၄၂ - လွင်အန်ဇဝ်ယေဆူ ဝီဟုဝ့် မိူင်မာလီဘာန် မိူင်ခြီဝ်

ဆီငဲ တဲးအန်ဇဝ်ဖြာ အန်ဇဝ်ယေဆူ ဝီယိတ့် ဝီအီမ်တီ၊ ဂ့ညာဟာဝ် ဒါဘဲ အန်ဇဝ်ယေဆူ အာဝီ မိူင် အီကွယ် တးအန်တီ၊ ဘောဟာဝ် ဘောလာယ်မွှိုမ် လွင်ပီပါယ် အန်ဇဝ်ယေဆူဂေနီ၊ ဂေတဝ်း အန်ဇဝ်ယေဆူ တွိုန်တဲး န့မုး မေဆီယ၊ မာလဲ အန်ဇဝ်ယေဆူ တွိုန်နပ်ကာဒုး ဒီခမ်ငဝ်းယမ်အီ၊ ဒူအီနီ အာခါ အီဘေန့် ဂေတဝ်း၊ အန်ဇဝ်ယေဆူ ဟဲဝီအီမ်၊ ဂေအာဝ်နပ် ပီဒီလုဝ်ညှိုမ်ဂေ။

အန်ဇဝ်ယေဆူတွိုန် ဘောဝီဟာဝ်ဇမ် ခူပ်ဂါယ် ဘောစုး ဒီဟာဝ်ရိုမ် ဒူပ်ဂါယ်တူနပ် ဘောမုး အန်ဇဝ်ယေဆူ၊ အန်ဇဝ်ယေဆူ ဝီဒီမွှတ်ဂါယ် လွင်မာဆေ ပီလာယ်မွှိုမ်ဘာယ်၊ ဂေဘောဝီ ကာလာင် လွင်အန်ဇဝ်ယေဆူ ပီပါယ်အန် ဆီငဲ အာတ့်နူ၊ ဒီအန်ဇဝ်ယေဆူ၊ ဂေတာင် ဒါအီတူနပ် လွင်ပီပါယ်အန် ခဲင်မိူင် ယေရုဆာလဲမ် အန်မုးဂေမိူင် ဟဝ်၊ ဂေ ထာင် အန်ဇဝ်ယေဆူ မုးအာတီ။

ပန်တီ အန်ဇဝ်ယေဆူ ဘောဝီကာလာင် လွင်မေဆီယာ၊ ဘောဂြုဝ်း အန်ဇဝ်ဖြာ ဒေါမွှိုမ် န့မိုဝ်း ဒါအီဟျာန် ဂြုဝ်း ဇဝ်ဖြာဂေတဝ်း၊ န့မိုဝ်း ဒီအီဂေနဝ်း ဆီစိဝ် ဂေဒီတဲး မေဆီယာ တွိုန် ခမ်ဒုက် တဲးန့ယမ်၊ မာလဲ ဂေဘောဝီတဝ်း အူယ်ဆီ ငဲ အန်ဒီ ဝီယိတ့် ဝီအိမ် ဂေတဝ်းပါယ်တီ။

ပန်ဒီဇမ်ဂေ မိူင်ကွယ် ဂေတီ၊ ဟဲဝီဇမ် ဘာင် ဒီမှိုဝ်၊ ဂါယ်ဘောဝီဘာင် ဘောအန်ဇဝ်ယေဆူ ကွယ်ရိူမ် ဒူပ်ဂါယ် ဂေဘော ကာဒူပ်လိုဝ် ခဲင်ကာင်တီ၊ လုဝ်ဟူမ် ဘူမ်မှိုဝ် အန်ဇဝ်ယေဆူ ဘောဝီ တုတ့်၊ ဟဲဟွတ့် အန်ဇဝ်ယေဆူ၊ ဘောဝီ ဒိုဝ်း ခါမုန် ဆီခိုဝ်ဆီဇဝ်ဖြာ၊ ဘောဝီကာဘက်အူဇေန်၊ ဝါယ်အန်တီ ဂေဘောဝီ နုဝ်ဘောမုး အန်၊ အန်ဇဝ်ယေဆူ၊ အန်ဇဝ်ယေဆူမိူဝ် ဘောဝီဟြာယ် ဒေါယိုဝ် ဂေတီ။

