၃၂ - လွင် အန်ဇဝ်ယေဆူ ဆီနမ်တဲး ဒါအီကာနမ်လိုဝ်၊ ဘောအီဘေန့် မိုဝ်းဆဝ်
ဇဝ်ယေဆူ ဂေ ဒီ ဘဲ ကိူန် အန် တီ ဂေ ဘော ဟုဝ့် ပဝ့် ရိုဝ် ဂေ၊ ဂေ ဘော ဟာဝ် ဇမ် ကာဒူင့် ကွယ် မိူင် ဂေ ကာရာဆာ ဂေ တွိုန်၊ ဇမ် ခူပ် အိုမ် တွိုန် ဂေ ဘော လေး ဒဲင် ရိုဝ် တွိုန်။
ကာ ဒူင့် တီ န့ မိုဝ်း ဂွန် အီမာယ် အူအီ ဘုဝ် ကာနမ် လိုပ် ခဲင် ဒုဝ် အန်။
ဒီ ဒူအီ တီ အန် ဟဲ့ မိုဝ်း ပ့လူမ် တာင် ကာဆဝ် အာဝ်မိုဝ်း အီ ယ ဒီပါ အန် အာမိုဝ်း အီရ ဒီ ရဲ အန် မင် ဇေန့် ဒူအီ ပက် ပ့လဝ် အန် ဘောဒဲ အန် တာ ဝန် ဟိန် အီ ဘောပက် ဇမ် အန် နပ် ဒီ ဒဲပ် ၀ဲန်။
ဒူအီ တီ ခူပ် အန် တီ န့ မိုဝ်း ကာဒဝ် ဘာ ရေဝ် ခုပ် အန် ဂေ တီ အန် ကွယ် ကာဒူင့် တီ ဒွန် ခိူန် ဒွန် ဝန် အန် ဘော နပ် ဒီ ဒတ် ပါယ် တီ၊ အန် တီ တူ မိုဝ်း ဒီ တာ ခြိုင် ဘော အန် နပ် တာ မာဝ် ဆွာ့ ဒုဝ် ဘူင့် အန်၊၊
ဒူအီ တီ အန် ဝီ ကာညှာပ် ဟာဝ် ကာဒူင့် ကွယ် ဇဝ်ယေဆူ အန် ဘော တုတ့် ဂိုပ် နာအာတ့် ဇဝ်ယေဆူ။ ဝါယ် အန် တီ ဇဝ်ယေဆူ တွိုန် ခဲင် ဒုဝ် အန် တီ ဟဲ့ မိုဝ်း အီ တူ မွှိုမ် ကိူန် ခဲင် ဒုဝ် အန်၊‘‘ လေး တး ကာ ဒဝ် ဒူအီ နီ’’။ အန် ဘော ကာလာင် ပါယ် တီ။
အီ တူ မွိုမ် တီ ဟမ် အန် ၀ီ တာင် ကာဆ၀် ‘’ဂွန် ဇ၀်ဖြာ ဇ၀်ယေဆူ အီ တာင် လွှိုမ် တူတ့် တွိုန် ကာဒူင့် ကွယ် အာမျု၀် ယေ ဇို၀် မှ၀် န့ မို၀်း ပီ လု၀်း ယေ အာမျု၀် ယေ ကွယ် ဘူင် ဟာယ် ဒီ ယေ ကွယ် မး ယေ ‘’၀ါယ် အန် တီ ဇ၀်ယေဆူ တွိုန် ဘော ဒီ မွှတ် ကာ နမ် တွိုန် အန်’’ တ၀်း မာဆေ ပီ စိူ၀်။ မဲ ‘’ကာနမ် တွိုန် ဘော တ၀်း အု၀် စိူ၀် ဟြဲန့် ကူပ် မှ၀် န့ ပါယ် ယေ ကော ကိူန် မုး အီ တူ မွှိုမ်။ ဘော ဟြဲန့် တွိုန် ဘဲန် အီ တူ မွှိုမ် တွိုန် ဘော ဒါ ဆိုက် ရု၀်မာ ဂေ အီ မို၀်း ဒီ ဟြဲန် အန် တွိုန် ဘော ကာ နှဲမ် ပ့လူပ် တာင် ဂေ တီ။ အန် ဘော ကာလာင် ပါယ် တီ။
