၆။ လွင်ဇ၀်ဖြာ အိူပ်မျူက် အာဆဲက်

ဒါအာဘြာန်ဟမ် တွိုန် အာဆာက် အန်ဟဲ့ကိူန့် အန်ဘောကတ် ကာဆဝ်။ ခုန့်၊ ဂွန်အန်အီ မုးအာဆဲက် တွိုန် အာဆာက်အန် ဟဲ့ဟွတ့်ပွိုန် ဘဲန်ဂွန် အီမာယ်။ ခုဝ် အန်တီ၊ ဒါအာဘြာန်ဟမ်တွိုန် ဘောစ်ု ဒီဘဲ အန်အူဝီ ဟာဝ်ကာဒူင် ဝါဝဲ အန်ဂေအာမျုဝ်အန်။ အန်ဘောဘ့လေး ဟာဝ်ဒီဘဲ အန်တီတဝ်း၊ "တဲးမဲဟြေတ့် အီဘေန့် အာ ဒါဂွန်အုဝ် အာဆဲက်"။

ကာဒူင်ကွယ် အာမျုဝ် ဝါဝဲဒါအာဘြာန်ဟမ်တွိုန်၊ န့ယီတူင့် ကာဆင်။ ဇဝ်ဖြာဘော ဘျာန့တေန့် ကာဒူင် လုဝ်ဟာဝ်ဒီဘဲ အန်တွိုန်၊ တဲးအန်ဇမ်ကာဒူင် ကွယ်နာင်ဘဲက်။ နာင်ဘဲက် တွိုန်အန် ဟဲ့မုးလှုက်လှာန် ဒါအာ ဘြာန်ဟမ်တီ။

နာင်ဘဲက်တွိုန်၊ အန်ဘောဘ့လေးဂုန့်အန်ဂေမာအန်၊ အန်ဝီဆီဖဝ်ဟာဝ် ဒူပ်ဒီဘဲတီ ကောဇမ် ကာဒူင် ကွယ်အာဆဲက်တွိုန်။ ဂွန် အီဘေန့်တီ ဟဲ့ဟွတ့်ဇမ် ဒူင်ကွယ် အာဆဲက်၊ ဟဲ့ဟွတ့်ဂေဝီ မွင့်ကာရာ ဒွါဂါယ်ခတ့်။

ဆီနမ်အန်၊ န့ ဘောလှေန့်၊ ၀ါယ်ဟဲ့ဟွတ့် ယမ်ဒါအာဘြာဟမ်တွိုန်၊ ဂွန်အန်အီမုး၊ အာဆဲက်တွိုန်၊ ဇ၀် ဖြာဝီ မွင့်ကာ ရာ ဒွါဒီအန်။ ခုဝ် မှ၀်န့ပါယ်၊ ခဲင်ဂြုဝ်း ကာဒိက်ဆတ်ဇာ ဇဝ်ဖြာပီဟဲ့ဘ့လေး အန်ဒီဒါ အာဘြာန် ဟမ်တွိုန်။ ခုဝ်၊ တဲးအာမျုဝ် မဲကိူန့်ကွဲ့ကာ ဟူပွိုန်ဒီတိး၊ ဇဝ်ဖြာ ဟဲ့ဒွါပါယ်တီ။ ခုဝ်အန်တီ၊ အီဘေန့် အာဆဲက် အီမုး နာင်ဘဲက်တွိုန် အန်ယီညှမ်မိုဝ်းဂွန်။

အာဆဲက်တွိုန်၊ အန်၀ီဆာခို၀် ဒွါဒါင်အီဘေန့်အန်အီမုး၊ နာင်ဘဲက်တွိုန် ဒီဇ၀်ဖြာ။ ဇ၀်ဖြာဘော၀ီ၊ တဲး နာင်ဘဲက်တွိုန် မို၀်းဂွန် အာ၀ီခဲင်၀တ် အန်။ ဂွန်ဂါယ်အာ၀ီအီကွယ်ခဲင်၀တ့် အန်တီ၊ ဂါယ် ဘောလာယ်ကာဒုး ခဲင်၀တ့်အန်။ နာင်ဘဲက်တွိုန်၊ အန် ၀ီဒီမွှတ် လွင်အန်တီဒီဇ၀်ဖြာ၊ "မှ၀်န့ပါယ်အာနီ။

ဇဝ်ဖြာဝီကာလာင်တဝ်း၊ ဒီနာင်ဘဲက်တွိုန်၊ "မဲဒီမိုဝ်းဂွန်အာဝီ။ ဂါယ်ဟဲ့မုး ဒူအီ အာမျုဝ်၊ အာမျုဝ်ဂါယ် ဟဲ့ဘဲန်မိူင်၊ အာမိူင် ဂါယ် ဒီလာယ် ကာဂုဝ်းဒီ ကာတဲဂါယ်။ ခုဝ်၊ မိူင် ဂွန်မဲ အီမုးဝီ အီကတ်၊ အန်ဒီလုဝ်ဂိုပ် ဒီအာတ့်မိူင်ဝါအန်"။ ဇဝ်ဖြာ ကာလာင်ပါယ်တီဒီအန်။

ဟဲ့ဝီဇမ်၊ အာဝ်ခြာဝ် ဒီဝီဂွိုတ်ဂွန် နာင်ဘဲက်တွိုန်၊ ဂွန်အန်ဝီ အီကတ် အာရိုပ် အန်န့ဘောရေန်၊ ဟုန်အန်ဟဲ့ မိုဝ်းဟိုက်ကိူန့်။ ဂေဘောတီတဲး ဂွန်တီစိူဝ်အာဆုဝ်။ ဝါယ်အန်တီ၊ ဝါအန်ဝီဂွိုတ်လေး ဒီပန်၊ အန်ဘောပါခါးနုတ့် အီ ကတ်အန်။ ဂေဘောဝီတဲး အန်စိူဝ်အာကူပ်။

A Bible story from: Genesis 24:1-25:26