ဂါယ်အာ အီတီ၊ ဘောတဝ်း ခါနာဂါယ်၊ "အန်မုးအန်ဇဝ်ယေဆူ၊ ခုဝ်ဒေါကာလာင်အန် လွင်ဇဝ်ဖြာ ဒီအာယ် ကောဘဲန် မာနဝ်းဒီဒုး" အန်တဝ်းပါယ်တီ၊ ဒေါမှဝ် ဒေါအန်ဂါယ် ဝီဟာဝ် နာမိူင်ယေရုဆာလဲမ် ဒေါဝီဇမ်ဂါယ် ခဲင်မိူင် ယေရုဆာလဲမ် တီ ဂါယ်တဝ်း ဒီဒီဘဲဂေဟာဝ်၊ "အန်ဇဝ်ယေဆူ ဟဲဝီအီမ်၊ ယာယ်ဟဲဟွတ့် မိုဝ်းဒီယိုဝ်အန်" ဂါယ်တဝ်း ပါယ်တီ။

ဒေါလာယ်မွှုမ် ဒါဘဲန်အန်ဂေတီ အန်ဇဝ်ယေဆူ ဘောဝီကာဘ့လုး ဒူပ်ဂေခဲင် အိတ်တီ၊ အန်ဇဝ်ယေဆူတဝ်း။ "ဘေဟဲ့ကွယ်ဒါခိုယ်" အန်တဝ်းပါယ်တီ။ ဒီဘဲအန်ဂေတွိုန် ဝီတာင် အန်ဇဝ်ယေဆူ မုးကာပြာဝ် မာလဲ အန်ဇဝ်ယေဆူ တဝ်း၊ "မှာဝ်န့ပါယ်ဘေ ပီယုဝ်၊ ဘေတူညှိုမ် ဘောမုးအုဝ် ယေဆူ၊ တဲးဘေ ပါဒဲအုဝ်ဂေ ကာဘုဝ့်အုဝ်၊ ကာပြာဝ် ဂေနီ တူမိုဝ်း ဒုဝ်ပီအုဝ်နီ အန်တဝ်းပါယ်တီ၊ အန်နှဲ့ဒီဂေ ပါယ်တီ၊ ဘောတူ မုးအန်ကာပြာဝ်"။ ဝါယ်အန်တီ၊ အန်ဝီမှာန် ပီဒီဟူမ် ခေါအူမျုဝ် ဒါဘဲအန်ဂေ ဘောဝီလွှီဝ် မာဂါပူင့်ကာတဲ ဒီအန်၊ အန်ဇဝ်ယေဆူ မိူဝ်ဘောဝီ ဒိုဝ်းဟူမ်မာဂါတီ။

အန်ဇဝ်ယေဆူတဝ်း "န့ဟဲမုး ပီဟဲ့ဟွတ့်တဝ်း အန်ဇဝ်ဖြာ၊ ပီကာလာင်ဂေ လွင်အုဝ်နီ၊ အုဝ်ဟဲဟွတ့်တဝ်း ဒီဘေ၊ အာဝ်ပွိုန်တူဘဲန် လွင်အန်နီ" အန်တဝ်းပါယ်တီ။ ဝါယ်အန်တီ အန်ဇဝ်ယေဆူ တဲးဂေဝါယ်ဝီ ခါလှုဝ်း လွင် အန်ဇဝ်ဖြာ၊ ဘောဝီကာလာင်ဟာဝ် ဘောပွါ ဒီဂေယေဆူတဝ်း။ "ဒေါမွိုမ် ဒါအီဘျာန်ဂြုဝ်း ဂေကာလာင်၊ အုဝ် မေ ဆီယာ နီ ဒီလုဝ်ခမ်ဒုက် ဘောဝီယမ်ဟဲ့ဟွတ့် အူယ်ဆီငဲ အန်ဒီဝီယိတ့် ဝီအီမ်" ဂေဒဲမ်အုန်ပါယ်တီ၊ အန်ကာလာင် ပါယ်တီ။

