ့ဟွတ့် မိုဝ်း ဒီယိုဝ် လွင်အန်တီ၊ ဘောနာ ဘ့လာင် ဆီဆာနာ အန်ဇဝ်ယေဆူတီ၊ မိူဝ်ဘောဝီ ဘြဲပြး ဟာဝ်ပါယ်တီ။ အန်ဇဝ်ယေဆူတီ တဝ်း၊ ဆေဟဲဝီဇမ် ပန်ဒီဝီတူတ့်ကာပ် ကာဒါယ်နီ၊ အန်ဒီ ဝီတး၊ အန်တဝ်းပါယ်တီ။ ဒူတီနီ အာခါ၊ အန်ညှမ်မိုဝ်း ဒီဝီတး၊ မာလဲပီတဲး အန်ကာဒိတ်ဆတ်စါ ဒီအန်၊ နပ်ဝီဘဲန် ပါယ်တီ။

ဒေါဝီ ဘ်ုအေ၊ ပန်ဒီဝီတး အန်ဇဝ်ယေဆူတီ၊ အေလုဝ်အိူပ်မျုက်အန်ဇဝ်ဘောဝီ လုဝ်ထူမ်ဒူပ်ဟဝ် ပီကာလာင် အန်ဒွန်မျုဝ်တီ၊ အန်ဆီတဲးအေ ဝီဒီကာလာင် ဘောဒီအီဟဝ် လွင်ခဲင် မိူင်ခြီင် အန်ဇဝ်ဖြာ။ ဒေါ ကွယ် အန်ဇဝ်ယေဆူ ဒဲင်ကာဒါယ်တွိုန်၊ "ဂေအီမုးဒါဘဲအုဝ်၊ ဂေအီဒူပ်အုဝ်တီ၊ တဲးဂေကာလာင်ခဲ ဘောဂျ လွင်ခဲင်မိူင် ခြီင်အန်ဇဝ်ဖြာ ဒီဒူအီဂေ ဟဲ့ကွယ် ဒွန်ဘ့လာင်၊ ဒွန်နာ၊ ဘောဝီမာနုဝ်တဲး ဒီဒူ အီဂေ အီကွယ် ဒဲင် ကာဒါယ်နီ ဒွန်ပ့လုဝ့်၊ ပန်တီ န့ ဒီဝီဇမ်ပန်ဒီတူတ့် ကာပ်ကာဒါယ်တာင်နီ" အန်ဇဝ်တဝ်းပါယ်တီ။

ဒူအီဂေ ဟဲကိူန်၊ တူဒွိုမ်ယိုဝ် လွင်အန်ဇဝ်ယေဆူနီ။ အန်ဇဝ်ယေဆူနီ၊ အဲတ့်လေးလူင်အန် ခဲင်မိူင်ခြီင် တီ၊ အန်စ်ု ဒါဘဲ အန်၊ အီဒူပ်နာပန်အန်ဂေတွိုန်၊ ဝီဒီကာလာင်တဲး လွင်ဆီဒါင်ဘွတ်အန်ဇဝ်ဖြာ၊ ဒီဒူအီဂေညှာမ် မိုဝ်း ဒီ ဒွိုမ်ယိုဝ်လွင် အန်ဇဝ်ဖြာတီ။ အန်တဝ်း "တဲးဘေဘူင်၊ ဒူအီအာမျုဝ် ဂေဒွန်အီ၊ တဲးဂေဝီဘဲန် ဒါဘဲ အီ ဒူပ်အုဝ်။ ခဲင်နာဂေနီ၊ ပီဒီလုဝ် ဆုဝ့် ဟဲ့ဟွတ့်မိုဝ်းဝဲန်" အန်ဇဝ်တဝ်းပါယ်တီ။

အန်ဇဝ်ယေဆူတွိုန်တဝ်း "ဒူအီအူဝီဒေါအူဝီနီ၊ မှာယ်အန်ဂေတွိုန်၊ တူမိုဝ်း ပွုန်ပီဒါကာညာမိုဝ်း အာဖုင်။ ဒဲင်ကာ ဒါယ်နီ၊ ဒူအီဂေ၊ အီမွှိုမ်မိုဝ်း တွိုန်ဂေဒီကာအိးအုဝ်၊ ကူပ်အုဝ်ဂေဒီကာယာင် ငဝ်းဘောမဲ၊ ဘေဘောကာဒုး ဇမ်ဒုက် ဒဲင်ကာဒါယ်နီ၊ ဘေကွယ်ပါ ယူမ်နဝ်းဘေ၊ အုန်နဝ်း ဘေတဲး န့ရိတ့်၊ မှာဝ်န့ပါယ် ခုဝ်အန်၊ အီမုးအုဝ် အီအိုပ်ဒဲင် ကာဒါယ်နီ၊ အုဝ်ဟဲဟွတ့်ပဲ န့မုးကာနမ် စဝ်တွိုန်။ အန်ဇဝ်ဖြာ အီမိုဝ်းနဝ်းညှိုမ်၊ ကောဆိူက်တူတ့် ဒီအေတွိုန် ဘောမဲတီ အန်ဇဝ်ဖြာ တွိုန် ဒီဝီချွှတ်" အန်တဝ်းပါယ်တီ။

