၂၇ - လွင် အာဘိုမ် ဆာမာရီတာန် နပ်ဒီ ကာဝေအီ

ဟဲ့ ဇမ် အူ ဆီငဲ တီ၊ ခဲင် အာမျု၀် ဒူအီ ယူဒါ ဂေ၊ ဒါ အီ မာနု၀် ဒါ ရာ အူ၀ီ။ ဘော တး ဇမ် ကာဒူင့် ကွယ် ဇ၀်ယေဆူ အန် ဘော ကာလာင် ဒီ ဒူအီ ကိူန် တ၀်း ပီ ဘူင် ဇ၀်ယေဆူ တီ န့ကာလိုပ် အန် ဘော ကာလာင် ဒီ ဒူအီ ကိူန် ပါယ် တီ အန် တွိုန် ဘော ‘’တ၀်း မဲ ဆာ ရာ အု၀် ဆီ ပွိုန် အာဆာက် ကာမာယ် တူနပ်ဒီကတ့်၊ တူနပ် ဒီယမ် အူစုဝ် ဂမ်ဖါ မာဆေ ပီ လု၀် အု၀် ဘူင်”အန် ဘော ကာ မွှတ် တ၀်း ပီ ဒွါ ဇ၀်ဖြာ ခဲင် ကာဒိဇာတ်ဇာ တီ မာဆေ န့ မို၀်း ခဲင်အန်။ ခု၀် ဇ၀်ယေဆူ တွိုန် ဘော ဒီမွှတ် ပါယ်တီ။

ဒူအီ တီ အန် ‌ဘော ယို၀် ဒီ ထူမ် ဘ့လေး ပီ ဒမ် အုန် ဇ၀်ဖြာ ကာဒိဇာတ်ဇာ” အန် ဘော တ၀်း ခဲင် န၀်း မဲ အူယ် မျု၀် ဇ၀်ဖြာ တ၀်း တဲး မဲ ရွက့် ဒူအီ အီကွယ် ကာပက်ကာဘီမဲ၊ ဇ၀်ဖြာ တ၀်း ပါယ်တီ။ ဒေါ အန်တီ ဇ၀်ယေဆူ တွိုန် ဘော တ၀်း ပီ ဘူင် မဲ ဟဲ့ မှာန် မဲ တီ ပီ ဘူင် မဲ တီ မဲ ဒီ ပွိုန် အာဆာက် ကာမာယ်ဒူနပ် ဒီကတ်၊ ဒူနပ်ဒီယမ် အူစုဝ်ဂမ်ဖါ” အန် ဘော ကာလာင် ပါယ်တီ။

ခု၀် အန် တီ ဒါ အီ ဘျာန်း ဂြု၀်း တွိုန် အန် တီ အန် ဘော ကာလာင် ဒွါ ဒီ အီ၊ အီ ပါယ် အန် ဒီ ကွယ် ခု၀် န့ ဟဲ့ မှာန် အန် ဘော တ၀်း ဒီ ဇ၀်ယေဆူ တွိုန် ဆေ အီ တ၀်း ပါယ် တီ ခုဝ် အု၀် အာဆေ န့ မုး အန် ဘောဒီ မွှတ်ပါယ် တီ။

အန် ဇ၀်ယေဆူ တွိုန် ဘော ကာလာင် ဒီ ဒါ အီ ဘျာန်း ဂြု၀်း တွိုန် အာဘိုမ်အူရုဝ်” မိူင် ယေရူဆာလဲင် ဂါယ် မိူင် ယေရီခု၀် တွိုန် န့ မို၀်း ဒူအီ ၊ ယူဒါ ဂေ တွိုန် အူ အီ ဟာ၀် ဒူပ် နတေန့် တွိုန်။

မာလဲ အန်ဝီကာဒုး ဒါစိူမ် ဒူပ်န့တေန်တီ၊ ဒါစိူမ်ဂေတွိုန် ဘောဝီဒိုဝ်း တူတ့် ကြုဝ်ကြာမ်အန်၊ ဘောဝီ ကာ ယာင်မးအန်၊ အန်ကောဝီငှ ဒီယမ်၊ ဟဲ့ဟွတ့် ဝီဝဲန်အန်ဒီတီ။