"ဒါအီ ဘျာန်ဂြုဝ်း ဇဝ်ဖြာဂေတဝ်း၊ ဒီဘဲယေ ဒီဝီဒီလဲ ဘြတ့်လွင်ဆီဒါင် အန်ဇဝ်ဖြာတီ၊ ဂေခဲမ်အုန်ပါယ်တီ၊ ဂေဇိုဝ်တီ ဒီကာလာင် ဒီဒူအီဂေ ဒွန်အီ တဲးဂေ န့လှုဝ်း နဝ်းဂေ အန်ဇဝ်ဖြာမိူဝ်တူ အုန်နဝ်းအန်၊ ကူပ်ဘူင်ဂေ မှာဝ်ဂေ တီ။ လွင်ဆီဒါင် ဘွတ်နီ၊ ဒါဘဲအုဝ် ဂေစုးမိူင် ယေရုဆာလဲမ်နီ၊ ဒီဘြတ်ဟာဝ်၊ ဟဲ့ဟွတ့်ဂေ ဒီဝီဟာဝ် ဘောကာဒူင့် ကိူန်ဒူအီဂေ ဒွန်ပ့လုဝ့်။ ဘေဇိုဝ်တီ၊ ပီဟဲ့ဟွတ့် ဘူင်အုဝ် ဒွန်မျုဝ်၊ ပီဆီတဲး အုဝ်န့ဘဲန် ဒွန်မျုဝ်၊ ပီကာလာင်အုဝ် ဒွန် မျုဝ်ဂေတီ၊ တဲးဘေမုး ဆက်ဆေအုဝ်"။ အန်တဝ်းပါယ်တီ။

ကာနာ ဆီငဲ ဖွုန်ဂိုဝ်တီ အန်ဇဝ်ယေဆူ တးဆေဆေ၊ ခူပ်ဒီဘဲ အန်ဂေ၊ အာဒါအူစိူပ် အန်ဇဝ်ယေဆူ ကာဘ့ လုးဒီ အာတ့် ဒူအီဂေ ဖန်မာယဝ်း အန်ဘူင် ဘဲန်လီ၊ ဘဲန်လီ တဲးဒါဘဲ အန်ဂေနပ် ဘောအိမ်အန်၊ ဘောဝီကာလာင် မာနုဝ်လွင်မိူင် အန်ဇဝ်ဖြာ။

အန်ဇဝ်ယေဆူတဝ်းဒီ၊ ဒီဘဲအန်ဂေ၊ အန်ဇဝ်တီ ဟဲ့ဟွတ့် တဲးဒီအုဝ်ဘောမိူင် ခြီဝ်၊ ဘောဒူအီဂေ အီကွယ် ဒဲင်ကာဒါယ် ဒွန်အီ၊ ဇဝ်ဖြာဟဲ့ဟွတ့် တဲးအုဝ်အိုပ် တူတ့်ဂေ၊ ခုဝ်လုဝ်ကာလာင်အုဝ် တဲးဘေ ဟြေတ့်၊ ဘောဒူ အီဂေ ဟဝ်တဲးန့ ဘဲန်ဒီဘဲအုဝ်၊ ဘေလုဝ် ဘူင်ပါယ်နီ၊ တဝ်းဒီဂေ အိုယ်ဂုန့်ဇဝ်ဖြာ၊ ဂွန်အန်ဘောနဝ်း ဖွိုမ်ဆီငါ ဇဝ်ဖြာ၊ ဂါဝ် ပွုန်မဲဇဝ် တဲးဂေစိုပ် ခဲင်အိုမ်ပါယ်တီ။

ဝါယ်ဝီဟဲ့ဟွတ့် အန်ဇဝ်ယေဆူ၊ ဟဲဝီယိတ့်ဝီအိမ်၊ ကာနာဆီငဲ ဖွုန်ဂိုဝ်တီ၊ အန်တဝ်းဒီဒါဘဲအန်ဂေ။ "ဘေ ဒွန်အီ၊ အဲးတဲးဂုန့်အုဝ် ပွုန်ဒီဘေ၊ လုဝ်ဘေကွယ် ဟာဝ်ခဲင်မိုင် ယေရုဆာလဲမ်တီ၊ အန်လုဝ်တဲး လူင် ဝိညာဉ်ဆီ ငါဘွတ် ဒီဘေ၊ အန်လုဝ်ဘူင်ပါယ်တီ"၊ အန်တဝ်းပါယ်တီ။ ဟဲ့ဟွတ့်အာတီ အန်ဇဝ်ယေဆူ၊ ဘောဝီဟုဝ့်ခဲင် မိူင်ခြီင်၊ ဘောန့အု ဂေ ဘောဝီကာဒး တးဒီ ဘဲအန်ဂေ၊ ဘောဝီ ဟြာယ်အူ ဇေန်၊ အန်ဇဝ်ယေဆူတွိုန်၊ အန်လုဝ်အိုပ်တူတ့် ခဲင်ကွယ်ဒွန် မျုဝ်ဂေနီ၊ ခုဝ်အန်ဝီ ကွယ်နာ ဘ့လာင်အာအး ဂုန်အန်ဇဝ်ဖြာ ခဲင်မိူင်ခြီင်တီ။

A Bible story from: Matthew 28:16-20; Mark 16:12-20; Luke 24:13-53; John 20:19-23; Acts 1:1-11