၃၆ - လွင် ကာ ဘ့ လိူင် အာ ရိုပ် ရာင် ဇဝ်ယေဆူ

န့ မိုဝ်း အာ ဒါ အူ ဆီငဲ အန် ဇဝ်ယေဆူ ဂေဒါ ဘဲ အန် အူယ်အီ စိူဝ် အာပေတာရူ၊ အာယာကူပ် ဘော အာယော ဟာန်၊ အန် ဇဝ်ယေဆူ ဒဲ့ ဟာဝ် ဂေ၊ ဒါ ဘဲ အန် ဇဝ်ယေဆူ၊ အီ မုး အာယောဟာန် နီ၊ အာဝ် မုး ဒါ အီ စိုပ် အန် ဇဝ်ယေ ဆူ ခဲင် အိုမ် တွိုန်၊ ဂေ လုဝ် ဟာဝ် ဆာ ခိုဝ်၊ ဂေ ဘော ဟုဝ့် ဒဲင် နွန် စာ တီ။

ဒေါ ဆာ ခိုဝ် အန် ဇဝ်ယေဆူ ဒီ တီ၊ နာ အန် ဇဝ် မိူဝ် ဘော ဝီ ဘ့ ဘာင် လူယ် ဆီ ငါ့ ဘော ခြိုင် အန် ဂေ နီ န့ ဘ့ လာင် ရာဝ် ကာ ဆာဝ်၊ ခဲင် ဘော ဘ့ လာင် ကာ ဆာဝ် ဒိူက်၊ ဒဲင် ကာ ဒါယ် နီ၊ အာဝ် မိုဝ်း အီ ပဲ ဒီ ဘူင့် မျုဝ် ဇိုဝ် တီ။

ဝါယ် အန် တီ၊ န့ မိုဝ်း အာမုဝ်ဆဲ၊ ဘော အေလီယာ၊ အီ နပ် ဒီ ကာ လာင် ပီ ဒီ ပါယ် အန် နာ အာတ့် ဆိန့်အာတ့် ဘဲန် အန် အာ နီ၊ ဂေ ဟဲ ကွယ် လှေန် ဒဲင် ကာ ဒါယ် နီ၊ ဘီ အန် ကော ဝီ နုဝ့် ဒီ မာ ယဝ်း အန်၊ ဂေ ဟဲဟွတ့် ဒွိုမ် မိုဝ်း၊ ဒီ လာယ် မွှုန် လွင် အန် ဇဝ်ယေဆူ၊ ဒီ လုဝ် ယမ် ခဲင် မိူင် ယေရူဆလဲမ်။

ဒေါ လာယ် မွှုန် အာ မုဝ်ဆဲ ဂါယ် အေလီယာ ဒီ အန် ဇဝ် ယေဆူ။ ဒါ ဘဲ အန် ဇဝ် ယေဆူ၊ အီ စိူဝ် အာပေတာရူ တဝ်း "မဲ ဇဝ်၊ န့ ဟဲ့ ဒါ ခိုယ် ကွယ် ဒီ နီ၊ တဲး အေ ဘူင် ထိုပ် အူယ် ထိုပ်၊ ဘော အာ ဒါ အာ မုဝ်ဆဲ ဂါယ် အာ အေလီယာ" ဘော တဝ်း အန် တီ မိူဝ်၊ အန် တူ နပ် ပီ ဘော တဝ်း အန်။

ဒေါ ကာ လာင် အာပေတာရူ ဂြုဝ်း တီ၊ န့ မိုဝ်း န့ အု အီ ဘ့ လာင် တး ပ့ လိုက် တူတ့် ဂေ။ "ဒူ အီ တီ မုး ဂွန် ပီ ရွက် ကာ ဆဝ် အုဝ်။ ပီ ဘူင် အန် န့ လဝ့် နဝ်း အုဝ်၊ တဲး ဘေ ထူမ် ဂြုဝ်း အန်" ဂေ ဒီ ဘဲ အန် အူယ် ဝီ ဟဲ့ဟွတ့် ထူမ် ဂြုဝ်း တီ၊ ဂေ ယုဝ် ကာ ဆဝ် ဂေ ဝီ ကေး ဒဲင် ကာ ဒါယ်။

ပန် တီ အန် ဇဝ်ယေဆူ ဝီတးဘျေတ့်ဂေတဝ်း "ယိတ့်၊ ဘေ ကွဲ့ ယုဝ်" ဂေ ဝီ ဆာ ကိုဝ်း ယွတ့်၊ ဝီ ယိုဝ် မီ ဇဝ် ယေဆူ အူ ဝီ။ အာဝ် ဟူ ယိုဝ် ဂါယ် အာ အီ တွိုန်။

အန် ဇဝ်ယေဆူ၊ ဂေ ဒါ ဘဲ အန် အူယ် အီ တွိုန် ဘော ဝီ လေး လူင် ဒဲင် နွန် တီ၊ အန် ဇဝ်ယေဆူ ဘော ဝီ ဒမ် ဂြုဝ်း ဒီ ဂေ။ "ကွဲ့ ခဲ ဒီ အာ ဆေ လွင် ပဲ့ ဟဲ့ ယိုဝ် ဘေ နီ၊ တဲး န့ ကော ဇမ် အခြာဝ် ဝီ ယိတ့် ဝီ အိမ် အုဝ် ဝါယ် ဟဲ့ ဟွတ့် ယမ် အုဝ်။ ဟဲ့ဟွတ့် ပန်တီ တဲးဘေ ကာလာင် ဒီဒူအီဂေ"။ အန်ဒမ်ဒီဂေပါယ်တီ။

A Bible story from: Matthew 17:1-9; Mark 9:2-8; Luke 9:28-36