ကာနမ် အီ တူ မွှိုမ် ကိူန် တွိုန် ဘော တ၀်း ဒီ ဇ၀်ယေဆူ ကွယ် ဟု၀် လေး ယေ ကာ ဒူင့် တီ အာမျု၀် ‘’အန် ဘော ဒွင် ဘာန် ပါယ် တီ။ ခုပ် ဂေ တီ အန် တီ ကာနမ် အီ တူ မွှိုမ် န့ မို၀်း နွန်း အူ ဘူင့် ဒဲင် နွန် တီ န့ မို၀်း ဖိုင် မာ လေတ့် ကိူန် ဟူမ် ပီ ဒီ ဟူမ် ဒေါ အန် တီ ဂေ ဘော တ၀်း ဒီ ဇ၀်ယေဆူ ကာ၀ေ အာ မျု၀် ယေ တဲး မဲ တဲး ဂေ လိုပ် ခဲင် ဖိုင် မာလေတ့် ဂေ တီ၊ ခု၀် အန် ဘော မှာန် ဒွင် ဘာန် ပါယ် တီ ဇ၀်ယေဆူ ဘော တ၀်း ဟဲ့ကျ ‘’တဲး ဘေ ဟာ၀် န့ကွယ် ဂေ” အန် ဘော ကာလာင် ပါယ် တီ။
ဒေါ အန် တီ ကာနမ် ကိူန် အီ တူ မွှိုမ် တွိုန် ဟဲ့ ဟွတ့် လေး ခဲင် ဒူအီ တွိုန် ဂေ ဘော ၀ီ ဟာ၀် လိုပ် ခဲင် ဖိုင် မာလေတ့် တီ မာလေတ့် ဂေ တီ ဘော လေး လိုပ် ခဲင် ဘ့လေင် အိုမ် တွိုန် ဂေ စေတ့် ယမ် ခဲင် အိုမ် တီ ခဲင် မာလတ့် တီ ဟဲ့ မို၀်း မာလေတ့် မွှိုမ် အာဟြဲန် ဟဲ့ ယမ် ဒူပ် ဟာ၀် မာလတ့် အီ တူ မွှိုမ်တီ။
မာလေတ့် ကိူန် တီ ဒါ ဂေ အီ ဟျီင် မာလေတ့် တွိုန် ပီ ပါယ် အန် ဒွန် မျု၀် တွိုန် ဂေ ဘော နပ် ဂေ ဘော ဝေန့် ဒီ ကာင် ဂေ ။ ဂေ ဘော ကာလာင် တဲး ဒီ ဒူအီ ရ၀် ဂေ ဒူအီ ဂေ ဒွန် အီ ဘော တဝ် ဇ၀်ယေဆူ ဟဲ့ ဘူင် အာတီ ဒွန် မျု၀် ဒေါ တး ဇမ် ဒူအီ ဂေ ခဲင် ရ၀် တီ ကာနမ် တီ ဘော လိုပ် ခဲင် ဒု၀် ဂေ အန် ဘော ကွယ် ဆီချာ အန် ဘော တာ ခြိုင် ကော နှဲမ် အီ ကာ ဆိူ၀် မှာန် အူ အီ ဂေ ဘော တ၀်း အန် ကွယ် ပါယ် တီ။
ဂေ ဒူအီ ကိူန် တီ ဂေ ၀ီ ယုဝ် ဇဝ် ယေဆူ ကာ ဒူင် တီ အန် လုဝ် လေး ဟာဝ် ဂေ မှာန် ပါယ် တီ။ခုဝ် အန် တီ ဇဝ်ယေဆူ တွိုန်။ ဝီ ဟုဝ့် ဒဲင် ရိုဝ် အန်။ဒူအီ ၀ါယ် ဟဲ့ လိုပ် လေး ကာနမ် ခဲင် ဒုဝ် အန် ဇဝ်ယေဆူ ဂေ ၀ီ မှာန့် ဒီ ဒူပ် နာ ပန် အန်။
၀ါယ် အန် တီ ဇဝ် ယေဆူ ဘော တ၀်း ဒီ ဂေ ဒူအီ တွိုန် အာဝ် ပွိုန် ဒူပ် အု၀် ‘’တဲး ဘေ ကာလာင် လွင် ဇဝ်ဖြာ ဒီ အီ ။ တဲး ဘော ဘေ ကာလာင် လွင် ပီ မွင့်ကာရာ ဇ၀်ဖြာ ဒီ ဘေ” ၊ အန် ဘော တ၀်း ပါယ် တီ။