အန်ဇဝ်ယေဆူတွိုန်မိူဝ် ဘောဝီ ခဲအာဘိုမ်ခေါ အူရြုဝ်၊ ဒီဒါဘဲ အီဒူပ် အန်ဂေတွိုန်၊ တဲးဂေပဲ ဒီခဲကာလာင် ဒီဒူအီဂေ၊ ပန်ဒီတူတ့် ကာပ်ကာ ဒါယ်နီ၊ မာဆေန့ဒီဘဲန်၊ တဲးဂေပဲဒီကာလာင် တဲး၊ အန်ဇဝ်တဝ်းပါယ်တီ။ အန်တဝ်း "န့မိုဝ်းဒူအီအူဝီ၊၊ ဆမ်ဆီ မာကာအာင်ဘွတ် ခဲင်နာအန်။ ဒေါဝီပွိုန်အန်ဒီ အိတ်တီ၊ ရာန်ဆူအုဝ်တွိုန်၊ ဘောဝီတး ပ့ပြတ့်ကာအာင်ပေတ့်ခါ နာကာအာင်စုက် အန်တွိုန်၊ ဟဲ့ဟွတ့်ဘောဝီ လေးဟာဝ်" အန်တဝ်းပါယ်တီ။

ပန်ဒီဝီလတ့် ယွုန်အန်ဂေတွိုန်မိူဝ်၊ မှာယ်အန်ဘောဝီတဝ်းဒီအန် "အိုယ်ဒါဆာရာအုဝ်ဟဲ့ဟွတ့် ဆမ်၊ ဆီမာကာအာင်ဂျဒီလူယ်ခဲင်နာနီ၊ မှာဝ်န့ပါယ်ပီဝီဘာဘောပေတ့်ဂေနီဒိူက်ဒီလတ့်" အန်ဒီမွှတ်ပါယ် တီ၊ ဒါတွိုန် ဝီတဝ်း "ဟဲဂိတ်ရာန်ဆူအုဝ်ဝီဒီဆမ်အာနီ၊ ဒါအီဆမ်ယွုန်နီမိူဝ်အီမုးရာန်ဆူအုဝ်"၊ အန်ဝီ ကာလာင်ပါယ်တီ။

ပန်တီမှာယ်အန်တွိုန်တဝ်း ဒီဒါကာညာအန်၊ ယေလုဝ်ဝီရြိူက်ဝဲန်ယွုန်ဂေနီ၊ အန်ဝီဒီမွှတ်ပါယ်တီ။ "ဒါဆာ ရာတွိုန်တဝ်း ကောဘူင်ပါယ်တီ၊ ဆေဘေဟဲဘူင်ပါယ်တီ၊ ဘောယွုန်စုက် ဂေတွိုန် ဘေဒီတးရြိူက် လေး၊ တဲးဘေ နှဝ့်တဲးန့ဇမ်ပန်ဒီလုဝ်ဆုဝ့် ဂေတီ၊ ဟဲ့ဟွတ့်တဲးန့ပွိုန်ဝီဒုဝ့်၊ တဲးဘေဘ့လေးန့ပိူမ်အူပ့လုဝ့်၊ မာလဲယွုန် စုက်ဂေတီ ဒိုဝ်းလိုပ်ခဲင်ဟူင်အုဝ်နီ" အန်တဝ်းပါယ်တီ။

ဒူအီဂေအီ ဒူပ်နာပန်အန်ဂေတွိုန် မိူဝ်တူဝီနပ်ဆီဖာဝ်အာဘိူမ်တွိုန်၊ ဂေဆီတဲးအန်ဇဝ်ယေဆူဝီကာလာင် တဲးန့ဆီ ဘြိုဝ်းလွင်ဆီဖာဝ်အာဘိူမ်ဒီဂေ။ အန်ဇဝ်ယေဆူ ဘောဝီတဝ်း "ဒါအီဆမ်ကာအာင်ဆီမာဘွတ်နီ၊ န့ပီအန် မုး မေဆီယ၊ ခဲင် နာတာင်တီ အာခါ၊ န့ပီကာဒါယ်တာင်နီ။ ဆီမာကာအာင်ဘွတ်ဂေတီန့ပီဒူအီဟဲဒီလုဝ်လိုပ်ခဲင်မိူင် ခြီင် အန်ဇဝ်ဖြာတွိုန်။