၀ါယ် အန် တီ အာ ဘော လှေန့် ဒါအီ ဘျာန်း ဂြု၀်း ယူဒါ ဂေ တွိုန် အူ အီ အန် ဘော ယု၀် ဒူအီ အူအီ ကွယ် ခဲင် ဒူင် န့တေုန့် တွိုန် အန် ဘောန့ ရာင် တူ ပီ ယု၀် အန် အန် ဘော လေး ဟာ၀် န့တေန့် ဘော အူ ညှာင့်။

“အာ ခြာ၀် အန် အာ၀်ဟူ ဘော လှေန့် အာလေ၀ီ တွိုန် ဘော တး ဇမ် ခဲင် ဒူင် န့တေန့် တီ အာလေ၀ီ တီ အန် ဟဲ့ မုး ဒါအီ ဘျာန်း ဂြု၀်း အူအီ အန် စွယ် ဒူအီ ယူဒါ ဂေ တွိုန် အာဇု အန် ဘော ဘဲန် ဒူအီ ယူဒါ ဂေ တွိုန် အာ ဇု အာလေ၀ီ တွိုန် မုး အန် န့ ရာင် တူ ပီ ယု၀် အန် ဒူအီ တွိုန် အန် ဘော ဟာ၀် ဒူ၀် န့တေန့် ဘော အူ ညောင့်”။

“ဒူအီ ဟာ၀် ဒူင် န့တေန့် ဘော အူအီ အန် မုး မာရီ အူအီ မာ ရီ တွိုန် အန် မုး ဒူအီ အီ လာယ် ဇွင့် ဒီ ဒူအီ ယူဒါ ဂေ တွိုန် ၊ မာရီ တွိုန် အန် ဘော ယု၀် ဒူအီ အူအီ ကေတ့် ခဲင် ဒူင် န့တေန့် တွိုန် အူအီ အန် တီ အန် ဘော ယု၀် ဒူအီ တီ န့ မုး ဒူအီ ယူဒါ ‌ဂေ တွိုန် အန် တွိုန် ဘော မို၀်း န၀်း ဆီ စွယ် တဲး ကာဆ၀် ၀ါယ် အန် တီ ဆာမာရီတန်တွိုန် အန် ဟပ် ဒွါ ဆီနမ် ဒီ ဒူအီ တီ”။

ဟဲ့ဟွတ့် အာတီ ဒူအီ ဆာမာရီတာန် တွိုန်၊ ဘောစုဝ့် ဒါင်ဒဲင့်မန် ပြွင့်ဒီဒုအန်၊ ဒိူယ်ဟာဝ် ဇမ်အန်ဇီ ရူင်ကာဒူင့် ချဂေ။ ဟဲ့ဟွတ့် ဝီလိုမ်လာ အန်ဒီတီ။

”ဘော အူ ဆီငဲ ဆာမာရီတာန် တွိုန် အန် ဘော လု၀် ဟာ၀် ကာဒူင် လု၀် အန် ဟာ၀် ပွါ အန် ဘော ဒွါ ရွိုန် အန် ဒီ ဒါ အီ ကာဒူပ်အီ အန် တွိုန် အန် ဘော တ၀်း ယွတ် တဲး ဒူအီ နီ ဆေ ရွိုန် နီ အာဝ် လွိုမ် မဲ ၀ီ ဒွါ ဒီ အု၀် အန် ဘော ဒမ် ဘ့လေ ပါယ် တီ”။

၀ါယ် အန် တီ ဇ၀်ယေဆူ တွိုန် ဘော တ၀်း ဒီ ဒါ အီ ဘျာန်း ဂြု၀်း တွိုန် “ အာဆေ န့မုးဒူအီ ကာဘက် ကာဘီ မဲဂေတီ၊ အာဆေ မဲ ထာင် န့ မုး “ အန် ဘော ဒီမွှတ် ပါယ် တီ။ “ အန် ဘော ၀ီ တ၀်း န့ မုး ဒူအီ အီ မို၀်း အာဂျို၀် နာ ဒဲင် အန်၊ အန် ဘော တ၀်း ပါယ် တီ၊ ဇ၀်ယဆူ တွိုန် ဘော တ၀်း မဲ မိူဝ် လု၀် ဘူင် ပါယ် တီ”။ အန် ကာလာင် ပါယ် တီ။

A Bible story from: Luke 10:25-37