ခုဝ် အန် တီ ဒူအီ တွိုန် အန် ဝီ ဟာဝ် ကာဒူင့် တူင့် အန် ဘော ၀ီ ဒီ ကာလာင် ဒီ အီ ဟ၀် ပီ ဘူင် ဇဝ် ယေဆူ တွိုန် အီ ယို၀် ဒီ ထူမ် လွင် ဇ၀်ယေဆူ တီ ဂေ ဘော ဝီ အာမ် ကာဆ၀် လွင် အန် တီ။
အန်ဇဝ်ယေဆူ ဟဲ့ဟွတ့်တးနာ တအိုမ်တွိုန်၊ ဒေါဟာဝ်ဇမ် အန်နာတအိုမ်တီ၊ န့မိုဝ်းဒူအီ ဖိုင်ဂေကွဲလာယ် ကာဆျီ့တး ခူပ်အန်၊ ခဲင်ဒူအီဖိုင်ဂေတီ၊ န့မိုဝ်းအီဘေန့် အူဝီမိုဝ်းဆဝ် နှာမ်ဟာဝ် ကွဲဝီဟဲ့နုဝ့်ဂိုဝ် ဒီဟာအာဆီနမ်၊ အန် ဟဲ့ဟွတ့်တူတ့် ကိန်ရွိုန် ဒီဒါဆာရာ ဆီနမ်အန်၊ အာဝ်ပဲပီဘဲန်အန်၊ ဆဝ်အန်ဘော ဝီဝဲကာပွါဟာဝ် ပါယ်တီ။
ခုဝ် ကွဲ ဘေန့် တီ၊ ဇဝ်ယေဆူ တွိုန် ဒူအီ ဆဝ် ကိူန် ဂေ တီ။ အန် ဝီ ဆီနမ် တဲး ဂေ ဝီ ဟြာယ် ဆေ အု၀် ပွိုန် “ပါ ခြိုင် ဇဝ်ယေဆူ ရောဂါ အုဝ် အန် ဒီ ဟြာယ် အူ ဇေန့်”။ အန် ဇန့်ဇာ ပါယ် တီ၊ ခု၀် အန်၊ ကွဲ ဘိုန့် တီ ဒူပ် ဘေ ဇဝ်ယေဆူ ကူပ် ပါ ခြိုင် ဇ၀်ယေဆူ ဆ၀်နှာမ်ဟဝ်ရောဂါ အန် ကောဟြာယ် ဟာဝ် ဒူပ် အူ ဇေန့်။
ဒေါမှာဝ် ဒေါအန် အန်ဇဝ်ယေဆူ တွိုန်၊ ဝီနပ် ဘောဝီ ဟဲဟုဝ့်လေး ပွုန်အန်၊ ဝီဆီ နမ် ဒီအီဟဝ်၊ ဘောဝီ နပ်အန်၊ အန်ဝီကာ ပ့လျီတ့်ယွတ်၊ ဝီမှာဝ်အီ တာပါအုဝ် "အန်ဝီဒီ မွှတ်ပါတီ၊ ဒါဘဲ အန်ဂေ ဝီတဝ်း၊ ခဲင်ဘော ကိူန် ဒူအီဂေ လာယ်ကာဆျီတ့်ခူပ် မဲ၊" မှာဝ်န့ပါယ် မဲ ပီတဝ်း အာဆေ တး ဒိုဝ်အုဝ်နီ၊ အန်ဝီဒီ မွှတ်ပါယ်တီ။
အီဘေန့် တွိုန်မိူဝ်၊ ဘောဝီယုဝ်၊ ဘောဝီခြိုက်ခြာဝ် နာအဲ့ အန်ဇဝ်ယေဆူ၊ ဟဲ့ဟွတ့် အန်ဘောဝီ ခဲ ဘောဝီ ကာလိုပ် အန်ပါယ် အန်ဒီ ဘူင်ဂေနီ၊ အန်ဘောဝီ ကာလာင်၊ ဘောပါယ် ဆဝ်အန်ဂေနီ ဒီဟြာယ်၊ အန်ဇဝ်ယေဆူ ဘောဝီတဝ်း ဒီအန်၊ "ပီညှိုမ် မဲ အန်ဇဝ်ဖြာ တွိုန်၊ ဟဲ့ဟွတ့် ဆီနမ်တဲး ဒီဖဲ၊ တဲးမဲပွိုန် ဒီဟာဝ် ဂျီတ့်ယေ၊ အန်တဝ်း ပါယ်တီ။
A Bible story from: Matthew 8:28-34; 9:20-22; Mark 5:1-20; 5:24b-34; Luke 8:26-39; 8:42b-48