ယွုန်ပေတ့်ဂေတွိုန်အာခါ၊ န့ပီန့မုးကာနမ်စဝ်ဂေ၊ အီမုးရာန်ဆူ၊ အီဆမ်ပေတ့်တွိုန်အာခါ၊ န့ပီအန်မုးကာ နမ်စဝ်ဂေ။ ပန်ဒီဝီမုး၊ ပန်ဒီဆုဝ့်ဂေတွိုန်မိူဝ်၊ ဆီဖာဝ်အန် ကာပ်ကာဒါယ်တာင်နီဟဲ့ဟွတ့်၊ ဒါဂေအီဒီလုဝ်ဆုဝ့်ဂေ တွိုန်မိူဝ်၊ န့ပီဂေမုး စဝ် တာမန်အန်ဇဝ်ဖြာ န့ပါယ်တီ။

ဆေဟဲဝီဇမ်ပန်ဒီဝီတူတ့် ကာဒါယ်နီ၊ ခဲင်ကွယ်ဒူအီဂေ အီဘိုက်ကာနမ်စဝ်ဂေဘောကာနမ်စဝ် ဂေတွိုန်၊ တမန်အန်ဇဝ်ဖြာဂေတွိုန်၊ ဒီဝီဒီလဲ ဟြောတ့်စုတူတ့်ဂေ၊ ဟဲ့ဟွတ့် ဝီဘျွာ ယမ်တူတ့်ဂေခဲင်ငဝ်၊ ပန် တီဂေဘောဝီ ဒတ်ယာမ် ဘောဝီကာဂ့ရြိူတ်ဟြာင်ဂေ၊ ဘောတဲးဂေဝီခမ်ဒုက်တာင် ဒုက်တူင့် ဟာဝ်ပါယ် တီ။ မာလဲ ဒူအီအီဒူပ် အန်ဇဝ်ယေဆူ၊ ဘောအီမုးဒူအီ၊ နဝ်းမှာန်၊ နဝ်ဆိူဝ်ဂေတွိုန်အာခါ၊ န့ပီဂေမုး ဘ့ လာင်ဆီငဲ၊ ခဲင်မိူင်ခြီင် အန်ဇဝ်ဖြာ တွိုန်။ အန်တဝ်းပါယ်တီ။

အန်ဇဝ်ယေဆူတွိုန် ဟဲ့ဟွတ့်တဝ်း၊ အဲတ့်တူတ့်ကာပ်ဒဲင့်ကာဒါယ်နီ အန်ဒီဝီတးဒဲင့်ကာဒါယ်နီ၊ အန် တဝ်း ပါယ်တီ။ အန်ဒီဝီတဲးန့ပီ ဒေါဝီလေးဟဝ်အန်တွိုန်၊ ခုဝ်တဝ်းအန်ပါယ်နီ၊ န့ပီအန်မိုဝ်းဒုဝ်ဇဲ့အူဘူင့်၊ အန်ဒီဝီ လေး ကွယ်ဒဲင်န့အု ခဲင်ဂါင် ဟြာဝ်၊ ပန်ဒီဝီကာပ့လုးအန်ဇဝ်တီ၊ ဒူအီဂေလီ ဟဲ့ဟွတ့်ယမ်၊ ဘောဂေ အီဒူပ် နာပန် အန်ဇဝ်၊ ဂေဒီဝီယိတ့်ဝီအိမ်၊ ဘောဝီ လာယ်ယိုဝ်ဒီအန်၊ ခဲင်မိူင်ခြီင်အန်ဇဝ်ဖြာတွိုန်။

ဖန်တီဘောဒူအီဂေ လီအိမ်အီဒူပ်နာပန်အန်ဇဝ်ယေဆူတွိုန်၊ ဂေမိူဝ်ဘောဝီဟုဝ့်နာဂါန်ဟြာဝ်၊ ဘောဝီလာယ် ယိုဝ်ဒီဂေဒါဘဲအန်ဇဝ်ယေဆူ၊ ဟဲဝီယိတ့်ဝီအိမ်ဂေတွိုန်၊ ဂေစိုဝ်တီကွယ်ရိုမ်တူတ့်၊ ဒူပ်အန် ဇဝ်ယေဆူဒီတီ၊ ဘောဝီကွယ် ရိုမ်ဒူပ်ဒူအီဂေ၊ ဟဲ့ဟွတ့် ဂေဘောဝီမိုဝ်းနဝ်းဂျာမ်ဆာ၊ မိုဝ်းနဝ်ဂျီတ့်ယေန် ဟာဝ်ပါယ်တီ။

အန်ဇဝ်ယေဆူတဲး ကာဒိတ်ဆတ်စာ ဒီအေဒွန်အီ၊ ဂေစိုဝ်တီမိူဝ်၊ ခဲင်ကွယ်ဒွန်မျုဝ် ဘောဂ့လျီ့၊ ဂေ မိူဝ်ဒီအိုပ်ရိုမ်ဒူပ် အန်ဇဝ်ဖြာ၊ ခုဝ်ဝီဘဲန်အန်န့ဘြေဲတ့်ဝတူတ့် ဒွန်မျုဝ်။

မာလဲ အန်ဇဝ်ဖြာတီ၊ ပူင့်ဒူအီ အီတူညှိုမ်အန်ဒွန်အီ၊ အန်ဒီဘျွာ တူတ့်ဂေခဲင်ကာလုဝ့်ငါမ်ရာယ်၊ ဂေစိုဝ် တီ၊ ဘောဝီ ကာဂ့ရြိတ်ဟြာင်ဂေ၊ ဒတ်ဘောဝီယမ် ခမ်ဟာဝ်ဒုက်တာင်ဘောစုဝ်ဂေ။ ငဝ်တီမိူဝ် အာဝ်မိုဝ်းယတ်ဒီ လှာဝ်အန် ဒေါမှာဝ်၊ ဝီဟူမ် ကာဆိူမ်ဂေ၊ ဘောဝမ့ဘြတ့် ဝီဟူမ်ဟာဝ်ဂေ၊ အူစုဝ်ဂမ်ဖာပါယ်တီ။

ဆေဟဲဝီဇမ် ပန်ဒီဝီတး အန်ဇဝ်ယေဆူတွိုန်၊ ဘောကာနမ်စဝ်ဂေ၊ ဘောမိူင်ဂေနီ၊ န့ဒီပျာဲတ့်ကာ လဲ့တ်ဟွတ် တူတ့်ပန်တီ၊ အန်ဒီဝီဘျွာဝဲန် ကာနမ်စဝ်ဂေခဲင်ကာလုဝ့်ငါမ်ရာယ်၊ ဘောဒူအီဂေ အီတူညှိမ်အန်၊ ဘောဒူအီဂေ အီဒူပ် ကာနမ်စဝ်ဂေဒွန်အီ၊ တဲးဂေဝီကာဆိူမ်တူတ့်ဒီတီ။

အာဒမ်ဂါယ် နာင်အေဝါ နီ ဂါယ်တူဒူပ် အန်ဇဝ်ဖြာ၊ ဘောမှာပ် ဂါယ်ဝီဒိုဝ်းလိုပ်ဒဲင်ကာဒါယ်နီ၊ ခုဝ်အန် ဇဝ်ဖြာ ဘောဝီ တဲးဒမ်ဒဲင်ကာဒါယ်နီ၊ လုဝ်ပျဲတ့်ဝဲန်တူတ့်အန်၊ မာလဲအန်ဒီဝီဖာန်ဘ့လေ့ကာဒါယ်အီကာမာယ်၊ အီဘြေဲတ့်ဝ တူတ့်ဒွန်မျုဝ်။

အန်ဇဝ်ယေဆူဘောဒူအီ အီဒူပ်နာပန်အန်ဂေတီ၊ လုဝ်ဝီဟာဝ် အာကွယ်ဒီကာဒါယ်တီ၊ ဘောဝီ လုဝ် အိုပ် ဟာဝ် တူတ့်ခဲင်ကွယ်ဒွန်မျုဝ်၊ အူစုဝ်ဂမ်ဖါ၊ အန်မိူဝ်တူတဲး၊ အိုမ်ငါယ်ဂေတီလေးလှဲ၊ ခေါအူဝီမိူဝ် အန်တူ တဲးဂေ ကာဒုးဒုက်၊ ဘောနဝ်းလိုဝ်၊ ဂေစိုဝ်တီမိူဝ်၊ ပီတဝ်းမဲ အာဝ်မိုဝ်းဒီလုဝ်ယာမ်မာဆေ၊ ပီတဝ်းမဲဆဝ်၊ ကတ်၊ ယမ်ဂေနီ မိူဝ်အဝ်မိုဝ်းဒီတီ၊ အန်ဇဝ်ယေဆူတွိုန်မိူဝ်၊ အန်တဲးအန်အိုပ်ဒါရာ မိူင်အန်တွိုန်၊ ဘောဝီ ကွယ်ရိုမ်ဒူပ် ဒူအီအန်ဂေ အူစုဝ်ဂမ်ဖာ ပါယ်တီ။

A Bible story from: Matthew 24:14; 28:18; John 15:20, 16:33; Revelation 2:10; Matthew 13:24-30, 36-42; 1 Thessalonians 4:13-5:11; James 1:12; Matthew 22:13; Revelation 20:10, 21:1-22:21